بارت 8000 كلمة استمتعوا،
ولاتبخلوا بتعليقاتكم الحلوة 🫀☁️.
.......
أضُمَك لو تَجي بكُل طَيف
رَسالة من الحَرُب ؛ هَل مَستعز بيها .
.......
رفع عقاب چفه لشعر علي ملتمس نعومته بحرص وعلكيفه، صارت الساعة خمسة الصبح وصارله ساعتين من گاعد من نومته، بس هنة مرن بدون ميحس بيهن حتى غرگان بملامح علي يتأمله بنومته بنص حضنه محاوطه بايديناته الاثنين.
نايم علي بعمق وراحة ماحسها من زمان ومن بداية هالحرب هو ماتهنى بنومة ثگيلة مثل نومته بحضن عقاب، يبتسم عقاب مستغل عمق نومته رايد يشبع منه قبل مايرجع للفاو ويرجعون للقتال فينجبر مايشوفه لأيام، گلبه ينبض بقوة بين ضلوعه صافن بيه عيونه ماترمش الا كل وين ووين.
ينزل راسه اله شوية لانه علي محاط راسه على المخدة مثل عقاب، هو نايم على زنده ولازم بيها عقاب ظهره بنفس الوكت، علي چان لام ايديناته لصدره ونزل عقاب ايده الثانية عن شعر علي مريحها على خصره هالمرة، مدخل وحدة من رجليه بين رجلينات علي جوة الغطة الخفيف على جسمهم.
فباس عقاب راس علي مايشبع من شم ريحته يلي حتى من يفارگه يبقو گادر يذكرها، ينزل بشفايفه لگصته طابع بوسة رقيقة يرجع يبوس عيونه ورموشه الطويلة يلي كاتلة گلبه كتل، بايس بعدها خشمه يرجع يرفع ايده عن خصر علي يلزمها بيها حنچه برقة خايف يگعده.
يرفع راس علي شوية اله حاط عيونه على شفايفه، يلي متفرگة عن بعضها بشكل خفيف ولطيف يگدر يسمع شخيره الناصي حيل منگد مانومته ثگيلة، مامقتنع عقاب انه علي عمره تلاثين سنة يحسه طفل حتى وية منصبه وقوته، مايگدر يقاوم عقاب اغراء شفايف علي بلونها الوردي الخفيف ونفختها يطبگ شفايفهم سوية ببوسة.
طلع عقاب طرف لسانه يلطع شفايف علي علكيفه يمصهن اثنينهن مرة قبل مايوخر خايف يلگفه علي مستغل نومته ويبوسه، وكتها ميخلص من لسانه وحچيه يبوس خده بوسة اخيرة قبل ما يرجع راسه على المخدة يتنهد بنفس ثگيل، رافع عيونه لشباك غرفته بعدها.
عض عقاب شفته بحسرة بس شاف ضوة الشمس بدة يقوة، لازمه يگعد علي ويطلعه منا قبل ما يگعدون باقي الجنود، اذا انعرف بوجود علي وياه فحتكون هاي مصيبة مستحيل يگدر يتستر عليها بأي شكل، ماكو شك عد عقاب انه ممكن ينعدمون اثنينهم حتى.
فبلع ريگه يحافظ على تعابيره ببرودتها المعتادة يحاچي علي بنبرة ناشفة • علي..علي اگعد كافي نوم!.• هو سحب ايده من جوة راس علي هاز چتفه، مخلي علي يعگد حواجبه بالگوة يفتح عيونه مبين عليه بعده نعسان يعبس ملامحه بعدما رجع تدنى لعقاب اكثر دافن وجهه بصدره شابگ ظهره يدردم بنبرة نعسانة مبحوحة • اوفف بعدني ماشبعت منك..•
YOU ARE READING
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
