لقد عدنا، اعتذر منكم لان تعطلت بالتحديث،
ركود الافكار تعبني كل شوية ويعنفص عقلي،
هاي البارت طوله 7000 كلمة بما ان يعجبكم تعرفون
عدد الكلمات، الشروط هالمرة علكيفكم نفذوها 😂.
350 فوت + 3000 كومنت.
.......
بلاية وداع مثل العود من يذبل بلاية وداع،
تدري بية هرش وجرت بية الكاع،
يارخص العشگ من ينشره وينباع،
چنت بليل المحبين شلذ اسمك على الخاطر،
وچان الشوگ بيك ارسوم حلوة ولهفة مسافر،
وچنت وياك صبر الگاع للماي وخلگ شاعر،
وبلا چلمة التنگال كل ذاك الحنين انشال؟!..
وضنون المحبة تظل بلاية وداع..
يارخص العشگ من ينشرة وينباع!.
........
ساعة بالدعش بالليل طلع سجاد من غرفته مقرر يروح لغرفة عقاب، هو مايتحمل يبقى ساكت على وضع عقاب خصوصاً بعدما شافه البارحة شون محروگ گلبه من علي، يوگف گدام باب الغرفة عاض شفته بقوة واول مالزم يدة الباب وگفه صوت ولي الله • سجاد شعندك تحوص بالمقر تالي الليل ليش مانمت؟.• دار سجاد راسه ناحية صوت ابوه وجمدت تعابيره مبتعد عن الباب شوية.
• ليش حضرتك سيدي مانمت؟.• برسمية رد سجاد ومغثة منه لان واضح ابوه ديراقبه معرفته بجيته لغرفة عقاب مو صدفة، يدنى ولي الله اله يخزره بنظراته حاچي بنبرة جامدة • سالتك سوال رد عليه بلا مرادد!.• گز سجاد على سنونه محافظ على برودة نظراته وملامحه گدام ولي الله • اريد احچي وية اخوية شنو ممنوع؟!.•
• اي ممنوع ارجع لغرفتك.• أمره ولي الله لان هو حافظ سجاد وطبعه، مستحيل يضم عن عقاب شي واذا غفل عنه شوية راح يحچي لعقاب كلشي صار مايتحمل يشوفه مقهور، يعگد سجاد حواجبه بعصبية ماشي يضرب چفته بچتف ولي الله • ماتگدر تمنعي ارگع راسك بالحايط اني ححچي لعقاب كلشي.• جدحت نظرات ولي الله بعصبية چبيرة واندار رأساً لسجاد يعته من ياخة تيشيرته الزيتوني دافعه على الحايط، بكل قوته يلزم رگبته بچفه الثاني ضاغط عليه بقوة عمود يمنعه يقاومه.
YOU ARE READING
1980
Lãng mạnحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
