1980

Part 31

اعتذرلكم على التعطيل بالنشر، كلش قصرت
بحقكم وتعويضاً الكم خليته بارتين ببارت واحد وصار
14,000 كلمة، المهم الاغنية هاي اسمعوها بمقطع عقاب
وعلي خصيصاً، واستمتعوا وغلسوا على علساتي.

الشروط نفسهن 500 فوت و3,500 كومنت،
واذا تردون تزيدوهن عمود طول البارت
يعني تصيرون خوش اوادم 😂.

عدلت على اسماء اولاد الريس الغالي يلي مكدر اذكر
اسمه واسم جهاله عمود لاتجي ابلاغات للرواية ولا ندخل
روحنا بموضوع شوية حساس مثل ذكر اسماء حقيقية
كافينا ذكرنا لاحداث حقيقية صح؟ 🥸.

........

وين آخذك وين أنهزم بيك؟..
بضلوعي لو بعيوني أخليك؟..
جابتك واتبسمت أمك..
وأنا على راسي شلت همك!..
هي الـ عليها سمت أسمك..
وآنا الـ عليه أبتلي بيك!..

........

• أياز وخر عنه!.• گام عدنان رأساً على حيله يدخل بيناتهم محاول يفاكك أياز عن ناڤيد بس أياز دفع عدنان يرفع ايده هاف ناڤيد بوكسي قوي، خلاه يتراجع خطوتين ليورة وايد لزمت فچه والثانية حاوط بيها مكان جرحه يعگد حواجبه بقوة وأذاه جرحه اكثر من البوكسي نفسه، ينتر بيه أياز بلهجة حادة وحقد • مراح اسكت عن هااشي يلي سمعته!! لازم الكل يعرف اكو ايراني خايس مزروع بيناتهم!.•

• انتة مو گد هالتهديد هذا..• حذره ناڤيد وتغيرت نبرة صوته لنبرة خشنة باردة مايهزه تهديد أياز بشي، يدخل عدنان عد هالحد محاول يسكتهم متوتر من أياز • أياز لاتسوي مشكلة هسة!..• باوعله أياز بعصبية ناتر بيه عاگد حواجبه بقوة • علشنو دتدافع اله؟!!، مهددك هذا العار مو؟!!، ليش ماحچيتلي من اول ماجيت چان لعنت والديه!!، وخلي تهديداتك لروحك ماتخوفني بيها عبالك عود حخاف لا تكتلني؟!!.• وجه كلامه الاخير لناڤيد يلي عصر چفوفه حيل تسود ملامحه واذا چان أياز يشكل خطر عليه فهو لازم يخلص منه.

• أياز نصي صوتك راح يسمعونك البقية!! لاتعيط خليني اني افهمك!!.• لوما ناڤيد اسودت نظراته وجمدت ملامح وجهه يلزم جرحه بقوة متحرك بسرعة للكومدي بصف الچرباية، يفتح المجر ساحب مسدسه واندار لأياز الملتهي يسمع لتبريرات عدنان يندفع ناحيته مامهتم لتعب جسمه، يدفعه على الحايط بكل قوته حاط المسدس برگبته حاچي بحدة • استشهد احسن الك من اللغوة!!.•

• حسين لا فدوة اوگف!!.• برجفة صوت توسل بيه عدنان يدنى عليهم بسرعة بس ناڤيد هدده بحدة داير راسه عليه يخزره بطرف عينه • ياويلك تتقرب عدنان!.• وگف عدنان بمكانه وأياز استغل الفرصة راساً بقلة انتباهه يضرب ايده دافعه وضربه بوكسي قوي بوجهه، يرجع ناڤيد چم خطوة ليورة ورجع أياز يضربه بوكسي ثاني وقبل مايضربه الثالث، ناڤيد رفع ايده بالمسدس يضربه بوكسي اقوى رافع رجله بكل حيله دافره ببطنه، بشكل خلى جرحه ينفتح بس هو ما اهتم للدم يلي لطخ بطنه، ماوگف ناڤيد لهنا يرجع يضربه بوكسي همين يلزم ياخته رايد يخنگه.