صوت التأوهات فوگ يلي ردتوها فوگ ☝️،
بارت طويل 14000 كلمة، اي علسة غلسوا عليها،
بارت كامل لعقاب وعلاوي ✨، المايتفاعل ورة كل هالتعب
اخلي عقاب يچفص ببطنه! 🥸، استمتعوا واترسوا الفقرات
بتعليقاتكم الحلوة ♥️.
.......
يا ماگلتلك نظرة منك، تختصر عمري الحزين،
ويا ما گلتلك جملة منك، تنده روحي سنين،
وچنت وين وهسة وين،
چان گلبي ولاية وحشة، والشعور البية طين،
هسة ديني رموش عينك مالي وية الناس دين.
........
• عقاب؟!!، شدسوي شجابك؟.• بصدمة حچى علي يگوم عن چربايته يباوع لعقاب يلي فتح شابك غرفته من برة ولوف جسمه بالعرض لخاطر يدخل منه بدون ماتمنعه ضخامة جسمه، يبتسم صفح رافع عيونه لعلي يجاوبه بنبرة لعوبة • جاي اخطفك حضرة القائد علي رضا.•
رمش علي لثواني يحاول يستوعب حچايته، فسحب نفس ثگيل متخصر بتك أيد يباوع لعقاب بنظرات حادة يحاچيه بأمتعاض واضح • اني شگلت اخر مرة؟!، انتة شنو من بشر؟ وكت اريدك واجيك برجلية تطردني وكت ماريدك تلطش؟!.• رزله علي بجزع منه يتدنى عقاب اله ماد ايده لخصر علي ساحبه ناحيته يدگ صدورهم ببعضها.
• واني شگلت اخر مرة؟!، بعد مابيها اريدك ومتريدني.. اني راح اتغير وجاي اثبتلك هالشي لخاطر اكسب رضاتك عني.• عقاب جاوبه بنبرة لينة يرفع چفه لخد علي يحط عيونه بعيون علي متأمل كم الجمال الشايلته وحدة نظراته تزيدها فتنة.
• واني مراح ارجعلك بكلمتين..ثابت على موقفي وكلامي وياك امشي اطلع منا قبل ما الم الجنود عليك!.• هدد علي ينهره دافع ايديناته عنه ومنطاه عقاب اي فرصة انه يملص روحه منه، يرجع يتمسك بخصره الزغير بثنين چفوفه يغطي بضخامتهن يسأله • علاوي شنو يلي مافهمته بأني جاي اخطفك؟!.•
• ها؟..شدتمضرط؟.• استنكر علي كلامه عاقچ ملامحه على عقاب يلي كبرت ابتسامته الخبيثة اكثر واكثر يوخر عن علي، يروح ناحية الشباك وين ما عاف علاگة سودة كارتونية اول مادخل وما انتبه علي عليها الا هسة، يندار عقاب ناحيته شامرها اله فلزمها علي عابس ملامحه.
• البس هذني يلة.• أمره عقاب بنوع من الجدية فلوة علي شفته يرد بعناد • ما!..گلتلك مراح اجي وياك لمكان.• همهم عقاب يچتف ايديه يرجع يدنى لعلي يلي باوعله من الطول للطول يتفحص هيئة عقاب بالملابس اللابسها.
بنطرون رصاصي وجواه قميص ابيض، فوگاه لابس يلگ صوفي ازرگ وسترة ثگيلة فوگاهن لونها اسود، اول مرة يشوف عقاب بلبس غير بدلته العسكرية، چانت هالملابس تزيده ضخامة وتبرز جسمه اكثر، فوگ طوله شكله يخلي الشخص يحبس نفسه لمدة غصباً عنه، وعلي مچان استثناء، مايگدر مايحس بنفسه ثگيل عليه ودكات گلبه تعلى بشوفته يتقربله، يحس بنظرات عيونه الزرگة راح تزرفه.
أنت تقرأ
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
