1980

Part 20

ويا مساء الغيم عليكم ☁️.
بارت مثل العادة 9000 كلمة،
لاتقصرون بحقه وبحقي عيناي 💙.

وحبابين لحد يحرك بالمنصة
بعدما يقرة البارت، اي تعليق اكتبوه
بالبارت لان مو الكل يقرة بنفس الوكت.

ملاحظة : الصحن او مايسمى بالصحن الهوائي عدنا بالعراق،
هو طبق القمر الصناعي الي ينحط بسطح البيت ويجيب اشارة
للقنوات مال التلفزيون عمود تشتغل تمام؟، وبالعراق نستخدم
جملة فصل الصحن مالته للاستهزاء يعني هالشخص هذا
كام يهلوس او تخبل مثل لما الصحن مايلقط اشارة للتلفزيون،
ولالنگي يعني فاكهة اليوسفي لان اكو ادري المو عراقيين
راح يسالون عن معنى الحجي بهالبارت فكلت اشرح يلة اقروا
هسة طولت بالحجي عليكم 😂.

........

طيور البصرة وسماها،
ترابها وهواها، كلها تسولف
عشگنا للأجيال الوراها.
- تأليفي الخاص امدحوه زايد رجاءاً 😂.

.......

بعد ساعة من الهجوم ووسط منطقة قديمة ببيت مناطق البصرة وبيوت قليلة مهجورة، وگف شاب طويل اسمر بنهاية عشريناته بملامح مگلوبة وبدلة عسكرية سودة ثگيلة بسبب برد الشتة، حاط ايد بجيبه والثانية يدخن بيها يحرگ بيها رئته علما ينتظر، يشوف سيارة سودة جاية ناحيته مضيگ عيونه مباوعلهم لما وگفو بصفه فاتحين الجامة.

• وين الجريذي الصدتوه؟.• سألهم بنبرة ثگيلة نافخ دخان جگارته يجاوبه الرجال الگاعد بصف السايق • بالصندوگ حطيناه وين فلوسنا؟ ترة ماننطيه قبل ما تنطينا فلوسنا.• ابتسم الثاني صفح مثبت الجگارة بين شفايفه، يدخل ايده بجيب قمصلته الجواني لحتى يطلع الفلوس وچانوا الخمسة متحمسين ياخذهم حصتهم.

تمر ثواني وطلع مسدسه بكاتم الصوت يضربهم خمس طلقات سريعة استقرت بروسهم، بدون حتى ماينطيهم فرصة يدافعون عن نفسهم او يستوعبون غدرته الهم يدردم بصوت ناصي • ثولان، الجنرال يسلم عليكم!.• هو كتلهم بدم بارد لانهم عبارة عن حرامية ومطلوبين للاعدام لاسباب تافهة طبعاً مثل انتقاد حضرة الرئيس، لو فرار من خدمة الجيش ومالازم يعوفهم عايشين بعد ماخلصوا هالمهمة، الي چان كل هدفهم منها يكسبون شوية فلوس تساعدهم ما يلنزمون.

يمشي لظهر السيارة فاتح الصندوگ مالها يباوع لعلي يلي چان متخدر، ومغطين عيونه بوصلة وهمين حلگه لزگوه بتيب رابطين ايديه لورة ظهره، يدنج عليه رافع جسمه مندار هو لحتى يگدر يشيله على ظهره ماشي ناحية المصفحة العسكرية الجاي بيها، يفتح الباب الورانية ودخله بيها ممدده على الكراسي طابگها.