1980

Part 4

بارت 7000 كلمة،
استمتعوا ولاتبخلوا بتعليقاتكم الحلوة 🫀.
اي غلطة املائية غلسوا عليها.

.....

نبذة عن جسم عقاب بس الطول بعد اطول.

.......

• والله ورفعت راسنا ياستار گدام حضرة الرئيس، أمرني اوزع گيعان باسامك انتة وفريقك كل واحد اله گاع ميتين وخمسين متر!.• كاظم حچى بضحكة چبيرة يرفع ستكان الچاي مالته شارب منه وستار يلي گاعد على الكرسي يم المكتب صب شوية من الاستكان بالماعون مالته يشرب منه همين يبتسم برضى.

• اهم شي رضى الرئيس علينا شنريد غير هيچ، الله يحفظه ويطول عمره يارب.• دعى ستار اله يلطع بلل شفته من الچاي مع انه هالدعوة من ورة گلبه، بس هو لو ينافق هيچ لو يخسر حياته وشغله وكلشي، على الاقل طالع له بمصلحة من درب النفاق.

• تدري ليش الرئيس فرحان؟، لان واحد من الاسرة يلي اعتقلتوهم، طلع عمه وزير الدفاع الايراني.• كاظم حچى يبتسم صفح بتعابير مستحقرة للايرانيين، مخلي ستار ياخذله صفنة يرفع عينه بعين كاظم يسأله بفضول • منو بيهم؟.•

• مهيار تشمران.• گاله كاظم الاسم وعض ستار باطن خده يضحك ضحكة ناصية على هالمعلومة يستفهم من كاظم اكثر • لعد ليش حاطه قناص بالمنطقة؟، شعجب محاطه قائد فيلق لو فد منصب عالي.•