شونكم شخباركم ✨،
ادري تعطلت بالنشر بس ميخالف
الله يجلعها اخر التعطيلات چانت عندي
حالة من الركود الكتابي وظروف مزعجة،
350 فوت + 3000 كومنت.
اي علسة غلسوا عليها.
.......
شنسى منك؟..
حلاوة صوتك وسمارك؟..
طولك ونبرة ضحكتك؟..
والحچايات الحنينة المنها
صرت اعشگ حتى لهجتك؟..
شيمسحك من روحي
وشنسى منك؟..
.......
بعد مرور يومين - حدود قضاء ابو الخصيب
وقضاء البصرة المتنازع عليهم.
چانوا الجنود الايرانيين يتبادلون اطلاق النار بحدود منطقة ابو الخصيب وقضاء البصرة وية الجنود العراقيين، مچان ينسمع شي غير صوت الطلق والمتفرجات والقذائف يلي انفجارها هز الگاع هز، اغلبهم خاتلين ورة گواني خضرة مليانة تراب وحجار عمود تحميهم من الطلق، صعب عليهم يتقدمون لان تصدي الفيلق العراقي هالمرة قوي بشكل چبير، چان اجباري على سجاد يمنعهم يدخلون للقضاء لأن راح يخسرون نص المحافظة هيچ.
من ضمنهم علي لازم رشاشته ومنبطح بالگاع ورة الگواني لحتى يحمي روحه، وچان متعمد يخلي كل اصاباته للجنود العراقيين مو خطيرة شي يضرب باتجاه الچتف وشي على الايد والرجل، حتى بس يعطلهم من التقدم ناحيتهم بالمنطقة مع العلم هو وحده يلي ديسوي هيچ، بقية الجنود يرمون بدون اهتمام اذا هالجندي المقابيلهم عاش لو مات، واغلبيتهم متعمدين يكتلون اذا چانوا من الطرف الايراني لو العراقي.
لأن هسة المسئلة حماية وطنهم وحياتهم سوية محد راح يتساهل وبس شاف علي الوضع بدة يسوء ودتزيد اصابات جنوده، غير ذخيرتهم يلي حتخلص جر اللاسلكي المتعلگ بهدومه يأمر الجنود الي لابسين سماعات باذنهم متصلة باللاسلكي • لينسحب الجميع الوضع سئ جداً ومن يستطيع لينقل معه اي جندي مصاب لايزال حياً.• بس وصلهم أمره همة نزلوا اسلحتهم واحد ورة الثاني منسحبين بزحف على الگاع، ويلي گدر اخذ وياه جندي من المصابيين والعايشين للوكت الحالي لأن صعب ينقلون جثث الميتين همين.
YOU ARE READING
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
