بارت طويل 9000 كلمة،
استمتعوا ولا تبخلون بتعليقاتكم الحلوة بالفقرات 🫀.
......
والودّ يظهرُ في العيون خفيُّهُ،
إن الوداد سريرةٌ لاتُكتمُ.
......
- مثنى: العمر 27 / الطول 178.
......
صوت الصينية وگلاص المي الحديدي يلي وگع بالگاع، صوت مثنى يلي ظهر من العدم فجاءة وفتح الباب، يلي نسى عقاب انه يقفلها، خلت دگات گلب علي وعقاب تتعالى ضاربة ضلوعهم بقوة عبالك حتطلع من صدرهم اثنيناتهم.
دار عقاب راسه لمثنى يگوم بسرعة من فوگ علي يلي اصفر وجهه معارف حتى يتنفس عدل، فندفع عقاب ناحية مثنى المتجمد بمكانه مگادر يتحرك ولا يحچي مديستوعب المنظر يلي شافه، يلزم زنده بقوة ساحبه لجوة الغرفة يسد الباب ويقفلها بالمفتاح.
رفع مثنى عيونه المهزوزة لعقاب قبل مايدير راسه ناحية علي بس بشكل مباغت عقاب لزم فچه بقوة يرجع وجهه ناحيته ينتر بيه بعصبية وحدة • عينك اذا تحطها عليه افگسلك اياها فهمت؟!، انتة بيا حق تدخل غرفتي بدون استأذان؟!.• گز مثنى على سنونه يثبت عيونه على عقاب عاگد حواجبه، هالنبرة وهالاسلوب اول مرة يتعامل عقاب وية مثنى بهيچ طريقة خصوصاً وهو حاصره على الحايط بضخامته.
• نسيت دواك..وگلت عادي ادخل لاني مساعدك الشخصي..• برر مثنى يعصر چفوفه بقوة حاس بالحرگة بصدره وحچى بصعوبة من عصر عقاب لفچه، وبهيچ موقف عقاب انعمى بعصبيته وخوفه على علي، ينتر بمثنى بحدة وثوران • لا مو عادي!!، اني ابقى قائدك حتى لو مساعدي انتة!!!، لو تشوف غرفتي تحترگ همين ماتدخل قبل ما تستأذني!!!.•
• متوقعت ابد سيدي انك تحب الرياجيل..فوگاها ايراني؟!..ليا درجة انتة بايع روحك!.• بنرفزة حچى مثنى، يشوف شون عقاب محروگ دمه وگاعد يعيط بوجهه لخاطر واحد ايراني، مع أنه مثنى مايعرف علي بس كافي انه شاف بدلة الجيش الايراني يلي لابسها، ضغط عقاب على سنونه يعصر چفوفه اقوة على زند مثنى وفچه يهدده بنبرة خشنة • ياويلك يا مثنى وتحچي حرف واحد عن يلي شفته!، وربك وشرف الانبياء ما اخلي نفس بيك!!.•
باوع مثنى بعيون عقاب وزراگها الي صار طوخ بعدما احمر بياضها، يتأمل هالحدة والغضب بعينه بنظرات غريبة مامقروئة، يبتسم صفح بشكل مو متوقع بوجه عقاب يلي لانت عگدة حواجبه اول مشاف هالابتسامة الاستهزائية والعصبية يجاوبه بمغثة وانفعال • صدگ؟!، تكتلني؟ شون بالله؟ شون حتكتلني واني أبن رئيس القضاة؟، اذا الرئيس بنفسه مايمس شعرة من القضاة! تهددني انتة بالكتل؟!، لاتحاول تستقوي علية بس لاني بمنصب مساعد الك!.•
YOU ARE READING
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
