منو اشتاق؟، بارت 12000 كلمة،
وبعد ماكوللكم تفاعلوا انتو وضميركم،
واي علسة غضوا البصر عنها.
بخصوص الجماعة بتعليقات الرواية المو عاجبهم اختياراتي لصور الشخصيات، عمود لتكولون اعمم همين همة يعلقون بالبارتات الاولى وين صورهم اذا ترجعون تلكونها منورة، تدرون شيبتوا راسي؟، نبهت اكثر من مرة اني احط صور للي خياله مصخم ضعيف مثلي عدي مشكلة بتخيل الوجوه وانسى الوجوه بساع لدرجة حتى وجه ابوية انساه اذا عفته خمس دقايق فيصير وصف الشخصية ناقص بسبب صعوبة تخيل وجه الشخصية عدي ووصفها فاحط صور، يعني اكو نوعيات تقرة الرواية ومايعلقون ابد غير على الصور، حتى احداث مايعلقون عليها افتهمت الصور ماعجبتكم.
.......
خسارتي للوطن تروح فدوة لضوة عيونك.
......
• اقصف اراضي الفاو بالفين صاروخ؟..• اول ماختم عقاب جملته گام على حيله مامستوعب حچي ولي الله، عاگد حواجبه بخشونة وقوة تحتد نظرة عيونه معترض رأساً بنبرة خشنة قوية وصوت عالي • انتة مستوعب الخبال الدتحچيه؟!!، اذا قصفنا اراضي الفاو بالفين صاروخ ننيج عرضها شيبقى بيها حتى تراب مايبقى!!.•
• الفاظك عقاب!، بعدين الي يلزمنا من ايدنا التوجعنا نگطعها!، ندمرها ونرجع نبنيها وين المشكلة؟! المهم ننظفها من نگاسة الايرانيين!.• ولي الله رد ببرود ونبرة يابسة مامهتم ابد للدمار الراح يصير باراضي الفاو، يگز عقاب على سنونه بقوة لدرجة ممكن انها تكسرهن، تتشتت نظرات عيونه بمرور طيف علي على باله.
اذا قصف الفاو بالفين صاروخ راح يتأذة علي ومستحيل يطلع عايش من هيچ هجوم، مستحيل احد من الجنود الايرانيين يطلع عايش هاي اذا بقت جثثهم قطعة وحدة، وماتگطعت لاشلاء يثگل گلبه متبطئة دگاته وجف ريگه من هالتخيل، يوعيه ولي الله من شروده لما رجع يحاچيه بنبرة حادة • خاف عدك اعتراض على أوامر الرئيس؟.•
• احنا شنو لازمتنا كقادة جيش ووزراء وجنرالات اذا مالنا اي صلاحيات بخطط الحرب؟ ومالنا حق نعترض على تكتيكات الرئيس الحربية حتى لو غلط؟!!.• بنرفزة وجزع حچى عقاب من بين سنونه الگاز عليهن ضارب سطح الميز بقوة بچفه، ومن البداية سيطرة الرئيس على الخطط الحربية وتحكمه بيها شي مچان عاجبه، لأنه دوم يحط خطط خطرة وصعبة واضرارها چبيرة ومايقبل بأي اعتراض او تدخل، الكل مجبور ينفذها ويمشي على مبدأها ومحد من القادة الكبار اله اي حق يخطط لو يتصرف بكيفه بهاي الحرب.
أنت تقرأ
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
