احم شنو هالتفاعل القوي هذا بالبارت الراح 🥸،
هيج ترة اتعود تتفاعلولي وتدللوني وخاف تسحبون علية،
هالبارت طوله 10000 كلمة ملغم ومو هين فهالمرة
همين حخلي التفاعل بذمتكم وضميركم مو تبطلون 🤣.
ملاحظة كلمة سُكان بمعنى الستيرن
مال السيارات وكشن يعني المقاعد وقمصلة يعني سترة
فهمتوا؟، لاحظت هالكلمات اكثر شي ماينفهمن للي
مو عراقيين ويقرون القصة.
اي علسة غضوا البصر عنها لكم 🔪،
ياويله يلي يعلق على علسة بالتواثي تصير بيننا!.
.........
- كل ظني وياك انسعد وبحبك افرح،
ياورد ماچنت اعتقد حتى انتة تجرح.
.........
الساعة بالسبعة الصبح.
رطن كامل من المصفحات الايرانية بلغ عددها فوگ الخمسين مصفحة طلعت من أراضي الفاو تنفيذاً لأتفاق علي وعقاب سوية، هو أخذ عشرين الف جندي وياه وعاف ثمانية الالف جندي بداخل اراضي الفاو، نطى مهمة لهذولاك الجنود يبدون باطلاق النار على الجنود العراقيين لتمويه عن طلعتهم من الفاو.
وامرهم ينسحبون بعدها اول ماتبدي الدنيا تظلم ويطلعون من الفاو بالكامل عمود لما يبدي هجوم القاذفات تكون المنطقة فارغة، ومايكون مكشوف امر انسحابهم من الفاو قبلها وچان علي گاعد بالصدر، باول مصفحة تقود السير لباقي المصفحات وراهم بفكر مشغول صافن بالطريق البري، وبعض المناطق الحدودية يلي تدمرت بين ايران والعراق من كثر القصف.
• سيدي.• مساعد علي سمران حچى لازم متنه فرمش علي طالع من شرود افكاره بعقاب وبخوفه عليه يباوعله سأله • ماذا؟.• بلع سمران ريگه ينزل عيونه لرجل علي يلي دتنهز من طرفه بدون مايوگف وبدون ميحس على روحه گاعد يهزها، يرد مرجع وراها نظره على الطريق وسياقته • انت لاتبدو بخير تستمر بهز ساقك بقلق؟.. انا لا اراك عادةً بمثل هذه الحالة.•
نزل علي عيونه على رجله ووگفها رأساً جار نفس ثگيل بگلب مهموم ولأول مرة مايگدر يسيطر على قلقه بشكل هو نفسه جاهله • انا بخير انتبه لطريقك فقط.• رد علي بنبرة حافظ عليها هادئة وثگيلة يچتف ايديه لصدره، يرجع سمران يسأله بنوع من الفضول • انا اعتذر لتطفلي سيدي لكن هل يمكنني ان اعرف ماذا تخطط خلف هذا الانسحاب؟، لأن مانقوم به الان قد يعرضك للعقاب.•
أنت تقرأ
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
