طبعاً ثبرتوني خوش ثبرة على هالبارت
فخوما تعطلت زايد عليكم بالتحديث؟،
بارت جديد طويل كلش 18,000 كلمة،
مو تگولولي كصير ارتكب بيكم جريمة! 🗿،
المهم شبوب مدام البارت طويل فشوية بس
شوية زيدت الشروط لان ادري بيكم
راح تقشمروني بيهن هالمرة 😂.
600 فوت + 5,000 كومنت،
بس بهالبارت بالبارتات الجاية ترجع نفس
الشروط القديمة خوش؟ والاغنية
بداية البارت اسمعوها وية مقطع راميار
وولي الله، يلة استمتعوا واي علسة
غلسوا عليها 🔪🗿.
.........
اشبگني حيل اني ضلوعي مشتاگة لأيديك.
.........
طهران - مقر الاستخبارات الخاص / الساعة بالتسعة الصبح.
مشى علي بممر مقر الاستخبارات الخاص يرد السلام على باقي الجنود يلي عرفوه رأساً يدرون بيه اخو المسؤل محسن رضا، يدخل لمكتب محسن بدون مايدگ الباب وچان محسن منتچي على ميز المكتب بجسمه ينتظر جيته گاعد يلعب بمحبس الخطبة باصبعه قلقان، يعدل وگفته اول ماشاف علي يدنى عليه ساحبه لحضنه يشبگه بقوة • علي رضا هل تعلم بجدية كم قلقت بشأنك!، اخبرني شكيب انك لست بحالة جيدة كنت ارغب بزيارتك قريباً!.•
بادله علي شبگته حاضن ظهره مجاوبه بنبرة ثگيلة • انا بخير محسن لاتخف لم يحصل لي شئ من ماتفكرون به جميعاً..• برر علي بتعب وهو بعده مكتئب وقلقان كلش مشغول باله على عقاب مع العلم سجاد رجعله خبر عنه وانه عمليته نجحت وحيصير بخير بس مايگدر يمنع روحه يخاف عليه لانه حتى مو يمه وماشافه بعينه مجبور يتخطى صدمته النفسية على نصيحة محمد اله وينتظر • الحمدالله لكن كن اكثر حذراً لاتسلم الجرة في كل مرة.• نصحه محسن خايف عليه ويريده ينتبه لنفسه اكثر يهمهم علي بشرود مستفسر منه • لماذا تم استدعائي من قبل رئيس اركان الجيش لهنا هل هناك مشكلة؟!.•
• ابي من طلب استدعائك هو يريد مقابلتنا سوياً لا اعلم بماذا لكن يبدو اننا في مشكلة حقيقةً.• تنهد محسن يفرك گصته شاغل باله لقاء راميار وقلقان لايعرف انه مچذب عليه بخصوص وضع علي يستغرب علي اكثر هالشي بس قبل مايحچي انفتحت الباب داخل راميار • هذا جيد كلاكما وصلتما.• طبگ الباب بقوة وراه قافلها بالمفتاح يخزرهم بعيونه بحدة يأشر الهم مميل راسه ناحية التخم • اجلسا!.•
بلع محسن ريگه وباوعله علي بادي يحس بالقلق همين لان هاي من المرات القليلة يلي يتصرف بيها راميار هيچ وياهم، يگعدون اثنيناتهم على القنفة يوگف گدامهم لابس بدلة رسمية سودة بسبب زيارته لمقر الاستخبارات يتفحص بعيونه علي سأله بجدية • هل اصبت بأذى علي رضا؟!.• باوعله علي راد بهدوء • لا ابي انا بخير.• عصر راميار چفوفه يتخصر داير انتباهه لمحسن • مالذي اوصيتك به من قبل محسن؟!، الم اقل لك اخبرني فوراً حالما تعرض شقيقك للأذى!! لماذا اخفيت امراً بهذه الاهمية عني؟! هل كنت تنتظر ان يموت داخل السجن حتى تخبرني انه قد أُسر؟!.•
YOU ARE READING
1980
عاطفيةحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
