اشتاقيت الكم ما اشتاقيتولي؟،
بارت طويل 8000 استمتعوا،
لاتقصرون وتبخلون بتعليقاتكم الحلوة
بين الفقرات للتجشيع 🫀.
الي مايتفاعل اسجله غياب،
تسجيل الغياب مو زين ترة 🥸🤌🏻.
اي علسة غلسوا عليها لان صدك
مالي خلك ادقق بالبارت.
.......
• عقاب افتح الباب.• طلع صوت ولي الله من ورة الباب، يگز عقاب على سنونه لأن هذا مو وكت مناسب لجية ابوه، بس هذا دوم طبعا ابوه يجي بالاوقات الموزينة، يدنى عقاب لمثنى اكثر عاصر زنده مهدده • ديربالك تفك حلگك بحچاية يامثنى!.•
• شتنطيني وماحچي؟.• مثنى ساومه تتجهم ملامح عقاب اكثر يخزره بنظرات حادة، سامع صوت ابوه راجع يدگ الباب بقلة صبر • عقاب! افتح الباب شنو نايم انتة؟!.• بلع عقاب ريگه يبلل شفته يرد على مثنى بنبرة يابسة • بكيفك احچي اذا تريد تخسر فرصتك الوحيدة وياية!.•
دار عقاب وجهه عن مثنى ماشي للباب يفتحها لأبوه متگابلة عيونهم يوگف بجسم مستقيم گدامه • اهلاً وسهلاً سيادة الجنرال، اعذرني چنت داتفهم بموضوع وية معاوني.• رفع ولي الله حاجب مميل راسه شوية يباوع لمثنى مو ورة ظهر عقاب المغطيه بطوله، بس لان طوله مقارب لطول عقاب هو يكدر يلمحه اول مايميل راسه.
• وشكو قافل الباب حضرتك؟، هيچ النقاش مهم بينك وبين معاونك.• سأله بنبرة يابسة خشنة يجر عقاب نفس ثگيل ماله خلگ هالتحقيق من ابوه راد باختصار • بكيفي غرفتي واسوي اليعجبني ممكن اعرف شجابك سيادة الجنرال؟.• باوعله ولي الله بحدة وملامح مگلوبة ماعاجبه اسلوب كلام عقاب.
• تأدب احسنلك عقيد عقاب لاتنسى فرق الرتب بيناتنا.• نبه عليه مدني ناحيته واگفين وجه بوجه يأشر بعينه لعقاب يوخر عن طريقه، فلوى عقاب شفته ناطيه مجال يطب ليجوة يحاول يلزم أعصابه گبال أبوه واول مادخل نطاه مثنى تحية محاچيه • تشرفت بشوفتك سيادة الجنرال ولي الله.•
• والله جنودك يعرفون بالقواعد والاخلاق العسكرية اكثر منك قائد عقاب.• ولي الله حچى يبتسم باستهزاء يباوع بطرف عينه لمثنى يحچي عقاب بنبرة ثگيلة • اطلع برة مثنى بعدين نكمل نقاشنا.• تگابلت عيون مثنى وية عيون عقاب لثواني قبل ماينفذ طلبه بقلة حيلة ماشي ناحية الباب طالع من الغرفة يعوفهم وحدهم.
• هسة شجابك؟ ماتجيني حضرتك بس تالي الليل ومن طيز الصبح تصبح علية؟.• بضيگة خلگ سأله عقاب يوگف گدامه بنص الغرفة يجاوبه ولي الله بنبرة حازمة وحادة • اخلاقك خربانة حيل عقاب احترم نفسك من تحاچيني ابوك اني مو واحد من جنودك.• رفع عقاب چفه يمسح على وجهه يضحك صفح مستهزأ بولي الله يرد بنبرة محترمة اكثر لحتى يخلص من ملحته • تمام، تفضل ابوية العزيز والغالي شمحتاج مني؟.•
YOU ARE READING
1980
Romansaحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
