خوما طولنا عليكم؟!
عود شبساع خلصتوا الشروط؟ 😂،
المهم استمتعوا واي علسة غلسوا عليها،
350 فوت + 3000 كومنت.
ملاحظة: الامور يلي حتنذكر بهالبارت، حقيقية، مثل وضع الاحداث السابقة يلي تشمل الهدنة الفاشلة، وقصف الفاو بالفين صاروخ، وجزء واقعي عن ظروف الاسر والهجوم الانتحاري يلي بالحقيقة ماتنفذ چان بس مخطط، واني قررت انفذه من ضمن الاحداث حسب خيالي، فيعني يلي يريد ينتقد ترة اني دابحث وانبش بمصادر تاريخية هواية تخص هالحرب وبصعوبة داوصل لتفاصيل تساعدني بالاقتباس، وتخص واقع الاسر والسجون هواية شغلات بالرواية اني ضفتها واقعية بعيداً عن علاقات الحب يعني نسبة ٤٠٪ من الاحداث حقيقية، ومن هنا اتمنى تفتهمون ليش ستار اعتدى على مهيار بالمقابل، مابرر لفعلته هي غلط وتبقى غلط بس لكل فعل ردة فعل وستار اختار رد الفعل بالمثل.
........
اني شناسي؟،
احط راسي واريد اغفى..
والف شغلة تجي براسي!،
اظل اتلمس بگلبي،
اظل احسب..
عددهن كامل جروحي!..
كلشي اذكر!..
اني ماناسي بس روحي..
.........
بعد يوم، ساعة بالثنتين الفجر.
چان علي نايم بواحد من البيوت المهجورة من اهلها وهربانين منها واخذوها الجنود لراحتهم، يتگلب بفراشه على الگاع وسمران نايم وياه بنفس الغرفة فوگ الچرباية، لأن علي عافله الچرباية اريحله فنفتحت باب الغرفة بعد ثواني وبوكت فتحتها طلعت صرير خفيف، خلى علي يعگد حواجبه بنومته فاز لان نومه دوم خفيف حتى لو يكون تعبان.
الوكت الوحيد اليگدر ينام بيه براحة لما يكون يم عقاب بس علي ماهتم للصوت، ولا فتح عيونه محاول يكمل نوم عباله سمران طلع من الغرفة، لحدما حس بجسم يعتليه مايفتح عيونه يدخل چف ايده علكيف لجيب قمصلته ساحب السچينة الضامها بيه، ورأساً طلعها عمود يضربه بيها لوما فتح عينه بأخر لحظة يشوف عقاب گباله، ولزم عقاب معصم ايده قبل ماتلامس السچينة رگبته لافظ اسمه بنبرة ناصية • علي رضا..•
بقى علي صافن بصدمة بملامح عقاب مامستوعب جيته يبلع ريگه سأله بصوت ناصي • شلون دخلت لهنا؟...• سحب عقاب السچينة من ايد علي دافعها بالگاع ليغاد ينحني اكثر فوگ جسمه وماهد ايده مريح فضوله • جنودك نايمين على روحهم بدل مايحرسون، ودخلت اكثر من بيت لحدما لگيتك تنام هنا سهلة وبسيطة، محد حس بية الكل تعبان ونايم لو تفجر يمهم هاون مايگعدون.•
أنت تقرأ
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
