ويا مرحبااا ☁️،
البارت 10000 كلمة لاتقصرون بحقه وبحقي،
فرحوني بتعليقاتكم الحلوة بين الفقرات لاتنسون
ذمتكم وضميركم 🤣.
وكافي تركزون بالعلسات ترة اتفشل منها،
بس صدك اتعب وماكدر اصلحها لاتزعلوني 🥸🔪.
........
يالعيونك بحلاة بغداد،
وشفافك بلذة تمر ايران،
حيرتني شسوي وياك،
بيك من ريحة هلي وريحة عداي.
........
قبل چم ساعة،
ايران - ساعة بالوحدة بالليل.
دخل مسؤل السجن لمكتبه يشوف علي گاعد ينتظره بعدما بلغوه الحرس بجيته وطلب مقابلته مگاطع نومته، يدنى المسؤل حاط ايديه بجيوب بنطرونه يسأل علي بضيگ ومغثة • خيراً قائد علي رضا؟، هل لي ان افهم ماذا جلبك لهنا في هذه الساعة المتأخرة؟.• رفع علي راسه للمسؤل يبتسم بوجهه راد عليه بنبرة مسترخية • اجلس اولاً لدي حديث طويل برفقتك.•
عگد المسؤل حواجبه مباوع لعلي بانزعاج وگعد على الكرسي المقابل اله يم ميز مكتبه تفصل بيناتهم طبلة زغيرة، يرفع علي رجل فوگ رجل يستفسر منه • هل لديك سيجارة؟ لقد اشتهيتها وعلبتي فارغة.• باوعله المسؤل من فوگ ليجوة قبل مايسحب باكيت جگايره من جيب قمصلته العسكرية وين مايضمه دوم منطي وحدة علي يلي طلع جداحته الخاصة يشعلها بيها جار نفس ثگيل.
• انا استمع لك.• سأله المسؤل بقلة صبر وعدم راحة يريد يعرف علي شيريد يحچي وياه، فنفخ علي دخان الجگارة وبعده مبتسم بوجه الثاني يطلع ورقة من جيب بنطرونه مادها على الطبلة يطلب منه بنبرة هادئة • وقع على هذا التقرير الطبي.•
رفع المسؤل حاجبه ماخذ التقرير الطبي يقراه وچان تقرير وفاة نتيجة ارتفاع ضغط الدم وجلطة قلبية، يستفهم من علي • ماهذا؟!، ولمن تريد ان اوقع هذا التقرير الطبي ان شاء الله؟!.• سحب علي نفس من جگارته ينفخه بين مايحچي بنبرة أمر ثابتة • هذا التقرير الطبي يخص الأسير 1750، قُم بتوقيعه لأثبات ان هذا الاسير قد توفي بظروف صحية طبيعية واعطني الأسير.•
• ماذا؟!، الى ماذا تنوي حضرة القائد جُن جنونك؟!.• كشر المسؤل حواجبه يسأل بنبرة استنكار منفعل بسبب كلام علي الغريب، ويلي يخالف القوانين بشكل كامل فلوة علي شفته يطفي الجگارة بالمنفضة راد • لا انا بكامل قواية العقلية، وانت مجبر على تنفيذ ما أأمرك به دون ان يعلم احد.•
• مالذي تنوي فعله؟! هل تنوي خيانة بلدك ام ماذا؟!!، وانا لستُ خادماً لديك لتأمرني كما تشاء!، اذا قمت بابلاغك القيادات العليا عن تصرفاتك ستعدم برمشة عين!.• باوعله علي بكل هدوء تسود نظراته ناحيته، وگام على حيله مدني ناحيته يعته من ياخة بدلته العسكرية منحني عليه، يبلع المسؤل ريگه اول ما تلاگت عيونه بعيون علي ونظراته الباردة.
YOU ARE READING
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
