واخيراً خلص رمضان ورجعنا نحدث،
ولو المفروض ماحدث لانكم ماخلصتوا الشروط،
بس هاي عيدية عمود العيد، عيد سعيد عليكم وان شاء
الله ينعاد كل عام وانتوا بالف خير اشتاقيتلكم كلش 🤍،
400 ڤوت + 3000 كومنت.
استمتعوا واي علسة غلسوا عليها.
طول البارت 10,000.
........
ما فهموني من كلت الوداع ثگيل
بس الينشنق يفهم ثگل جسمه.
........
يتنفس ستار بثگل رافع عيونه على مهيار الواگف ليغاد عنهم وبنبرة باردة حچى مهيار • ابدأوا بالاعدام ضعوه على اعلى ڤولط.• غمض ستار عيونه لثواني قبل مايحچي وياه لمهيار • انتظر..عندي شي اريد اگوله الك.• مانطى مهيار ردة فعل غير الجمود وباقي الجنود ابتعدوا عنه خطوات حتى لاتمسهم الكهرباء.
• لقد فات اوان الحديث ستار اخبرتك انني سأكون عزرائيلك!.• رد مهيار عليه بجمود وحدة وعصر ستار چفوفه على يدات الكرسي الحديد واصابعه بعدها تذب دم لطخها تتگابل عيونه بعيون مهيار يبدي الجندي يشغل الجهاز مستعد يصعق ستار لحدما يموت.
• اني اسف!!.• عاط ستار بأنفعالية عاض شفته بقوة يخزر مهيار بعيونه، يرفع مهيار ايده للجندي يخليه ينتظر مقبل مايصعق ستار بيه رافع حاجب يأمره بحدة • كررها!.• بلل ستار شفته يگز على حروفه بنرفزة عايد اسفه لمهيار • اني اسف علكشي حچيته..وكلشي سويته اني اسف انتة عندك حق، اني غلطت بحقك اني واحد حيوان وخيسة وگواد اسف اعتذر منك!..•
ضحك مهيار باستهزاء يچتف ايديه لصدره يعگد حواجبه سأل ستار • الم تكن تقول انك لاتخاف الموت ها؟، وانك لست مُخطأً؟، اعتذارك هذا لايدل على شعورك بالندم انت فقط تريد النجاة وانا قد اخبرتك وقتك انتهىٰ!..مهما تعتذر سأقوم بأعدامك!.• بحقد ختم مهيار كلامه يدري بيه چذاب ومستحيل يندم على الي سواه، يبلع ستار ريگه جار نفس ثگيل مجاوب بنبرة ثخينة منقبض صدره • منو گالك داعتذر منك عمود لاتكتلني؟!، هيچ هيچ حيجي وكت اموت بيه ماخاف من الموت ولا الحساب اني ادري بكل الاحوال حروح لجهنم، صلاة ماعرف اصلي على حوري واتأمل الله يدخلني الجنة؟!..•
سكت مهيار گالب خلقته يسمع تكملة كلامه مأشر للجنود بأيده ينسحبون برة ميريد احد يسمع الكلام يمكن بعضهم يكون يفهم شوية من حچيه • بس مدامني صدگ حموت.. مراح اخسر شي اذا اعترفت هسة بندمي.. اني چنت معمي بحقدي وكرهي لعمك، ردت اي طريقة انتقم بيها منه لو شماچانت، كل خطتي چانت اسوي بيك هيچ عمود يعرف ويتعذب وينحرگ گلبه مثل ماحرگ گلبي على رشيد..لأن چان صعب علية اوصله وانتقم منه بغير طريقة واني بعيد عنه وصعد ادخل لايران مرة لخ او اكون قريب منه بأي شكل!.•
أنت تقرأ
1980
Roman d'amourحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
