يابة عذروني للتأخير 😂، وكفو منكم مخلصين الشروط هسة
نرجع اوادم لشروطنا العادية، 600 فوت + 3,500 كومنت،
البارت طوله 14,000 كلمة 🗿، اي علسة رجاءاً غلسوا
خوما تريدون اصحح هنوب مابية حيل.
يلة احبكم استمتعوا.
........
احبه وصعب كلش احچيله،
صرت مثل اليحب الله ومايصليله.
........
بنفس اليوم - مقر البصرة / الساعة بثمانية بالليل.
طلع سجاد من عيادة الدكتور الحربي مال مقرهم بتشيرت نص ردان زيتوني سادة لازم قميصه بايده الثانية ينفخ بمغثة، يباوع يلي التف على عضلات زنده والدم المدمر بيه عاگد حواجبه على شعور الوجع المومريح بيها، منصاب بايده بوكت الاشتباك بيمهم وبين قوات الجيش الايراني وهستوهم يلة خلصوا قتال طويل استمر خمسطعش ساعة كاملات، وزين طلع بهيچ اصابة بسيطة عكس باقي الجنود يلي تصاوبوا اصبات خطرة وچبيرة، وبعضهم توفى حتى ماخذ مسكن الم وادوية التهاب يريد يسكن الوجع براسه قبل ايده حاس اصوات القذائف تون براسه، ضايج حيل من بعد استشهاد عدد چبير من الجنود شايل هم يريد هالحرب تخلص بسرعة جزعان منها.
يروح لغرفة عقاب چان محتاج بگعد يمه وبس طب بملامح ذابلة وعقاب گاعد يقرة الرواية نفسها القراها علي بوجوده بالمقر، مشغول باله بيه وقلقان على حاله هسة شونه وهو حتى مايگدر يشوفه يعرف بسه مسافر لايران على كلام محمد لسجاد، وبما انه مصاب وولي الله منعه يشتغل ماعنده شي يسويه ومل كلش من الگعدة مامتعود عليها، يرفع عيونه لسجاد بس شافه يطب ورأساً انتبه لايده يسد الكتاب رافع ظهره عن الفراش المخدة يلي سنده عليها • هاي شنو ايدك خطرة اصابتك؟!.• سأله بقلق وسجاد تنهد بتعب مدني ناحية چرباية عقاب يتمدد بصفه بدون مايرد مريح راسه على فخذ عقاب يلي حط ايده على راسه لسجاد سأله بخوف عليه • متأذي كلش سجاد؟! تريد مستشفى اشبيك؟!.•
• مابية شي بس كلش مخنوگ احس الهوة مديطب لصدري عقاب.• بنبرة مهمومة شكاله سجاد محتاج مواساته اله ينزل عقاب چفه لراسه ماسح على شعره يسأله بنبرة لينة مامتعود يشوفه هالگد ضايج • ليش خوية اسم الله على صدرك!، شصار وياك؟!.• غمض سجاد عيونه مرتاح بحضن عقاب هيچ ودفوا ايده الى راسه هو چان كلش متعلق بعقاب حاسبه ابوه اكثر من اخوه الچبير لان ولي الله همله وابتعد عنه كلش يدري بروحه مامرغوب منه ومايحبه ومحد عوضه غير عقاب المهتم بيه من زغره • جزعت روحي من هالحرب شوكت تخلص كلش صارت هم على گلبي.•
• لو بيدنا نهيها چان انتهت تدري هالشي يرجع للريس وشگدما الوضع موزين ماراضي يعلن الهدنة او الانسحاب، بس بعد احنا حاربنا وتحملنا كل هالسنين ماگادر تتحمل بعد سنة او تلث سنين؟.• جاوبه عقاب وبعده يمسح على شعره يدري بسجاد يحب هالحركة لما يلعب بشعره هيچ هي تريحه، يتنهد سجاد عاگد حواجبه يسأله بضيگة خلگ وصبره خلص • ليش حنبقى عايشين لوكتها؟ كل قتال يمر يستشهدون كومة جنود احس اجلنا يقرب وراح نموت وهالحرب ماخلصت هسة ماباقي غير تلث شهور تخلص هالسنة ادري حتستمر هالحرب عشرين سنة؟.•
أنت تقرأ
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
