البارت طوله 7000 كلمة خارج اطار ملاحظاتي
وجملي هاي، بلة استمتعوا ولاتركزون وية علساتي خوش؟؟ 😂،
400 فوت + 3000 كومنت.
ملاحظتين مهمات قبل البدأ: انتوا تدرون الفاو بقت لمدة سنتين محتليها الايرانيين؟، ثاني شي بخصوص التحديث ترة اني كلت برمضان حضم بارتات واحدثلكم بسرعة وهيج بس ترة اني ماكلت الشروط ملغية تخلص الشروط واحدث مثل متريدون!، يعني سرعة التحديث صارت بعد عليكم وهمين ارجع اكرر ان التعليقات يلي متخص البارت وفقراته واحداثه ناتنحسب وتنمسح واذا تكررت حصير انطي بلوك، يعني تعليقات مثل - علي، ليش، ما، يحجي، لعقاب، وكل كلمة بتعليق وحد هاي تنحذف، تعليقات ايموجيات مالها هواية خارج اطار الكتابة والتعبير على الفقرة تنحذف، تنقيط ينحذف، رموز مالها معنى تنحذف، تعليق واحد متشابه ويتكرر هواية همين ينحذف، مو تعيقل ولا تأمر بس اني اريد يتم تقدير العمل الداكتبه وهاهية، مو مثل الجهال ينحط بحلگي لهاية عمود مابچي؟.- وشكراً همين لمجهوداتكم.
........
أغم گلبي الماعرف يهوى.
........
بعد يومين، مقر سليمانية / الساعة بثنعش.
رجفت جفون ناڤيد يفتح عيونه بخدر مسيطر على جسمه يتنفس بثگل بقناع الاكسجين يلي بعده مغطي حلگه وصارله يومين نايم، يون بصوت مكتوم ومتحشرج يرفع چفه شايل القناع عن وجهه محرك عينه لعدنان الچان گاعد على كرسي بصف الچرباية، نايم بعدما سهر الليل كله يم ناڤيد يراقب حالته يذكر مقتطفات مو واضحة من الصار بعد اصابته.
بلع ناڤيد ريگه يبقى صافن بيه وهو نايم ضام نص وجهه بين ايديه مريح راسه فوگاهن متچيهن على طرف الچرباية، وچان چف عدنان لازم چف ناڤيد والكانونة بظهر ايده متوصلة بالمغذي المتعلگ، يراقبه لدقايق طويلة ماحسبها هو بدون مايسوي اي شي يفكر بكل الصار وباللحظات الأخير العاشها، وعباله هاي نهايته يذكر كلمات عدنان الاخيرة اله وخوفه من انه يموت يسأل نفسه هواية، ليش عدنان ساعده متعجب شلون نقذ واحد مثله.
يتحرك بعد قريب الربع ساعة رافع جسمه يعقچ وجهه بوجع انتشر ببطنه مباوع للشاش الملفوف على كامل بطنه مغطي جرحه، يفلت ناڤيد ايده علكيف من ايد عدنان مايريد يگعده بس هو حس بحركته فاتح عيونه، رفع عدنان راسه بسرعة لناڤيد وتسارعت دگات گلبه بس شافه گاعد يبتسم ناڤيد ابتسامة لينة وزغيرة بوجهه مصبح عليه • صباح الخير دكتورنا..• نهض عدنان عن الكرسي ولزم متونه يريده يتمدد بس استوعب وضعيته • ليش گاعد هيچ اتمدد ميصير تتحرك هسة!!..•
أنت تقرأ
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
