بارت جديد بالموعد المحدد،
طول البارت 10,000 كلمة استمتعوا كلبي،
الشروط نفسها 750 فوت + 4,500 كومنت،
اي علسة اغلط بيها رجاءاً غلسوا عليها.
اكو اغنيتين فوگ وحدة ايرانية ووحدة عراقية،
الايرانية اسمعوها بمقطع ستار ومهيار والعراقية بمقطع
سجاد وعقاب خل تسويلكم جو شوية.
........
بحضنك يدفى حتى الشتة لمني بيه اني خايف من برد الگبر.
........
قبل يومين من احداث الليلة السابقة.
تحرك مهيار بفراشه يتنهد بتعب گاعد من نومته بادي يرمش بنعاس لثواني يباوع للغرفة وضوة الشمس القوي الداخل لغرفته من شباكه، يحس بالخمول بجسمه ماگادر يگوم من الفراش راجع يغمض عيونه رايد ينام شوية اكثر لحدما سمع صوت الباب تنفتح چان عباله ارسلان، وتكاسل يفتح عيونه لحدما سمع صوت خطوات رجله تتقرب عليه وتسارعت دگات گلبه، هالصوت سمعه هواية لحدما حفظ منو صاحبه وصار گادر يميزه عن رجلين الغير.
يحس بثگل جسم ستار على چربايته وعصر چفوفه بقوة باقي مغمض عيونه مارايد يگعد ويحاچيه وبقى يسمع بس تنفسه الهادئ بصفه، عكس ستار يلي ثبت عيونه عليه چان شعره مبين رطب من غسله بالليل نايم بدون ماينشفه، وعايف الشباك مفتوح حتى يجيه هوة للغرفة • يشتري المرض شراية..• سمعه مهيار يدردم بصوت ناصي قبل ماينفخ بانزعاج من ورة تصرفاته يبلع ريگه محافظ على هدوئه.
قشعر جسم مهيار لما حس فجاءة بأيد ستار تنمد بهدوء وعلكيف بين خصلات شعره الاحمر على برتقالي فاتح مرجعه ليورة، بادي يحس بدگات گلبه تتسارع وحاول مايبين اي رجفة اجته حتى يبقى ممثل النوم، فرجع ستار گذلته عن ملامحه وعيونه الچانت رموشها تشبه للون شعره وحاول مهيار مايرمش جفنه وينكشف انه صاحي، تمر بعقله ذكريات ليلتهم الاخيرة لما چان يلعب بشعره بنفس هالاسلوب.
سامع صوته الثخين والناصي واضح مارايد يگعده من نومته او هو الچان عباله مهيار نايم مراح يگدر يسمعه • لو چنت اسير عادي ماچنت حفكر فديوم اطخك لو اجي يمك..مچنت راح تهمني بشي ويمكن مچنت حشوفك حالك حال باقي الاسرى.• بلع مهيار ريگه ينقبض صدره بس سمع هالكلام يبلع ريگه بصعوبة.
أنت تقرأ
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
