كُن بقربي فإن الروح هائمة

11

لمحةٌ من الماضي ؛قبل ساعات...

رن هاتفها بأسم وليد فأغلقته ثم ارسلت له :يا حيوان لا تدق لين تقول لي اخوي عندي
ثنيان وهو ينظر لإنعكاس الهاتف في المرآة :مين؟
جوانا :البنات يستشيروني بالميكب
ثنيان :عاد انتِ مبدعه
جوانا:اي احسن وحده فيهم
ثنيان :يلا انا بروح انام شوي اذا جا موعد العرس قوميني طيب؟
جوانا :ليه تأخرت اليوم؟
ثنيان :الاجتماع كان بجده
جوانا :رحت جده وجيت !
ثنيان :للأسف ،احضنيني وارتاح
عانقته جوانا :مصدع ؟
هز رأسه بالايجاب وهو لا يزال مستغرقًا في العناق :جيبي لي بنادول
ابتعدت عنه وقامت :بروح ادور عند جدتي
ثنيان :لا جيبي من حقت امي اقوى
جوانا :حقت امي تنوم ما ابيك تطول بالنوم ومعد توديني
ثنيان :فيه غيرها قولي لها الحمراء
جوانا وهي خارجه :طيب
اخذ هاتفها وفتح الرمز الذي حفظه من الانعكاس ثم دخل لمحادثتها مع وليد وصور جميع المحادثات وارسلها لهاتفه
جوانا :وش تسوي ؟
ثنيان :اشوف جوالك ايفون ١٢ ولا ١١؟
جوانا :١٢
ثنيان :خربان شي؟
جوانا :لا ،بس اذا بتجيب لي جديد ما اقول لا
ثنيان :عطيني الحبوب بس
جوانا :هاك امي تقول سم بالله ...
أكمل ثنيان معها :وكلها وانسدح وحط يدك على موضع الالم اقرا سورة الفاتحه سبع مرات وبإذن الله تطيب
ابتسمت جوانا :الي هو عاد
خرج من عندها وذهب لرتيل التي كانت تحتسي القهوه وجلس مقابلها مبتسمًا بشكل غريب
رتيل :تبي قهوه ؟
ثنيان :تخيلي وش عرفت
رتيل :وش؟
ثنيان :الي طلعت معه جوانا مو سيف
رتيل :مين؟
ثنيان :تذكرين الولد الي قلت لك هزمنا بالبادل ؟
رتيل :اي
ثنيان :هزمني المره الثانيه بأختي
قربت كرسيها من كرسييه وأمسكت يده :وش بتسوي ؟
ثنيان :اخذت جوالها وهي ما تدري وصورت المحادثات
اخرج هاتفه من جيبه وفتح الصور :شوفي
قرأتها قليلًا ثم نظرت لثنيان:على حسب الي قريته ما قابلته الا ذيك المره وبالحفل وكأنها ندمانه،يعني ان شاء الله مافيه شي كبير
ثنيان :رتيل اسألك بالله لو كنتِ مكان جوانا بتحسين شي قاصر عليك ؟
رتيل :ما اقدر افكر مكانها ،انت قول لي وش تفكر فيه
ثنيان :ما قصرنا عليها بشي ...فلوس معاها ، حنان انا معطيها ماني باخل عليها وحتى أوس وصقر بعض الاحيان .وش قصر عليها تدوره عند غيرنا ؟
رتيل :دامك تقول ما قصر عليها شي فيه سبب ثاني ،انا اقول كلمها واعرف كل شي
مسح وجهه بيديه :ما بكلمها
رتيل :ثنيان لا تصلح الغلط بغلط لا تسحب جوالها ولا تحرمها من شي
ثنيان :يوم اشوف المحادثات ارسل انه بيقابلها بعد العرس ، بوديها وبجلس انتظرها لين اشوفه
رتيل :ما بتسوي شي صح ؟ يعني ولد صغير وانت تهاوشه ما يصلح
ثنيان وهو مخفضٌ رأسه:ما بسوي شي مو قانوني ببلغ عليه
رفعت رتيل رأسه نظرت لوجهه بملامح بشوشه :لا تنزل راسك جوانا اكيد مو قصدها تكسر ظهركم ولا قصدها أذيتكم ،خصوصًا انت كل شي بذي السالفه مبهم إلا حب جوانا لك وثقتك فيها
حضنها واستنشق رائحتها :أضيع بدونك رتيلي
ابعدته عنها ونظرت لوجهه وهي تمسح على خده :الحين بتنام ؟لأني أحسك تعبان من السفر والشغل
ثنيان :بنام بس ...
رتيل :متى أصحيك؟
ثنيان :الساعه عشره
رتيل :ان شاء الله
...
ما إن اغلقت الاتصال حتى اتصل وليد :جوانا اطلعي انا برا
جوانا :وليد قلت لك معد بطلع معاك للحين نادمه على ذيك الطلعه
وليد :اطلعي ولا ما بيصير لك خير
جوانا :وش الي بيصير ؟
وليد :تعالي وشوفي بنفسك ،تعرفينها سيارتي
جوانا :طيب بجي بس ما بطلع معاك
خرجت وبحثت عنه بين السيارات فأنتبهت لوجوده في سياره مع شباب من نفس عمره تقريبًا وذهبت اليه وهمست :نعم
ضحك وليد :لا تستحين ترا كلنا نعرفك
بلعت ريقها بتوتر :وليد شفيك؟
وليد :اطلعي السياره
جوانا :ما ابي
وليد :على اي اساس قررتي؟
جوانا :مجنونه اطلع معاك ؟
وليد :ما كنتِ مجنونه يوم طلعتي معاي أول مره
جوانا :كنت غلطانه بس الحين ...
وليد :بتطلعين غصب عنك ،أحب اشارك اخوياي الاشياء الحلوه
تراجعت خطوتين للخلف فأخرج هاتفه وعرض لها صوره :بتطلعين ولا تتحملين الفضيحه
تراجعت خطوة بعد وأرتطمت بذلك الجسد الكبير فألتفتت بذعر وكان ثنيان فعانقته وبكت :ثنيان ...آسفه آسفه
ثنيان :خلاص يصير خير أطلعي السياره بس
ضحك أصدقاء وليد وقال أحدهم :شف ال*** أول واحد بالشارع تحضنه
وليد بذعر :هذا أخوها
:ايش؟
ثنيان :أخوها أخوها ما سمعتوا ؟
العسكري :احتاج هوياتكم
:ما سوينا شي هي الي جت لين عندنا!
العسكري :هوياتكم بالطيب لا ناخذها بالغصب
ثنيان وهو ذاهب :نشوفكم بتم القبض ،ماشاء الله سبعه بتطلع صوره حلوه
صعد السياره وتنهد ثم انتبه لبكاء جوانا وكونها تجلس بالخلف وقال دون ان ينظر لها :وش تتوقعين مني ؟
جوانا :زعلت وودك تذبحني؟
ثنيان:تعرفين حادثة الأفك؟
جوانا :لا
ثنيان :بيوم من الايام كان الرسول ﷺ مسافر وكانت معاه زوجته عائشه رضي الله عنها ،وقفوا يستريحون ويوم جا وقت يمشون راحت عائشه بتقضي حاجتها ورجعت للقافله وبعدين حست الا عقدها ضايع ورجعت دورته مكان ما راحت تقضي حاجتها ...وكان فيه خيمه يحطونها فوق الجمل اسمها هودج تدخل فيها عائشه عن الحر والشمس وستر لها ،الرسول ﷺ ومن معاه من الصحابه يحسبونها بالهودج وحركوا القافله بينما هي تدور للعقد هناك يوم رجعت مكان القافله معد لقيت أحد وجلست مكانها تنتظرهم يحسون بعدك وجودها ويرجعون وجتها سكينه من الله ونامت ليله كامله وبعد وقت صحيت لقت واحد من الصحابه وعرفها أنها عائشه رضي الله عنها وأخذها معاه على نفس الجمل ويوم وصل فيها المدينه أنتشر كلام انه صار بينهم شي ووصل الكلام
للرسول ﷺ...
نظر لها بالخلف :وش تتوقعين سوا ؟
جوانا :ما اعرف
ثنيان :ما ذبحها ما أخذ سيفه وراح لعائشه قال لها ليش تسوين كذا وذبحها ،تدرين كم يوم جلس الكلام بالمدينه وعائشه مريضه ما تدري والرسول ﷺ يدري وساكت؟
جوانا :كم؟
ثنيان :١٥ يوم ،بعدين نزل وحي من الله يبرئ عائشه من الكلام ذا وسماه الله أفك لأن الافك أعظم الكذب وهذا كذب عظيم على عائشه رضي الله عنها وليس لزوجات الرسل الخيانه سوى الخيانه في العقيده مثل زوجة لوط ونوح
تنهد وأكمل :متوقع منك إنك تقتدين بعائشه وأنا بقتدي بالرسول ﷺ ما بسوي فيك شي
جوانا :باقي تحبني مثل قبل؟
ثنيان :وين مات الرسول ﷺ ؟
جوانا :ببيت عائشه
ثنيان :بالتحديد وين؟
جوانا :بحضنها
ثنيان :تتوقعين الرسول ﷺ يموت بحضن شخص يكرهه؟
جوانا :لا ،اساسًا عائشه أحب زوجاته له
ثنيان :خلاص انا قلت لك بقتدي فيه ،وانتِ أحب أخواتي لي ويشهد الله علي أنه لو عندي بنت بعمرك ما حبيتها نص حبي لك
جوانا :ولا في قلبك شي علي ؟
ثنيان :اقول انقزي قدام ولا يكثر
قفزت للمقعد الامامي وربطت الحزام :عادي بكره نطلع سوا ؟
ثنيان :ليه؟
جوانا :يعني زي الاعتذار عن الي صار وكل شي على حسابي
ثنيان :ما عجبتني المناسبه غيريها واوافق
جوانا :لأني اشتقت لك؟
ثنيان :موافق
ابتسمت جوانا :الله يخليك لي ولا يوريني فيك مكروه
ثنيان :اللهم آمين
...
جهاد :يبه
ابو جهاد :نفسي اعرف شي واحد ليش اذا شفتوا الاخبار جت تجوني بطلباتكم نعم ؟
جهاد :وش رايك نكلم ابو سهام
اخفض صوت التلفاز وأتكئ على يده :ايوه؟
جهاد :ونقول له ابي املك على سهام
ابو جهاد :على أي أساس قررت ذا القرار
جهاد :على اساس إني أبيها
ابو جهاد :ومتى تبي الملكه ؟
جهاد :الاسبوع الجاي وبعدها بيوم العرس
ابو جهاد :بتجلطهم انت ؟
جهاد :ليه؟
ابو جهاد :البنت ما تدري يمكن ما تجهزت
جهاد :طيب بعد اسبوعين
ابو جهاد :ممكن
جهاد :كفو يبه
ابو جهاد :بس ما عجبني سبب قرارك
جهاد :يبه تكفى ودي احصن نفسي واتزوج خلاص
ابو جهاد :ليه ؟ انت تروح للحرام !
جهاد :لالا بس ...ابيها يعني خلاص شفت البنت وعجبتني وتخيلت حياتنا بنجيب ثلاث عيال ان شاء الله واحد بسميه عليك وواحد بسميه متعب والثالث خالد
ابو جهاد :اسأل الله بس انهم ما يطلعون لك لا بالخلق ولا بالاخلاق
جهاد :يارب يطلعون لأمهم فديتها هي وعيونها الناعسه
ابو جهاد :قم بس لا تغثني خلني اشوف اخبار حرب السودان الله يفرج عليهم
جهاد :يبه
ابو جهاد :قم لا تغثني
جهاد :يبه شي مهم
اخفض الصوت مرة أخرى وتنهد :وش؟
جهاد :انا اسمي جهاد وهي سهام يعني كذا مربوطه ببعض الجهاد حرب وكذا والسهام يستخدمونها المحاربين
ابو جهاد :شرايك تقوم لا أقوّم عليك حرب مالها أول من تالي !
جهاد :أبشر طال عمرك
نظر للساعه وكانت تشير للحادية عشر مساءً أي موعد نوم سهام ،ثم ذهب لغرفة نرجس وعندما فتح الباب قالت نرجس :لا تدق الليله
شهق جهاد :ليه!
نرجس :خلها تحس انه فيه شي ناقص وبتدق هي عليك
جهاد :وش اقول لها اذا قالت ليه ما دقيت؟
نرجس :قول لها تعبان ومسخن خلها تخاف عليك
جهاد :اتبلى على روحي عشانها !
نرجس :اي
جهاد :فديتها بس عادي هي دواي إن مرضت
نرجس :يلا اقعد هنا لين هي تدق عليك
وضع هاتفه على الطاوله وبقي ينظر للساعه :سهام ...اخ يا قلبي اغلط بأسمها ،نرجس صارت الساعه حدعش وثلاث دقايق ما دقت !
نرجس :اصبر ياخي نص ساعه ساعه كذا
جهاد :نص ساعه !
نرجس :اي مافيها شي جهاد تفرج معاي وانت ساكت ما بتحس الا وهي تدق
جهاد :نرجس انا زي مدمنين المخدرات خلاص عارف موعدي كل يوم الساعه حدعش ونص اسمع صوتها وارتاح عشان كذا هي دواي
نرجس :أخر موعد الجرعه شوي وخذ اكثر
دخل سهيل بقوه :تتعاطون يا قليلين الحيا!
نرجس :وش نتعاطى ؟
سهيل :يبه يمه جد...
قام جهاد وغطى فمه :كله الا جدتي خلني اتزوج دواي على خير
ام جهاد :بسم الله عليكم شفيكم؟
سهيل :شوفي اولادك يتعاطون سوا
ام جهاد :وشو؟
سهيل :سمعت جهاد يقول انا زي مدمنين المخدرات اخذ على وقتي وبعده نرجس قالت له أخر الجرعه شوي وخذ اكثر
نرجس :نقصد سهام
ام جهاد :هاو !
تنهد جهاد :هي ما تسولف معاي كثير وذي قالت لي كل يوم دق عليها قبل تنام وقول لها تصبحين على خير وقفل وبعدين بيوم لا تدق وهي بتدق عليك وبتسولفون أكثر
ام جهاد :سهيل حبيبي ليه ما تنام الدوام قرب
سهيل :بداوم مواصل اول يوم
ام جهاد بحده :اقول رح ارقد شف ابتهاج رقدت عسى الله يوفقها يارب
سهيل :كذابه ما رقدت قاعده على الايباد
ام جهاد :منجد ! امش قدامي نشوفها
التفت جهاد لنرجس بسعاده :اتصلت تتصل !
نرجس :قلت لك
تنحنح ثم رد عليها :الو
سهام بتوتر :السلام عليكم
جهاد:وعليكم السلام ورحمه الله وبركاته
سهام :الساعه ١١:١٥
جهاد :ايه؟
سهام :وش قاعد تسوي ؟
جهاد :قاعد أفكر فيك
بلعت ريقها ثم قالت :ما جاني نوم الليله
اغلق السماعه ونظر لنرجس :تقول ما جاها نوم يعني بنسولف فديتها فديتها سهامي دواي حبيبة روحي
نرجس :رد طيب وانقلع
خرج من عندها وذهب لغرفته :ووش بتسوين الحين
سهام :قاعده أرسم تصميم
جهاد :ممكن لو خلصتيه ترسلينه ستريك ؟ ودي أشوف من إبداعك قطره
ابتسمت ثم أخفت إبتسامتها كأنه واقف أمامها :اي عادي
جهاد :حكيني عن شغلك كيف إكتشفتي إنك تحبين الازياء وذا الشغل
سهام :لما كنت صغيره كنت أسرق ملابس اختي الكبيره والبسها وانسق بعضها مع ملابسي تنسيقات مخيسه وبعدين صرت أرسم وكذا وتصميم ازياء عندنا ودخلته
جهاد:كانت تنسيقات مخيسه بس القالب غالب
خجلت سهام وأحمر وجهها فغيرت الموضوع :طيب أنت ليه دخلت العسكريه
جهاد:العسكرية للشجعان
سهام :ليه كم معدلك بالثانوي ؟
جهاد :الموزونه ٨٩
سهام:طيب حلو
جهاد :انتِ الحلوه ولله
سكتت قليلًا ثم قالت بشجاعه :جهاد انا علاقاتي محدوده على صديقات ينعدون على الاصابع واهلي استحي من كل احد غريب لدرجه توصل فيني أحيانًا أستفرغ ،اتمنى تراعي ذا الشي فيني وما تقول مثل ذا الكلام فجأه يعني لا تحسب اني اقفل بوجهك ما ابي اكلمك ولا كره مني لك كله شي مو بإرادتي
جهاد :تامرين على العين والراس
تنهدت براحه :كنت مستثقله ذا الكلام بقلبي قلت يمكن تشوفني معقده او تصير مشكله
جهاد :إذا كان فيه اي شي يضايقك قولي لي اجلد ابوه عشانك
ابتسمت ولأول مرة تبتسم دون توتر :ان شاء الله
...
لمياء :السلام عليكم
غاده :وعليكم السلام والرحمه ،شلونك؟
لمياء :الحمدلله
غاده :ان شاء الله ارتحتي زين بالنوم لأن اليوم تمريناتنا شوي صعبه مو مثل رمضان
لمياء :أي الحمدلله نمت كويس
غاده :تشربين شي قبل نبدا ؟
روّاف :ترينها ممنوعه من القهوه
غاده :ليش؟
رواّف:تتعارض مع أدويتها ممنوع تاخذها بعد الادويه لمدة ساعتين
لمياء :معلومات من كيسك ذي غاده وش رايك بالموضوع انتِ دكتوره
غاده :ولله ما اعرف انا تخصصي غير
روّاف :تسألين ذي توها متخرجه زي نوره ما تدري بشي
لمياء :عيب روّاف تراهم تعبوا ودرسوا
روّاف :استغفر الله بس انا طالع اذا خلصتي دقي علي
لمياء :طيب
غاده وهي ترفع لمياء عن الكرسي وتضعها على السرير:اول شي بنبدا بجهاز المساج بعدين نفس تمرينات ذاك الشهر
لمياء :تدرين قبل فتره برمضان اظن مدري ليلة العيد حلمت حلم كنت أحس فيه برجولي
غاده :منجد ! عساها رؤيا خير يارب ،ويوم صحيتي كان فيه احساس ولالا؟
لمياء :لا ما كان فيه بس شوي بالحلم بعدين رجعت معد احس
غاده :ماشاء الله عليك أحس فيك إيمان غريب يعني لو شخص ثاني ممكن يتأثر أكثر
لمياء :مدري قلت لك ولالا بس أنا موظفه بالحرم المدني
تنهدت وهي مبتسمه :شعور انك كل يوم بنفس الارض الي كان فيها الرسول ﷺ ولحظة لما نفتح باب الروضه وتدافع الناس عليه يخليك تفكرين بلحظة دخول الجنه ولما تفكرين بلحظة دخول الجنه تهون عليك الدنيا بما فيها
غاده :وش تخصصك؟
لمياء :شريعه بس لما تخرجت دخلت تطوع بالحرم وبعد التطوع صرت موظفه رسميًا
غاده :ودي احسدك احسها وظيفه مريحه
لمياء :هي مريحه نفسيًا بس مرهقه جسديًا
غاده :الحين باقي تشتغلين بظروفك ذي؟
لمياء :اي بس بأمور أسهل ،السبب الوحيد الي دفعني اخذ العلاج انه ودي اخدم مسجد الرسول بكل قوتي ولا من نفسي عادي سبقتني رجولي للجنه
غاده :واخوك وش يشتغل ؟
لمياء:اعمال حره ،فتح له كوفي بالمدينه والحين بيفتح الفرع الثاني بيكون عند الحرم
غاده :كويس تدعمين اخوك من قريب
لمياء :منجد
غاده :اخوي حياته ممله عسكري وشاف له بنت وخطبها وقريبً بيتزوجها وبس
لمياء :اهم شي انها بدون مصايب
غاده :المصايب بحياتي انا
لمياء :ليه وش فيه؟
غاده :مخطوبه وخطيبي غريب اطوار
لمياء :اما مخطوبه مو واضح
غاده :لأنه ما يدق ما يكلم ما يقول شي اسولف مع نفسي
لمياء :يمكن يستحي
غاده :تدرين اني من اول ما دخلت الجامعه مخطوبه؟ يعني خلاص حيا فاضي
لمياء :يمكن يتغير مع الزواج
غاده :ان شاء الله ان شاء الله ،عاد انا ما بقيت احد ما علمته بذي السالفه لو نتزوج بيفرحون اكثر مني
لمياء :هو من اقاربك ولا ؟
غاده :ولد خالتي ،عاد تدرين امه قضت رمضان كله عندنا والعيد وبرمضان اضطريت اسوي نفسي اطبخ عشان تشوفني وانا معرف لشي من خلقت والعاملات هم يطبخون الله يعز أرين بس
لمياء بضحك :كم طبخه حرقتي؟
غاده :حطيت لهم التمر وقليت السمبوسه بس ما حرقتها
لمياء :كويس ولله السمبوسه مستوى عالي
غاده :بالقلايه الهوائيه بس
لمياء :ووش سويتي بعد؟
غاده:حلى الهبه
لمياء :ما عجبني الله يعز النعمه مره حالي
غاده :ما خليتيني اكمل حطيت بس الاوريو فوقه
لمياء :كثر الله خيرك
غاده :يارب ما يحب الاكل
لمياء بسخريه :ووش بيحب لو ما يحب الاكل؟
غاده :مدري عنه ،الحين بنسوي هذاك الي انسى اسمه الجهاز
لمياء :المهم اننا نعرفه مو لازم اسمه
غاده :صحيح
...
نجد :ولله الجو حلو هيام
هيام :نجد حر موت حر معد هو شتا خلاص
نجد :طيب تبين نطلب اسكريم ؟
هيام :اطلبي
:السلام عليكم
هيام :وعليكم السلام
:انتِ هيام الي فازت بسباق الخيل؟
هيام :اي انا مين أنتِ؟
مدت يدها لتصافحها :انا ورد ،شفت كلامك عن المزرعه وانك تبين مدربين عندي شهادة تدريب معتمده لها سنتين عندي كنت أبي نوادي نسائيه بس ما لقيت
هيام:اشوف الشهاده
همست نجد :على اساس تعرفين
هيام :بحثت عن الشهادات قبل فتره
ورد :اعرف جيت قبل الوقت بس لو كان فيه فرصه يعني ...
هيام وهي تنظر للشهاده :كم عمرك؟
ورد :٢٢
نجد :صغيره!
هيام :تدرسين؟
ورد :لا
هيام :ليش؟
ورد :ما لقيت شغفي الا بالخيل
هيام :موافقين بنوظفك
ابتسمت ورد :شكرًا
هيام :خلاص من بكره دوامك الساعه ثمانيه الى عشره
نجد :شدعوه زياره هي
هيام :دوام خفيف لأن ما عندنا شي نتعرف بس على بعض
ورد :عادي اجي بس بالليل؟
هيام :ليه؟
ورد :الصباح عندي شغل
نجد :يعني موظفه؟
ورد:لا بس مشغوله بأشياء ثانيه
هيام :طيب تعالي بكره بعد صلاة العشا لين مثل وقتك ذا مناسب لك؟
ورد :اي مناسب ،عادي اطلب طلب ثاني؟
هيام :اي تفضلي
ورد :ما ابي احد يعرف عني ممكن؟
هيام :ليه تعرفين احد من ذي العايله؟
ورد :لالا بس ... ما علمت احد من اهلي وما ودي الخبر يوصل لهم لين اجهزه بطريقه حلوه
هيام :ان شاء الله
نجد :نسينا نسألك تشربين قهوه شاهي ايسكريم شي
ورد :لالا يعطيكم العافيه بروح انا بس...كان فيه كلب حول المزرعه عادي توصلوني لسيارتي ؟
قامت هيام :بوصلك انا اعرف له قليل الادب ذاك
ورد :شكرًا
هيام :ما احب الي يشكرون كثير خففي ذا الشي
ورد :ان شاء الله
هيام :نجد لا تقولين لأحد طيب غيث شفته على المراجيح الي هناك ممكن يجي بأي لحظه
نجد :طيب
ذهبت هيام مع ورد وعندما وصلت لهناك اتصلت على نجد :اقولك دامني خرجت من المزرعه بروح البقاله وش تبين ايسكريم؟
نجد :ابي من باسكن روبنز !
هيام :طيب وش تبين نكهه؟
نجد :بكيفك بس يكون شي كله شوكلت
هيام :طيب
قامت نجد وتنهدت :الحين وش اسوي اسولف مع نفسي
تذكرت وجود غيث وذهبت اليه وجلست على الارجوحه التي بجانبه :وش تسوي؟
اخرج السماعه من أذنه :اسمع شعر
نجد :تحب الشعر ؟
غيث :مو مره بس ذي القصيده غير
نجد :وش اسمها ؟
غيث :بس أحفظ منها بيت واحد
نجد :وش؟
غيث : يا نجد جعل مروح الغيث يسقيك
ابتسمت:حقت خلف هذال ،أي شخص جرب الغربه وهو من أهل نجد يحب ذي القصيده
غيث :صح فيها مشاعر الغربه والحنين بوضوح
نجد :أبوي يحبها بعد لأن أسمي فيها كل ما اشتاق لي قال يا نجد حبيناك من حب راعيك
غيث :واحبها لنفس سبب أبوك
نجد :ما فهمت
تنهد غيث:نجد أحنا جمعنا بيت شعر ما ودك يجمعنا بيت سكن ؟
نجد :بعد ما فهمت
غيث :يعني أسمي وأسمك بنفس البيت وودي ...
قامت نجد ومدت له يدها :تدري كيف افهم ؟
نظر ليدها بإستغراب :كيف؟
نجد :عطني جوالك
مده لها وبقي ينظر لها بترقب فكتبت رقم والدها وأعادته له :اذا شرحته لأبوي واخوي يمكن افهم
ابتسم غيث: على كذا بشرحه لأبوي وخالتي بعد عشان يعم الفهم
نجد وهي ذاهبه :بس انتبه من راكان فهمه شوي صعب
غيث :ما عندي مشكله بشرحه الف مره لين يفهم
عادت لمكانها سابقًا فجاءت هيام :وين كنتي؟
نجد بإبتسامه :عند غيث
هيام :لا ولله !
نجد :تخيلي وش قال لي
هيام بسخريه من تلعثم غيث :تجد ...بجد ...نجد
اتسعت ابتسامتها :لا صار معد يتلعثم وقال كلام حلو حتى انتِ ما تجيبينه
هيام :وش قال طيب؟
نجد :قال يحب بيت من قصيدة خلف هذال حق يا نجد جعل مروح الغيث يسقيك بعدين قلته ابوي يحب ذي القصيده عشان اسمي فيها قال وبعد احبها عشان نفس سبب ابوك بعدين قال لي
ابتسمت اكثر وغطت وجهها بكفيها :مقدر مقدر
هيام :بسرعه الايسكريم بيذوب
نجد :قال لي جمعنا بيت شعر ما ودك يجمعنا بيت سكن وقلت له ما فهمت
هيام :يعني ...
نجد :ادري بمقصده بس اخذت جواله وكتبت رقم ابوي وقلت له اذا شرحته لأبوي واخوي انا بفهم
هيام :كفو ولله عرفتي له وخاف وهرب صح؟
نجد :لا قال لي على كذا بشرح لأبوي وخالتي عشان يعم الفهم يعني بيكلم ابوه وخالته انه ...الموضوع يحمس
هيام :ليه خالته ؟
نجد :امه توفت وخالته تزوجت ابوه
هيام :موضوع خايس كلي ايسكريمك بس
نجد :تتوقعين متى يكلم ابوي؟
هيام :وش علينا منه حزة ما يكلمه يكلمه
نجد :صح
اخرجت هيام ايسكريمها وأكلت منه القليل ثم قالت :تحبينه؟
نجد وهي مركزه بالاكل:هاه؟
هيام :اقول تحبينه ؟
نجد :لا
هيام :وليه تبين تتزوجينه
نجد:بدري على الحب يعني وش ذي الكرامه على طول اقول احبه خلي شوي كذا وبعدين اقول
هيام :يعني تحبينه بس تكذبين على نفسك
نجد :لا لا ما احبه ما احبه
هيام :طيب هو يحبك ترا ما بيكلم ابوك الا لأنه يحبك
نجد :طيب خلاص اص ما بفكر كثير
هيام :تبين تذوقين ايسكريمي؟
نجد :اذوق بأيش النكهه؟
هيام :نعناع
نجد :ذوقك غريب ياخي عرفت انك بتختارين كذا ،ذوقي حقي
هيام :ذقته بالطريق
نجد :كم لقمه
هيام :نصف
نجد :كويس
هيام :بعد الثلاث
نجد :يعني ثلاث ونص!
هيام :كنت عند الاشاره وسويت تحدي كم لقمه اكل على بال ما تفتح
نجد :واكلتي من حقي !
هيام :اي عادي
نجد :الله المستعان بس
هيام :خلينا ناكل ونرجع البيت تعبت
نجد :طيب اساسًا غيث اذا بيطلع بيمر من هنا ما ابيه يشوفني بسوي نفسي غامضه وكذا
هيام :بنت لو غيثيني بغيث حقك والسوالف ذي اهبدك
نجد :وش قصدك؟
هيام :احس واضح انك بتصيرين متزوجه غثيثه
نجد بسخريه :اي بصير غثيثه وابلكك
هيام :اخر شي ابوك ما يوافق
نجد :لا بيوافق بكلمه
هيام بسخريه مقلدة لما تتوقعه من نجد :يبه تذكر غيث الي كنت اكلمه كثير عن هيام والحين قال يبي يخطبني ،ترا مو حرام احب يعني ...
نجد :لا ما بقول كذا !
هيام :اجل سمعينا وش بتقولين
نجد :ادق عليه فيديو؟
هيام :اي يلا
نجد :ما أجرؤ
هيام :خلاص اجل خلي عنك الهياط
...
دخل المنزل مبتسمًا :السلام عليكم
ابو غيث :وعليكم السلام
خالة غيث (حليمه):وعليكم السلام والرحمه وجهك مسفر الليله
جلس عند قدميها وقبل يديها :من نور وجهك
ابو غيث :جلستك ذي وراها طلب وش بغيت؟
تنهد غيث :ولله طلب كبير شوي ،ابي اكمل نص ديني
ابتسمت خالته وقرصت خديه بلطف :تبي تتزوج يا قلبي أنت ،أدور لك العروسه الي تليق بك ان شاء الله واه ياربي متى كبرت متى
ابو غيث :ومعاك فلوس للمهر والبيت؟
غيث :معاي ستين ألف بس
حليمه :معليك معليك لا تشيل هم المهر اذا شفنا لنا بنت نسأل ونشوف لو بحدود الميه ألف أنا وأبوك بنزيدك انا عشرين وهو عشرين وتتزوجها
ابو غيث :والبيت؟
حليمه :هالبيت الواسع الي محد فيه الا احنا وش يسوي ! نقسمه نصين المقلط يصير غرفة نوم وحمامها فيها والمطبخ والصاله سوا أبي حس الاطفال بذا البيت الميت يحيونه شوي
ابو غيث :ولله انتم دوروا وانا بشوف الي مناسبين اهلها ولا لا
حليمه :بنات اخوانك بقى منهم أحد؟
ابو غيث :لا كلهم تزوجوا أخر وحده بنت محمد الي حضرتي عندهم بعطله ذيك السنه
غيث :يبه ...
حليمه متجاهلةً له:طيب من الجماعه شي احد تعرفه
غيث :خالتي
حليمه :اصبر خل نشوف الجماعه
ابو غيث :جيراننا الي كانوا هنا ونقلوا قبل سبع سنين تذكرينهم ؟
حليمه :ام سعود ؟
ابو غيث :لالا الي خلفتهم كلهم بنات
حليمه :ام رغد اي ولله صح ،هاه شرايك غيث ؟
غيث :أبي غيرهم
حليمه :ليه تراهم طيبين ونعرفهم من سنين طويله
تنحنح غيث وفك زرار ثوبه الاول :فيه ...يعني يبه لا تعصب بس انه شوي يعصب بس لا تعصب
ابو غيث :وشو ؟
غيث :بالشغل
تنحنح وأخذ نفسًا عميقًا :بالشغل فيه وحده معانا يعني ... شفتها وعجبتني وخذت رقم أبوها بس هذا يعني
حليمه :تبيها ؟
ابو غيث :ولا تعرف اصلها ولا شي وش تبي فيها ؟
غيث :هي بالشغل محترمه
ابو غيث :ماني موافق انا ،دور لك بنت زي الناس ولا توكل
حليمه :يابو غيث الله يهداك خلنا نسأل عنها اول وبعدين ...
ابو غيث :ماني موافق انا خلاص
همست لغيث :خلاص رح غرفتك وبيصير خير
قام غيث ونزع ثوبه في غرفته ثم خرج إلى الفناء وجلس على عتبة الباب يدخن ،بعد قليل لحقته خالته :عندي لك خطه
غيث :وش؟
حليمه :اول شي ابعد ذا الدخان كتمتني فيه
رمى السجاره و داس عليها :وشهي خطتك؟
حليمه :عطني رقم البنت
نظر لها وكأنه يرى تحقيقًا مبهمًا من قولها :ماهو عندي
حليمه :خل عنك اكيد عندك ولا كيف تشتغلون سوا ؟
غيث :جوالي داخل قولي لي خطتك بعدين افكر
مدت له هاتفه :هاك
غيث :طيب وش بتسوين؟
حليمه :ابد ولله بقول لها اني خالتك وأبي رقم امها واتعرف على امها وبعد مده أقول لأبوك البنت الي يبيها غيث طلعت بنت وحده من معارفي وتراهم كويسين وكذا
غيث :امها بالمستشفى ما تعرف احد
حليمه :طيب ما عندها أحد؟
غيث :لا
حليمه :خلاص بتعرف عليها هي هات الرقم
غيث :وش بتقولين عن فرق العمر ؟
حليمه :اقول تراني توني شباب توني واحد وخمسين خليتني عجوز على طول
غيث :لا شحلاتك ماشاء الله بس البنت عمرها مدري كم وعشرين وانتِ واحد وخمسين فيه فرق يعني كم جيل بينكم مستحيل بينكم توافق
حليمه :الحمدلله على نعمة إني أستاذه وبقول أنها طالبتي
فتح هاتفه ومده لها ثم أخرج سجاره أخرى:اسمها نجد
حليمه :يا حلو هالاسم حلواه ...بعدك بتدخن !
غيث:اي
حليمه :واذا فرضًا أبوك وافق وكل شي وجيت تخطب ورفضوا عشانك تدخن ؟
رمى السجاره بنفور :معد بدخن خلاص عزمت اليوم معد بدخن
حليمه :هات الباكت
مده لها فأخذته :معد فيه دخان من اليوم ورايح نجد تبي لها رجال انيق صحي ماهو مدخن ريحته تجيب المرض
غيث :طيب الحين اذا طلعت من هنا بروح اشتري
حليمه :عطني فلوسك زي ذاك اللاعب
غيث :حكيمي
حليمه:اي بالله انه حكيم
غيث :صعب الموضوع يمكن فجأه تتعدين على الستين الف وتشترين شجر في البيت عشان نتحول غابه وحبه حبه نصير قرود ونثبت نظرية الملحدين بس بالعكس
حليمه :اجيب شجر ينقي الجو من تدخينك انت وابوك كتمتوني !
غيث :امزح معاك يا حلوة المبسم
حليمه :رح تروش وارقد وراك دوام بكره
غيث :بكره الجمعه
حليمه:اجل رح افتح درجي وخذ لك حق كرتون مويا وبعد الصلاه تصدق فيه زي دايم
غيث :اخذت
عم الصمت قليلًا فكسره غيث :تتوقعين لو أمي موجوده بترضى عن ذا الزواج؟
ابتسمت وأخذت رأسه لحضنها ثم قبلته :أكيد بترضى دامه بيسعدك
ابعد يدها ورفع رأسه :بس لو نوقف حركات الدلع ذي بصير مستعد للحياه الزوجيه تمامًا
ضربت كتفه بلطف :مالت عليك ما تبي الدلع ،ولا هي دلوعه بتقول لك حبوبي
غيث :لا يع قلت لك محترمه البنت وكذا يعني شخصيتها مافيها شي طاغي كل شي عندها بإعتدال
حليمه :منقبه ولا محجبه ولا كاشفه ؟
غيث :لا لا محجبه
حليمه :كويس
غيث :قلت لك محترمه
...
ابو هيفاء :وين سهام ؟
ام هيفاء :شكلها نايمه
ابو هيفاء :نايمه من هالوقت ؟
شروق :لالا نامت الصباح يوم جيت بداوم وهي لسى صاحيه
ابو هيفاء :وش تسوي؟
شروق :لقيتها ترسم
ابو هيفاء :الله يهديها
ام هيفاء :ليه وش بغيت منها ؟
ابو هيفاء :اتصل علي ابو جهاد
شروق :ايه ؟
ابو هيفاء :وقال يبون يحددون موعد الزواج
شروق :متى ؟
ابو هيفاء :قال الملكه بعد اسبوعين والعرس بعده بأسبوع قلت له بستشير سهام
ام هيفاء :واختك نايمه للحين ! روحي صحيها خلي تتمم طلبياتها وخلينا نطلع السوق نشوف لها فستان معد فيه وقت وجلسات الليزر ما حجزت ولا شي
شروق :يمه امس تممت طلبياتها كلها وجلسات الليزر من قبل ما تنخطب وهي تسويها ما بيتغير شي
ام هيفاء :والفساتين ! لازم فستان للملكه وفستان للعرس والمسكه والطرحه والاكسسوارات
شروق :مدري عنها
ام هيفاء :قومي صحيها
ذهبت لغرفه سهام وأغلقت التكييف :قومي بعد اسبوعين ملكتك وبعده بأسبوع عرسك وما عندك فستان للحين
سهام :انا بصممه
شروق :تمزحين صح؟
سهام :لا ،متأكده السوق مافيه شي ببالي
شروق :طيب قومي سويه ارسميه اختاري قماش شي اسبوعين ترا
سهام :شوفيه معلق هناك
شغلت الضوء ونظرت للتصميم :هذا ؟
سهام :أي
شروق :طيب فيه تطريز
سهام :اي
شروق :طيب قومي اشتغلي عليه العرس قرب يا بنتي
سهام :اذا شبعت نوم بقوم
شروق :يا بنتي مافيه وقت بتجيك زنقه الكلاب على فستان العرس قومي ترا حتى امي توترت
سهام :مو لازم قلت له مو لازم نتزوج
شروق :يارب انا مدري وش الي عجب جهاد فيك وانتِ بذا الغباء !الرجال كلم ابوي حددوا موعد كم يوم وتسوون التحليل وندور لك قاعه وحوسه قومي بس !
ام هيفاء :شفيها، تعبانه ؟
شروق :الغباء متعبها تقول قلت له مو لازم نتزوج وبتصمم فستانها بنفسها ومدري متى بتبدا فيه
ام هيفاء :سهام ! وإن كان خرب الفستان وش تسوين ؟
شروق :انا اقول لها تبدا من الحين وتوقف كل شغلها وتشتغل عليه من الحين عشان لو جابت العيد يمديها تعدل ولا تروح تشتري غيره
جلست سهام :مستحيل ما ابي إلا الي أنا صممته !
ام هيفاء :اجل قومي قومي يلا روحي تجهزي وشروق بتشغل السياره
ابو هيفاء :ترا قلت لهم بستشير البنت وش رايك يا سهام؟
سهام :قلت له مو لازم نتزوج
ابو هيفاء بإستغراب :مين؟
سهام :جهاد
ابو هيفاء :شكلك ما شبعتي نوم يا بابا ،خلوها ترقد بكره تروح السوق
شروق :شبعت نوم من ثمانيه الصباح للحين نعمه
ابو هيفاء :نوم النهار ماهو حالي يجيب الا المرض
سهام :الحين وش تبون مني ؟
ابو هيفاء :تروحين السوق وتشوفين وش ناقص عليك
سهام :بكره خلاص الحين مالي خلق
ابو هيفاء :خلاص خلوها بكره يمديها ان شاء الله على مهلها
ام هيفاء :شروق شغلي السياره انا وياك نروح نتقضى لنا الحين عشان نفضى لأختك
شروق :اكلم هيفاء اذا تبي معانا؟
ابو هيفاء :خلوها مع زوجها محد يزعج الناس بذا الوقت
شروق :تونا بدري
ابو هيفاء :طاوعيني وخليها اذا عجبكم شي لها صوروه ودلوها عليه تروح مع زوجها احسن
شروق :طيب
ام هيفاء :يلا روحي شغلي السياره ،ولا تاخذين عبايتك الي فيها نقشه بيضاء
شروق :ليه ؟
ام هيفاء :ما انتبهت انها معلقه ورا الباب وبخرت وعلق البخور فيها
شروق :اساسًا هي للدوام بس
ام هيفاء :كويس
ابو هيفاء :تبون فلوس ولا معاكم؟
شروق:عندي بطاقتك وبطاقه أمي أبل باي ما يحتاج
ام هيفاء :وانا اقول وش ذا الخصم يوميًا
شروق :اشتري قهوه واعزم البنات عيب لازم كرم
ام هيفاء :على حسابي انا
شروق :مره على حسابك مره على حساب ابوي
ضحك ابو هيفاء وهو خارج :الله يهديك
...
دخل غرفتها :انا بطلع الدوام تبين شي؟
جلست وشغلت المصباح الذي بجانبها :كم مره اقولك كم مره قلت لا تدخل لين تدق الباب وتستأذن عيب احترم خصوصياتي
يزيد :نفسي مره وحده تردين علي بكلمه وحده محترمه غير ما ابي
مهيار :لا أريد
يزيد :أجل قفلي الباب وراي مفتاحي ضيعته
مهيار :خذه المفتاح ما أحتاجه
يزيد :عشان اذا احترق البيت ولا شي تطلعين وتنجين بنفسك
مهيار :أفضل أموت وأحترق على أني أطلع وأعيش معاك
يزيد :مالت عليك أدور مصلحتك أنا
مهيار :شكرًا ما أحتاج
يزيد :تسمحين لي أحب راسك ؟
مهيار :لا ليش ذا القرف؟
يزيد :لأني أول مره أسمع كلمه محترمه منك
مهيار :تراك زودتها مسوي المتربي ألف مره
يزيد :متربي مره وحده لكن انتِ أظن تحتاجين ألف تربيه
مهيار وهي تغلق المصباح وتعطيه ظهرها :رح دوامك بس رح وأنقذ بنات الناس وتزوجهم لا تبقي أحد مره لا تبقي من جنس حواء أحد
يزيد وهو خارج بسخريه :عساهم يطلعون أعقل منك
مهيار :آمين يارب عساهم يطلعون أعقل مني ويقتلونك ويريحونا من إنسانيتك البايخه
ما إن سمعت صوت خروجه من البيت حتى قامت وفتحت حاسوبها :يحسبني موقفه حياتي عليه ولد الكلب ،أنا بعيش لنفسي
شغلت حلقة المسلسل فسمعت صوت ضجيج وأوقفتها قليلًا لتسمع فتكرر الصوت مرة أخرى ،بلعت ريقها وقالت برعب :مين ؟
قامت وخرجت من غرفتها فأنقطعت الكهرباء فصرخت وعادت لتأخذ هاتفها وتشغل الضوء وتبحث في المنزل :فيه أحد ؟
ذهبت لباب المنزل للتأكد من وجود المفتاح فلم تجده ووجدت الباب مفتوحًا فبلعت ريقها :ياربي
سمعت الضجيج في المطبخ فأخذت مزهريه وذهبت لباب المطبخ وطلت منه لترى ضوءً لهاتف أخر
أخذت نفسًا عميقًا وأغمضت عينيها ودخلت فعادت الكهرباء مما جعلها تفتح عينيها وتجد يزيد مقابلها .رمت المزهرية أرضًا وحضنته :طلع أنت
لم يتوقع فعلها ولم يدري ما كان يدور بعقلها فقال بصدمه :أي أنا وش فيه ؟
استوعبت أنها ما تزال تحضنه فأبتعدت عنه وجلست تجمع الزجاج المكسور :سمعت اصوات وأحسب أحد دخل علي ،وش جابك بعد ما طلعت ؟
جلس يجمع الزجاج معها :نسيت جوالي هنا وجيت أخذه
قامت ورمت ما جمعته في القمامه -أكرمكم الله - :طيب
انتبه لعرجه قدمها وللدم الذي كان واضحًا أثره في الارض :رجلك
نظرت لقدمها :انجرحت عادي
يزيد :أجلسي بالارض خليني اشوفه
مهيار :موب لازم بحط لصق جروح
يزيد :ترا معاك السكر يعني صعب يشفى الجرح خليني أشوفه كيف حجمه لو يحتاج خياطه أخذتك معاي
مهيار :ما أبي تراها رجلي موب رجلك !
ذهبت نحو الباب معاندة له رغم عرجها فأخرج الاسعافات الأوليه من أحد خزائن المطبخ ووضعها على سطح المطبخ ثم رفع مهيار ووضعها بجانبها :تجبريني اسوي أشياء ما ابيها !
مهيار بغضب :لعد تشيلني كذا يا قليل الادب ! عشاني حضنتك بالغلط ثانيه وحده تسوي حركات مال أمها داعي ،وبعدين أنا ما قلت لك يلا عالج رجلي غصب ما دخلت رجلي بعينك يع !
تجاهلها يزيد وأخرج المطهر والقطن ومسح على الجرح فتألمت ورفسته ببطنه :يا بنت وش ذي الرفسه كنك ثور !
مهيار :قليل بحقك متحرش مسوي راعي إنسانيه !
يزيد:خلاص خليك بعدين تنومي ويقصون رجلك على ذا الجرح وقتها تمني إنسانيتي
بلعت ريقها وهي تنظر لقدمها :يعني كبير الجرح ؟
يزيد :من الابهام لين الوسطى بس أنه سطحي ما يحتاج خياطه ،أهتمي فيه عشان ما يكبر
مهيار :ليش انت كذا غثيث؟ وعندك جنون عظمه فوق ذا
يزيد وهو يضمد قدمها :له قصه عميقه مو لازم تعرفينها
مهيار بسخريه :لا بالله مقدر لازم تعلمني
رفع رأسه ونظر لعينيها بجدية وتنهد :يومني صغير أهلي لاحظوا تصرفاتي غريبه وودوني لدكتور نفسي وقال ...
مهيار بترقب :وش قال؟
يزيد :قال انت مرضك غريب بس علاجه أنك تسوي نفسك مسعف وتتزوج وحده غبيه وهي بترجع لك عقلك
اعطاها ظهره وتنهد بسخريه :الحمدلله العلاج بدا ينفع
رفست ظهره :اتمنى كذا ينفع اكثر
أمسك على ظهره بألم :كذا بحتاج علاج زياده
مهيار :مهما تعالجت طول العمر ما بتشفى انت مريض بقلة العقل
يزيد :روحي بس ارقدي وخليني اداوم
مهيار بسخريه وهي ذاهبة لغرفتها:لا مقدر بموت بدونك لا تداوم وتخليني بروحي ما عندي هم بالحياه غيرك
امسكت بالباب قبل أن تضرب به :رح بس وريحني من شرك
عاد لها بعد ثوانٍ : الباب يدق مين عازمه بذا الوقت ؟
مهيار بسخريه رمشت كثيرًا وشابكت يديها :حبيبي الي بخونك معاه
يزيد بجديه:أقول ! محنا متفقين بالزواج ولا بيننا شي بس ترا ما عندي حركات قلة الادب ذي ولا أحب المزح فيها
مهيار :ولاهي فيني ،مدري مين بيجي الحين رح انت أفتح وشوف
وقف عند الباب:مين؟
المندوب :مندوب
يزيد :لحظه بس
صرخ :طالبه شي ؟
مهيار :لا
فتح الباب :وش الي معاك؟
المندوب :ألبوم الصور
يزيد :أي صور ؟
المندوب :مدري وحده كلمتني وعطتني العنوان قالت مهيار
يزيد :طيب هاتيه
المندوب :سعر التوصيل ميتين مع الألبوم ثلاثه الاف
يزيد :وش ذا الألبوم ولله لو أنه فيه صور الملك سلمان !
المندوب :ماهو شغلي
يزيد :عندك أبل باي؟
المندوب :اي
أخرج هاتفه ودفع ثم أغلق الباب وتنهد :أحس بأعراض سكته قلبيه
مهيار :أحسن
يزيد :وبعدين ليه الكذب طالبه ألبوم مدري وش بثلاثه الاف !
مهيار :ألبوم؟
رماه عليها :افتحيه نشوفه
مهيار :ليه أنا ؟
يزيد :ممكن لأن عندك أظافر بدون فايده خلينا نستفيد منها شوي
مهيار :افتحها بمفتاحك يا حمار أظافري ما بضحي فيها عشانك
يزيد :أنا ضحيت بثلاثه الاف وميتين على شي مدري وشهو ما بتضحين بظفر ؟
مهيار :لو أنك تستاهل بضحي
أمسك أصبعها بقوه وفتح به الصندوق :ما صار شي لذا الظفر الخايس
مهيار :طيب خلاص لا تشدها
يزيد :يلا افتحيه نشوف الألبوم الي بأسمك
مهيار :يمكن معجب سري
يزيد :وش الي عجبه فيك
أخرجت الالبوم وكان مكتوب عليه بخط الثلث وباللون الذهبي :يزيد&مهيار
نظرت ليزيد بإستغراب :وش جابك
يزيد :صدق وش جابني مع ألبوم معجبك السري
فتحت الصفحة الأولى وكانت صورتها هي ويزيد بيومهم المشؤوم ،لم يكفهم أنهم عاشوه غصبًا فوثقوه بذكرايات وصور .رفعت عينيها ليزيد وقالت بهدوء :صور العرس
قلبت الصور لسبب تجهله ولم ترى سوى لمعة الحزن في عينيها ،وإبتسامات مزيفة ولمسات يد حارقه .صور لا تتضح الا لهما ولم يصدق الناس ذلك ...
تنهد يزيد :تبينه؟
مهيار :بحرقه بس خله شوي عشان تحلل فلوسك
يزيد :بكيفك حرقيه الفلوس راحت راحت ما يردها شي
مهيار :ولا عندي فكره بستخدمه كعقاب لك بكل مكان بحطه عشان تشوف اسوء يوم بحياتك وتنقلع
يزيد :على اساس انك كنتي فرحانه فيه دزي امها بس
مهيار :انت انقلع ورح شغلك بيفصلونك وتطفر وش الي يصرف علي لين نتطلق ؟
يزيد :وش بتسوين بعد الطلاق ؟
مهيار :بعيش وحدي عشان نفسي وبس
يزيد :كيف وانتِ الحين ومع المكافئه معتمده علي اذا تخرجتي وش بتسوين ؟
مهيار :اخطط اتوظف بمكان حلو
يزيد وهو خارج :كلنا حلمنا ومحد حقق حلمه
...
منذ ذلك اليوم وعقله لا ينام يفكر بذلك الاعتراف ويخلط بينه وبين الأوهام وليته لا ينام !فقط إنما هو يفكر به كل وقت،أنقلب للجهه اليمنى وتنهد ثم دفن وجهه بالوساده :سيف لازم تنسى
فتحت غرفته ودخلت :سيوفي صاحي؟
سكت قليلًا ليوهمها أنه نائم ثم عدل عن رأيه :ما قدرت انام
جلست بجانبه وهي تلعب بشعرها:ما قدرت انام حتى انا
سيف :ليه؟
نهى وهي تنظر لأبهامها :سيف هذاك خويك الي تلعب معاه بادل برمضان
استعدل بجلسته عندما أحس بالخفايا في الموضوع :وش فيه ؟
نهى :شوف انا أخاف عليك عشان كذا ما نمت
سيف :نهى وش ربط المواضيع ذا وش صار ؟
نهى :تعرف ان جوانا تسوي اشياء غبيه دايم وما تتعلم الا بعدين
سيف :نهى !
بلعت ريقها :غلطها ذي المره انها كلمت خويك ذا واوهمها بالحب وهي صدقت
أغمض عينيه وأخذ نفسًا عميقًا :فسري الي تقولينه الحين
نهى :مدري كيف هو راح لها بالانستا نشب لها بستين حساب وهي عطته فرصه وكلمها بعدين اساسًا شفت يوم قلت لك حضرت عرس ؟ هو راح هناك كان بيضايقها وخالو ثنيان كشف الموضوع قبل ما تحضر العرس وراح وبلغ عليه وكان معاه عيال كثير ،يعني سيف هو موضوع جوانا عدا على خير وخلاص بس انت أخاف عليك أقطع علاقتك فيهم
سيف :وانتِ من البدايه تدرين وساكته؟
نهى :لالا عرفت اخر شي قبل رمضان
سيف :وللحين ساكته ماشاء الله تبارك الرحمن على تفكيرك الجبار يا نهى
نهى :سيف ! ما كنت أدري أنه خويك واساسًا جوانا كانت خلاص برمضان ما تكلمه قالت بتاخذها نقطه بدايه جديده بس هو ضايقها رجع بعد العيد
سيف:ومين يدري غيرك؟
نهى :انا وابتهاج وخالو ثنيان وزوجته
سيف :وانا اخر من يعلم ،نهى اذا كانت جوانا دايم تغلط انتِ غلطك اكبر منها لأنك تتكتمين عليها
نهى بغصه :الحين أنا ما قدرت انام وخايفه عليك وجيت قلت لك كل شي أخر شي ...
بكت وأكملت كلامها :أخر شي تقول انتِ غلطانه ،هذي جزاة خوفي عليك
تنهد سيف وعانقها :خلاص معليش ما قلنا شي ما قلنا شي
ابتعدت عنه وهي تمسح دموعها :أقطع كل علاقاتك فيهم
سيف :أبشري
نهى :لا تصادق أي أحد خلك بس على الناس الي يعرفونهم ماما وبابا العيال مو موثوقين أخاف يودونك معاهم بمشاكل
سيف :أنا ما علي خوف الي بيجرني لمصيبه أجره لألف مصيبه بس أنتِ وجوانا وإبتهاج أنتبهوا
نهى :أحنا منتبهين بس جوانا هي...
سيف وهو يبحث عن هاتفه :جوانا تعلمت درسها
نهى:لا تهاوشها
سيف :بشوف الساعه بس
نهى :جوالك أنكسر !
سيف :اي عادي مافيها شي
نهى :جديد كان كيف كسرته ؟
سيف :طاح وانكسر
نهى :وين طيحته؟
سيف :مدري ما اذكر
قامت نهى :اهم شي يشتغل
سيف :أي يشتغل معليك
نهى :وش رايك تطلعني خروج بعد الفسحه ؟
سيف :بشوف اذا فضيت
نهى :اذا جيت لي بناخذ ابتهاج معنا لأنه هي تطلع بوقت الفسحه
سيف :بشوف
خرجت من عنده فقابلت والدها دخل للمنزل توًا :باقي صاحين ؟
نهى :اي كنت ...كنت أغسل مرايلي ،انت وين كنت ؟
سعيد :بالاستراحه
مرت من جانبه وشمت رائحة عطر غريبه :عطرك جديد؟
سعيد :هاه؟
نهى :عطرك ريحته حلوه
سعيد :أي مع واحد من الشباب
نهى :بس ريحته نسائيه أكثر
سعيد :هو للجنسين
نهى :وش اسمه ؟
سعيد :مدري بشوفه بعدين واشتري لك نفسه اذا تبين
ابتسمت :شكرًا
سعيد :يلا روحي نامي
نهى :ترا ماما كانت تنتظرك ونامت بالصاله وانت ما جيت
سعيد :ليه وش فيها ؟
نهى وهي تدخل غرفتها:لازم يكون فيها شي عشان تجلسون مع بعض؟
...
دخلت وبوجهها شيء من الغرابه والاغرب أنها لم تخبر نجد بخروجها
نجد :بنت خوفتيني عليك ! وين رحتي وش ذا الوجه وش صار ؟
هيام :مالي خلق اقول
نجد :هيام !
هيام :طيب جيبي لي مويا
ذهبت نجد وعادت بقارورة ماء :هاك
شربت منها القليل ثم وضعتها جانبًا وأراحت بظهرها على الأريكه وهي تبعد شعرها عن رقبتها فتنهدت نجد وأمسكت يدها :وش فيك هيام؟
هيام :الصباح ...
استيقظت على صوت اتصال مزعج لحلمها والوقت ما يزال باكرًا ،ردت وهي مغمضة عينيها :صقر ترا مو كل الناس مثلك حمير يصحون من الفجر احترم حياتنا !
ليلى :أنا... ما ودي اظلمك أكثر بعلمك كل شي عن ابوك
استغربت الصوت لكن الكلام هو ما تمنته :مين انتِ؟
ليلى :انتِ بنته ذيك المره ارسلتي لي تبين تعرفين عنه
جلست هيام :اي اي بنته ،الله يخليك ويطول بعمرك لا تقفلين بوجهي ولا تبلكيني
ليلى :برسل لك موقع بيتي وتعالي
قامت هيام سريعًا :اي اي طيب بجيك
صلت الفجر وأرتدت ملابسها ثم خرجت وذهبت للموقع المنشود ودقت الباب ففتحت ليلى لها :انا هيام
ليلى بوجه عبوس:تفضلي
دخلت ونظرت في ارجاء المنزل الذي يبدو أن أصحابه ذاهبون
ليلى :معليش ما بقدر أضيفك شي غير المويا ،مثل ما تشوفين معد باقي شي بننقل
دخلت بها للصاله وجلستا على الأريكه فالتفتت لهيام:اليوم حلمت أني أخنقك وانتِ تنادين أبوك وقررت أني بقول لك كل شي
هيام :اسمعك
تنهدت ونظرت للأسفل :قبل ثلاثين سنه من اليوم كنت ...أحب أبوك حب عابر بس سويت غلط غبي ورحت لوحده معروف أنها نقالة كلام ...
خديجه :وش تبين مني ؟
ليلى :بقول لك سالفه صارت لي بس لا تعلمين أحد
التفتت لها بحماس :وش ؟
ليلى:أمس كنت أرعى الغنم وهجت علي وتدرين من ردها لي؟
خديجه :مين ؟
ليلى :عبدالعزيز ،وبعدين ...
خديجه:وش صار ؟
ليلى :قال لي شعر
خديجه :وش قال ؟
ليلى :ما اذكره
خديجه :تذكرينه اكيد بس ما تبين تقولين
ليلى:اي ما ابي اقول
خديجه :واضح انه شاعر طقوعي ومستحيه تذكرين شعره ولا مين هنا بينقل الكلام ؟
ليلى :محد محد بس ...
خديجه :ولا تغارين احد ينسبه لنفسه
ليلى :أي ،خلاص لا تقولين لأحد أنا ما علمتك الا أنتِ لأني محتزمه فيك
خديجه :ازهليها
استمرت في سرد الأحداث قائله :مو جهل مني رحت لها ،ولا قال لي أبوك شعر ولا هجت عني الغنم كله كذب لأني بغيت الكلام ينتشر ويضطرون يزوجونا
هيام وهي تدمع :وأبوي كان يحبك ؟
ليلى:لا ،ما كان يدري فيني أصلًا ،مثل ما بغيت أنتشر الكلام وكل الناس كانوا مصدقين الا بندر ...
بندر:يفرجها ربك يا عبدالعزيز كلٍ يدري أنه كذب وكلام حريم ولا واحد يحسدك ووده يخرب عليك
عبدالعزيز :على وش يحسدني مابي ولا شي ينحسد
بندر بسخريه :على خويك الي ما مثله احد
حاوط عبدالعزيز كتفي بندر :أنشهد
بندر :خلني أقول لك شعر يوسع صدرك
أبعد يده عنه وتنهد :يوم قلت شعر ضاق خلقي
بندر :أقول أسمع بس يقول لك الشاعر :