كُن بقربي فإن الروح هائمة

19

لمحةٌ من الماضي ،قبل سنوات في الكويت
ورد :ماما أنا نفسي أعرف شي واحد بس
أم ورد :وش؟
ورد :بابا سوري وأنتِ سعوديه أحنا ليش بالكويت ! ليش أحنا هنا ؟
أم ورد :أقاربنا بالكويت
ورد :ماشفتهم هالاقارب بحياتي
أم ورد :وش فيها الكويت زيها زي السعوديه
ورد :طيب نرجع السعوديه
أم ورد :لا ولا تفكرين حتى
ورد :ليه وش مسوين فيها وما تبون ترجعون؟
أبو ورد :ورد ! لا تضايقين أمك
ورد :طيب جاوبوا على اسئلتي عايشه بوهم أنا
تنهدت أم ورد وقامت :بروح أنام ،أنتِ نامي وراك دوام
ورد :طيب بجلس مع بابا شوي
حالما ذهبت أمها التفتت لوالدها :بابا قول لي ليش ماما تكره السعوديه لذي الدرجه وش الغلط فيها !
أبو ورد :ما بتكرهها هي بلدا ولكن صارت لها ظروف فيها
ورد :وش صار ؟
أبو ورد :بس توعديني ما تخبريها ولا تفتحي هالموضوع ثاني
ورد :إن شاء الله
أبو ورد :قبل سنين توفى شخص عزيز علينا ،عمك عبدالعزيز
ورد :كنت موجوده؟
أبو ورد :لا بس ناصر موجود
ورد :طيب واذا توفى شخص نهاجر ؟
أبو ورد :مو هاد السبب يا أمي ،عمك كانت عندو بنت بظن أسما هيام ،وكان بيشتغل مع صديقه بالتجاره وأكيد رح يكون له ورث وأمك رح تورث منه وهي الأحق بكفالة بنتو لكن صديقه منع أمك تاخذ هيام وتاخذ ورثها وهي ما تحملت أنها عاجزه عن كفالة بنتو وأنا ما تحملت زعل أمك وأجينا عالكويت ليكون عندا عذر تكذب على نفسا فيه
ورد :طيب بابا ! المحاكم أي شي يحل المشكله مو لازم نهرب ونتخلى عنها أكيد هي بحاجتنا
أبو ورد :صديق عمك كان شخص عزيز عليه وأحنا ما فضلنا نضايقه ،هذا الحل الأنسب يا روحي
ورد :ما فكرتوا بمنطقيه أبدًا
أبو ورد :أسمعيني ،مارح تكلمين أمك ولا تفتحين الموضوع ثاني
ورد :طيب
...
في منزل والد هيام
ورد :وين نجد
هيام :مارح تجي
ورد بتوتر:ليه؟
هيام:ما تحب ذا النوع من الأفلام
ورد:أي نوع؟
شغلت هيام التلفزيون:الفضايح
ورد :الفضايح؟
هيام :شوفي تابعي بكل دقه
فتحت تسجيل الكميرات في ذات الليله التي كانت هي وحمد بها ،صعقت ورد من المشهد بشده
انتهى الفيديو فنظرت لها هيام :هاه عجبك؟
ورد:بفسر لك هيام
هيام:وش تفسرين أنفضحت قدامهم!
ورد :بفهمك أساسًا ما تعرفين عني شي
هيام:معطيتك فرصه أنا ولا أحد يدري حتى نجد
ورد :طيب أول شي قبل كل شي ترا أنا بنت عمتك
نظرت هيام لها قليلًا ثم قالت :تتوقعيني أصدق؟
ورد :أنا صادقه
هيام :وحده كذابه مثلك وذكيه وسهل عليها تخترق أكيد مجهزه لي كذبه تستغل عواطفي فيها ،مدري كيف عطيتك ثقتي بذي السرعه
ورد :هيام ! أنا جايه أحميك منهم
هيام :أنتِ وأمك الخطر تركتوني عندهم عشان الفلوس بس
ورد :كذبوا عليك ...
هيام :أنا أعرف الكذاب من الصادق ،أنتِ كذابه لدرجه حتى أسمك يمكن كذب صح؟
ورد :أسمي نفسه شوفي الهويه
هيام :معلينا من كذبك ولا أبي منك شي أفتحي لابتوبك وأحذفي كل شي فيه وبكره تجيني بإستقالتك
ورد :بس...
هيام :أحمدي ربك ما علمت أحد للحين !
تنهدت ورد :مشوشين عليك كثير أشياء
هيام :أحذفي هذي بس ومعليك فيني وفقصتي
حذفت كل ما في حاسوبها وقامت :لو كنتِ تبين الحقيقه أنا موجوده
هيام :محد يدور الحقيقه على لسان كذاب
ورد وهي خارجه:بيجي يوم وتعرفين أنها لمصلحتك
حالما خرجت إنتهى صمود هيام أمام قولها وخاضت في التفكير فورًا وبصوتٍ عالٍ أيضًا :بنت عمتي ! عمتي موجوده حولي
فتحت هاتفها وأحتارت بين ثلاثة أسماء (نجد ،أوس ،صقر) من تأخذ بقوله في هذا الموقف ،بالتأكيد نجد !
أتصلت عليها فردت :هيام ؟
هيام :نجد تقدرين تجين؟
نجد :أي بجي عادي
هيام :طيب أنتظرك ،ببيت أبوي
نجد :أعتبريني بالطريق
بعد وقت فتحت الباب :شفيك؟
هيام :مدري من وين أبدا
نجد :بكيفك
هيام :ورد كانت عندي
نجد :وينها ؟
هيام :طردتها
نجد :ليه؟
هيام :اليوم شفت تسجيل الكميرات حق أمس ولقيتها هي الي فتحت كمبيوتر صقر وكان معها واحد بس مدري مين هو
نجد :ليه تسوي كذا!
هيام :ما عندي مشكله معها بس ...تقول هي بنت عمتي
نجد :ورد !
هيام :أي أحسها صادقه بس مدري ليه كذبتها
نجد :لو كانت هي أكيد عندها حل كل القصه
هيام :هذا الي مقلقني طردتها وهي كانت بين يديني
نجد :طيب أعتذري
هيام :مستحيل ! بسببها صقر ناشب بحلقي وكل يوم أسمع كلامه
نجد :سهله هيام جيبيها خليها تعترف وتعتذر وبعدين تعلمك كل شي وصقر بيعتذر
هيام :نكته ذي نكته معد بيبقى لي ولا كرامه وصقر ما يعتذر لو تنطبق السما عالارض ،بفكر أكثر
نجد :أساسًا الي فيهم مكفيهم ،ثنيان بغيبوبه
هيام :صدق؟
نجد :أي ،ونهى منهاره كل شوي تدق علي كل شي بسبب أبوها
هيام :وش؟
نجد :ولا شي
هيام :وش ولا شي؟
نجد :أبوها تزوج على أمها وتزاعلوا وبيتطلقون ونهى تتكلم معاي دايم
هيام :الله يعينهم ،الحين بيجيك صقر المتخلف بيهاوش أشواق وما يخليها تتطلق
نجد :لا راح هاوش زوجها وصفقه
هيام :صقر !
نجد :أي
هيام :أنتِ من وين تجيبين الأخبار ؟
نجد :غيث
هيام :مو كنتِ زعلانه منه؟
نجد :لا سامحته يحبني ،واسمعي !
هيام :وش
نجد :بحجز يوم العرس خلاص بس
هيام :تحجزين وثنيان بغيبوبه حرام
نجد :بحجز بعد شهر يمكن يقوم قبل
هيام :بس لا تعلمين أحد لين يقوم إن شاء الله وإذا ما قام سووا عرس صغير
نجد :افف ودي أتزوج
نظرت لها هيام بحده :تمزحين صح؟
نجد :لا ما أمزح ليه وافقت على غيث ؟ عشان أتزوج
هيام :طيب لا تغثيني
نجد :حرام عليك والله غيث حلو
هيام :ما قلت عنه شي ! قلت لا تغثيني
نجد :شوفي الفستان الي أخترته
هيام :مو منجدك!
نجد :هيام ! ترا فرحتي لا تكسرين فيني
هيام :طيب أشوف
نجد :شوفي من هنا لؤلؤ بس أبي أحط كريستال
هيام :حلو
نجد :وأنتِ وش بتلبسين؟
هيام :ما أخترت
نجد :مو منجدك ! عرسي وما أخترتي إلى الحين وين الصداقه ؟
هيام :بختار بعدين ،تبين نشوف فلم؟
نجد :أي
هيام :بس صمتي جوالك لا أشوفك تسولفين مع غيث
نجد :بس بقول له تصبح على خير
هيام :بسرعه
نجد :طيب
بقيت هيام تنظر لها وهي تضحك على الهاتف :كل ذا تصبح على خير ؟
نجد :أرسل لي شي يضحك
هيام :أشوف
نجد :مارح تفهمين
هيام :وع ياربي الحبايب غثيثين
نجد :شوفي ،الذبه إذا أبو خطيبتك طلب قهوه وأنت توك خاطب
هيام :ذي تضحك؟
نجد :أي شوفي قاعد يقهويه بأكبر دله
هيام :ما يضحك والله يعني هو مصلحجي وناشب لأبوك عشانك ولا هو ما يحبه
نجد :ما تفهمين قلت لك
هيام :عساني لا فهمت ،تفاهه
نجد :هو كذا الحب هيام اذا ضحكتوا على أبسط شي يعني تحبون بعض
هيام :بالله ؟
نجد :أي والله
هيام :عطيني جواك أشوف
نجد :لحظه أرسل فويس
هيام :أفتحيه وردي وقفلي خلاص بنشوف فلم
غيث :تقدرين تدقين ؟ ما جاني نوم
نظرت لهيام :ما جاه نوم
أخذت الهاتف من يدها :ما رح تدق لأننا بنشوف فلم وأنت طرف ثالث لو تبي تنام أشرب يانسون وأنخمد
نجد :حرام بتجرحينه !
هيام :أحسن
نجد :ياربي من غيره الصديقات
هيام :تحسبيني أغار منك؟
نجد :تغارين علي
هيام :خلاص أسكتي
نجد :الصديقه الغيوره فديتها ،معصبه فديتها فديتها يا ناسو
هيام :نجد !
نجد :طيب خلاص
...
غاده :نرجس شفتي المسلسل؟ البطل شكله بيموت
نرجس :أحسن عسى كل الناس يموتون ونرتاح
غاده :شفيك؟
نرجس :مالك دخل ياخي ! الواحد ما يزعل
غاده :كلكم مكتئبين؟
إبتهاج :شدخلك غاده ؟ خلينا نكتئب بكيفنا
غاده :شفيكم يا ناس وش جاكم بسم الله
إبتهاج:كل شي بالحياه ينرفز
نرجس :صح خصوصًا الجنوبيين
إبتهاج :لا حبيبتي أهل القصيم وطلاب القانون
نرجس :بروح أنام
خرجت من غرفة غاده فأستقبلتها سهام :نرجس شوفي جهاد طلع وهو تعبان
تنهدت نرجس :خليه
سهام بتذمر :مدري وش ذا الخوي الي ناشب له بكل مكان
نرجس :خويه ؟
سهام :أي أسمه خالد
نرجس :أها هو كذا حيوان ونشبه وغثيث وكلب أصلًا تدرين ؟ هو متزوج وتارك زوجته بالجنوب وحامل وعندها عيال وجاي هنا يشتغل وربي كلب
سهام بصدمه:ماشاء الله
نرجس :لا تخلينه يروح معاه غثيث ذا
سهام :قد طلع ،كلمي أمك
نرجس :خليه هو غبي بعد متشفق على هالخالد ما تقل غيره بالحياه
سهام :افف ياربي
أم جهاد :شفيكم؟
سهام :جهاد طلع مع خويه وهو بذا الحال
أم جهاد :مين خويه؟
نرجس :خالد
أم جهاد :خالد ما يخالف
نرجس :يمه كيف ما يخالف !
أم جهاد :كويس خالد أعرفه
نرجس :بس...
أم جهاد :روحي نامي بس
دخلت لغرفتها وقالت بغضب :ياربي ليه محد يفهم خطورة ذا الأنسان !
في مكان أخر
جهاد :شوف الطلعه للحين حلوه بس ودي ودي ودي نسمع أمسية شعريه لخالد الفيصل
خالد :اليوم يوم مفتوح شغل الي تبي
جهاد :صراحه أنا سمعت نصها
خالد :عادي شغل بس
جهاد :وقفت عند ذي القصيده