كُن بقربي فإن الروح هائمة

8

(متابعيني الاعزاء البارتات ذي مكتوبه قبل رمضان وتوني انزلها لذلك بتشوفون عندهم تأخر زمني ،يعني يمكن بعد ما نعيد وننسى العيد هم توهم يدخلون فرمضان لذلك اعتبروا انكم دخلتوا عالم اخر منفصل عن الواقع 👍💗)
لمحةٌ من الماضي
اشواق :ثنيان جا
ام ثنيان :دخليه
اشواق :تعال
دخل مبتسما :السلام عليكم يا مجلس الزين
ابتسمت ام ثنيان بتعب :وعليكم السلام يا ولد الزين
ثنيان :عساك بخير ؟
ام ثنيان :الحمدلله اسهل ولاده
ثنيان :الحين صاحيه اشوفها ؟
ام ثنيان :نايمه لكن تعال شيلها ،إن عرفت زوجناك
ابتسم ثنيان :توني بدري عالزواج خلي شغلي يستقر بالسعوديه اول
اشواق:البنات يحبون السفر محد بيرفض
ثنيان :ادري انهم يحبونه بس انا كل ليله بديره ،ولله اني صدقت يوم قلت مجلس الزين ماشاء الله تبارك الله على وشو متوحمه يمه ؟
ام ثنيان :عليك
ضحك بسخريه :لا يمه مب علي شوفي خشمها صغير
ام ثنيان :ولله انه عليك كل صبحي وليلي افكر فيك وبشغلك
قبل يدها :العذر والسموحه ياميمتي من الحين بدق واتطمن عليك كل ساعه ،ابوي شافها؟
غطت اشواق فمها ورمقت ثنيان بنظرات معناها (اسكت)
تنهدت ام ثنيان وانقلب وجهها للضيقه :شافها وقال سموها جوانا وطلع ،مشغول مع شيخة البنات هيام مرضت
اشواق لتغير الموضوع :وش رايك ثنيان تأذن بأذنها ؟ أخر مره سمعت منك الأذان يوم كنت تسمعه لأمي بسادس ابتدائي
ثنيان :ما نسيته ترا بأذن بذنها يمه
ام ثنيان :أذن
حملها وأقترب من أذنها وهمس به الأذان وسط مشاعر جياشه تلتمس نعمة الاسلام بكل جملة بالأذان ومتمنية نبات هذه الطفلة نبات حسنًا
ابتسمت اشواق بعد أن انتهى :باقي انا باقي لي شهرين وأولد ابيك تأذن بأذن بنتي
ابتسم ثنيان وقال بسخريه :على الرحب والسعه ،انا من اليوم تركت شغل الشركه وبشتغل مؤذن للصغار
ام ثنيان :مافيه شغله كذا يالثور يا تصير مؤذن مسجد ولا بلاش
ثنيان :امزح يالغاليه لو اترك الشغل ابوي بيذبحني احسه وده يتقاعد قريب وقاعد يكرفني عشان يعطيني كل شي
ام ثنيان :يعلمك الشغل زي الرجال
رن هاتفه فقام :يلا اميمتي تامرين على شي؟
ام ثنيان :سلامتك
اخرج من جيبه نقودًا ووضعها بمنشفة جوانا :كان ودي اجيب لك هديه للكن ممداني الشوق سابقني لكم وجيت ركض
اخرجتها ام ثنيان :تعال خذها ما يحتاج
ثنيان :خليها هديه لها
ام ثنيان :ما بين الام وولدها هالحكي
ثنيان :لا خليها بيننا تجي عادي وان جبت عيال رديها لي
تنهدت ام ثنيان :طيب ذي كثيره وش الف ؟ لو ميه ولا ميتين عادي
ثنيان :خبيها وتشتري فيها فستان عرسي لجوانا ،خليني احس نفسي كاش
ام ثنيان :طيب كان خليت لي خمس ميه واشواق لنفاسها خمس ميه بعدين
ثنيان :اشواق بزيدها على الالف الف ان شاء الله وانتِ برجع لك بهديه قريب ،يلا مع السلامه عندي رحله
ابتسمت امه خلفه :الله يهديه يحب الكلافه
...
:ثنيان آل محسن؟
استعدل بجلسته :اي تفضل
:بسألك كم سؤال
عاد ثنيان لإسترخائه :صحفي يعني ،ولله اشوف اننا ما سوينا شي اخر فتره يستدعي لقاء صحفي لكن اذا مصّر كلم مدير اعمالي يحدد لك موعد فاضي لأني مشغول ذي الايام
:لا مب صحفي أنا شخص يبي الخير
ثنيان :سم
:امس كنت بمكان وشفت أختك فيه
ثنيان :وش موديك لأخواتي؟
:اسمعني ياخي وش ذي العجله ،شفت اختك الصغيره فيه كاشفه ،وواقفه مع ولد بشكل حميمي ما أظن انك تبي الناس يشوفون بنت عائله آل محسن المحترمه بذا الشكل الغير خلوق والغير مشرف لعائلتكم العريقه
ثنيان :وش يخليني اصدقك؟
ضحك بصخب ثم قال :ارسلت الصور لك عاد نختار ايهم افضل وننشرهم ولا ...
تنهد ثنيان :كم تبي؟
:افكر اخذ بالملايين ولا بالمليارات
ثنيان :انا اقول فكر تبي اضافات على العدس البارد ولا بدون
:وش بتسوي؟
ثنيان :شوف وش برسل لك مع السلامه
التفت لرتيل :صورتي؟
رتيل :اي
ثنيان:ارسليه لي
رتيل :ارسلته
ارسل له فيديو فأتصل عليه :الله يخليك امسحه ولله معد انشر الصور
ثنيان :امسحه؟
:اي امسحه وانا بمسح الصور ولا كأني شفتها
ثنيان :انا اقول خل الحكومه يمسحون فيك الارض احسن
:بسوي لك الي تبي
ثنيان :ولله ذيك الايام زرت مرفق من مرافق الحكومه وما كان نظيف بشكل يعجبني لذلك اتمنى ينظفونه فيك مع السلامه