" ဒေါက်...ဒေါက်..."
" လာပြီဗျို့...လာပြီ..."
ကျက်လုဆဲဆဲဟင်းအိုးကိုလိုအပ်တဲ့အရာတွေဖြည့်ထည့်နေရင်းနဲ့အခန်းဝဘက်ဆီကိုသူလှည့်ကာအော်လိုက်၏။အခန်းတံခါးကိုမဖွင့်ပေးမချင်းဆက်တိုက်ခေါက်နေခြင်းပင်...။ဘေးအခန်းတွေကိုအားနာဖို့အလွန်ကောင်း၏။ထိုအခါသူ့အသံကိုအခန်းအပြင်ကလူကကြားသွားပုံရသည်။တံခါးကိုဆက်မခေါက်တော့ပေ...။
သို့နှင့်သူလည်းဟင်းအိုးကိုခွင်ပေါ်ကနေချပြီးတာနဲ့မီးဖိုခန်းထဲကနေမနှေးမမြန်ခြေလှမ်းတို့နဲ့အခန်းတံခါးဆီဦးတည်လိုက်၏။တံခါးကိုဖွင့်ဖို့လုပ်လိုက်စဉ်ခေါင်းထဲကိုတိုးဝင်လာတဲ့အတွေးတစ်စကြောင့်သူတဒင်္ဂမျှငြိမ်သတ်သွားမိသည်။
အပြင်ကလူကကိုနေညိုမဖြစ်နိုင်ပေ ...။ကိုနေညိုဆိုရင်ဒီလိုအခြေအနေမျိုးမှာအခန်းတံခါးကိုသူ့ဖာသာဖွင့်ပြီးဝင်လာမှာအသေအချာပင်...။
တစ်ဖက်သားစိတ်အနှောင့်အယှက်ဖြစ်ရလောက်တဲ့အထိရိုင်းရိုင်းစိုင်းစိုင်းပြုမူမှာမဟုတ်ပေ...။
ဒါဆိုအပြင်ကလူကဘယ်သူများလဲ...။
ထိုသို့တွေးမိလေတော့တံခါးလက်ကိုင်ပေါ်ရောက်နေတဲ့လက်ကိုအသာပြန်ရုတ်လိုက်မိလေသည်။လက်ရှိအခြေအနေကိုတဒင်္ဂသူမေ့လျော့သွားခြင်းပင်...။အရာရာကိုချင့်ချိန်ပြီးပြုမူနေထိုင်နေရတဲ့ဒီအခိုက်အတန့်မှာဘယ်အရာကိုမှလက်လွယ်စံပယ်လုပ်လို့မရပေ...။အရာရာကိုသတိကြီးကြီးထားရပေမည်။
" ဘယ်သူလဲ..."
" Delivery ပါဗျ..."
Delivery ဆိုတော့ပစ္စည်းပို့တဲ့လူပေါ့...။
အပြင်ကလူကြောင့်သူ့စိတ်တွေဇဝေဇဝါဖြစ်သွားရသည်။ဘာပစ္စည်းမှသူမမှာထားမိပေ...။မမှာထားပဲနဲ့ပစ္စည်းပို့တဲ့လူကဘာကြောင့်အခန်းရှေ့ကိုရောက်နေရသနည်း။
'သူမမှာထားဘူး'ဆိုတော့ကိုနေညိုမှာထားတာများလား...။
မဖြစ်နိုင်ပေ...။
ကိုနေညိုကပစ္စည်းတွေကို Delivery နဲ့လှမ်းပြီးမှာတတ်တဲ့အကျင့်မရှိပေ...။ဒါကိုသူကောင်းကောင်းကြီးသိသည်။ဝယ်စရာရှိရင်သူကိုယ်တိုင်အပြင်ကိုထွက်ဝယ်တတ်တာချည်းသာ...။
YOU ARE READING
Kyar Yoe ( Completed )
Romance' ကြာရိုး' လို့ အမည်ရတဲ့ မျက်မမြင်ကောင်လေးတစ်ယောက်အကြောင်း...။ # Fic Cover ( From Chrome) Start Date - January 26 , 2023 End Date - July 3 , 2023