" မလုပ်နဲ့...လွှတ်...ဟင့်အင်း..."
" အာ့...မလုပ်...အင့်...နဲ့..."
" အမေ...."
" ဟင့်...အီး...ဟီး...ရွှတ်..."
နားထဲမှာငိုဉာဉ်းသံ၊တွန်းထိုးရုန်းကန်သံများကိုအဆက်မပြတ်သူကြားနေရ၏။ထိုအသံများနဲ့အပြိုင်အမေ့ရဲ့မပီပြင်ဝိုးတဝါးငိုကြွေးသံတို့ကိုလည်းတစ်ချက်၊တစ်ချက်သူကြားနေရသည်။
ဝမ်းနည်းကြေကွဲဖွယ်ကောင်းလွန်းလှတဲ့ဒီအသံများကပြည်ဖုံးကာချထားပြီးဖြစ်တဲ့အတိတ်ကဖြစ်ရပ်တွေကိုချက်ခြင်းအမှတ်ရသွားစေသည်။တစ်စုံတစ်ယောက်ရဲ့ဖေးမမှု၊နွေးထွေးပေးမှုတို့ကြောင့်နာကျင်စရာဒီဖြစ်ရပ်တို့ကိုသူမေ့ဖျောက်နိုင်ခဲ့၏။သို့သော်မမျှော်လင့်ပဲသိလိုက်ရတဲ့အမှန်တရားကဒီဖြစ်ရပ်တို့ကိုနတ်ဆိုးသဖွယ်ပြန်လည်တူးဆွလိုက်လေသည်။
အရပ်လေးမျက်နှာအနှံ့ကနေပျံလွင့်လာကြတဲ့ထိုအသံများကြောင့်ဟိုဟိုဒီဒီဝေ့ဝဲကာကြည့်ရင်းနဲ့လူကဆောက်တည်ရာမဲ့နေမိသည်။ထိုသို့ဖြစ်နေစဉ်မှာပဲထင်မှတ်မထားတဲ့မြင်ကွင်းတစ်ချို့ကသူ့ရဲ့မျက်ဝန်းအိမ်မှာရုပ်ရှင်အနှေးပြကွက်တစ်ခုလိုပေါ်ပေါက်လာကြကုန်သည်။
တဖွဲဖွဲရွာသွန်းနေတဲ့မိုးစက်တွေအောက်မှာနတ်ဆိုးတစ်ကောင်ရဲ့စေစားရာအတိုင်းလူးလွန့်က,ခုန်နေရတဲ့ကောင်လေးတစ်ယောက်...။စူးရှလွန်းတဲ့အသည်းခိုက်မတတ်နာကျင်ခြင်းတွေ၊ပြင်းရှပြီးသိပ်သည်းလွန်းလှတဲ့ရမက်ဆန်ဆန်အနမ်းတွေရဲ့ကြားမှာကောင်လေးခမျာအသားမကျသည့်နှယ်ကမ်းစပ်ကငါးလေးပမာဖျက်ဖျက်လူးနေရ၏။
ကောင်လေးရဲ့ရီဝေဝေမျက်ဝန်းအိမ်ကနေကျဆင်းလာကြတဲ့မျက်ရည်စ,တို့ကမိုးစက်များနဲ့အပြိုင်သည်းထန်လို့နေသည်။ကူရာမဲ့နေတဲ့ထိုအခိုက်အတန့်မှာကောင်လေးအနေနဲ့တုန်ရီနေတဲ့နှုတ်ခမ်းဖျားကနေတဖွဖွဆိုနေမိသည်က...
" ကျွန်တော်တောင်းပန်ပါတယ်ဗျာ..."
" မလုပ်...အင့်...ပါနဲ့..."
မြင်ကွင်းတို့ကစက္ကန့်မလပ်ဖြစ်တည်နေ၏။ဆိုးရွားလွန်းလှတဲ့ဒီမြင်ကွင်းတွေကိုသူထပ်မြင်ချင်တော့ပေ...။နာကျင်စရာတွေကိုအသစ်ပြန်ဖြစ်စေတဲ့ဒီမြင်ကွင်းတို့ကသူ့ကိုအရှင်လတ်လတ်လောင်တိုက်သွင်းနေသလိုပင်...။
ESTÁS LEYENDO
Kyar Yoe ( Completed )
Romance' ကြာရိုး' လို့ အမည်ရတဲ့ မျက်မမြင်ကောင်လေးတစ်ယောက်အကြောင်း...။ # Fic Cover ( From Chrome) Start Date - January 26 , 2023 End Date - July 3 , 2023