روان :وانت كمان وحشتنى يا حبيبى
بسمة وهى بتضحك :يعنى انا اللى هتجوز كمان كام يوم مبتكلمش المكالمات الرومانسية دى وانتى بتتكلميها
فوزية وهى بتضحك :ربنا يحميهم يا رب غيرانة قلديهم يا خايبة
بسمة بغيظ :اقلدهم ده انا هروح انكد على وائل انا يخليكى تتنمرى عليا كده
روان وهى بتضحك :بعد اذن الحقد اللى مالى قلبك يا عروسة ممكن تسيبونى لوحدى علشان اعرف اكلم جوزى
شوية خصوصية يا جماعة مش كده
فوزية وهى بتاخد بسمة فى ايديها :سلميلى عليه
روان :حاضر..معلش اتصلت عليك بس لو مكلمتكش اهلى كانو هيشكو اننا متخانقين
رامى :ده على اساس اننا مش متخانقين يا روان
روان :لا يا رامى متخانقين بس اهلى مش لازم يعرفو دى حاجة بينا انا وانت
رامى :وعلشان كده قولتيلى وانت كمان وحشتنى وانا كنت بقولك انتى كويسة
روان :معلش كلمتك وضايقتك بس زى ما قولتلك علشان اهلى ميشكوش
رامى :انا مش مضايق انك اتكلمتى يا روان انا كنت عايز اكلمك وماسك نفسى بالعافية
روان :ليه
رامى :فكرتك مش عايزة تكلمينى احنا متخانقين وقولت انك مش هتبقى عايزة تسمعى صوتى تانى
روان :متقولش كده ربنا ما يحرمنى من سماع صوتك
رامى :انت عايزة تتجننينى يا روان انتى ليه كلامك عكس بعضه كده انا مش فاهم انتى بتحبينى ولا مش طايقانى
روان :مش هتفهمنى يا رامى لو اتكلمت
رامى :جربينى يمكن افهمك
روان :مينفعش اتكلم هنا فى بيت اهلى ومينفعش نتكلم فى حاجة زى دى غير وش لوش
رامى :ايوه ايه بقى الحاجة دى انا عايز افهم انتى عصبية ومنفعلة وقولتى كلام كتير مفهمتش منه حاجة واخرتها روحتى بيت اهلك وسبتيلى البيت اخبط دماغى انا فى حيطانه
روان :انا مش سيبالك البيت يا رامى انا جيت علشان فرح بسمة
رامى :دى حجة يا روان انتى مش عايزة تبقى معايا فى بيت واحد
روان :لو تعرف مفتقداك قد ايه ويومى ناقصه وجودك ازاى مكنتش قولت كده ولا فكرت كده
رامى :طيب ما ترجعى اجى اخدك
روان :واسيب بسمة وماما لوحدهم
رامى :ده على اساس ان رضوى وسمية اخواتك مش معاهم
روان :سمية حماتها تعبانة شوية فمعرفتش تسيبها وتيجى هى مبترتاحش فى مراتات ولادها غير فى سمية ورضوى ولادها عندهم دروس فالاتنين هيجو قبل الفرح بيومين
رامى :اجيلكم انا طيب علشان مش متحمل بعدك عنى
روان وهى بتضحك :والله عايز تيجى تعالى كده كده انا بنام فى اوضة لوحدى
رامى :انتى عارفة انى هتحرج اعمل كده كمان وائل هيضايق انتى عارفة بيغير على بسمة ازاى
روان :اهى المصيبة فى الغيرة دى بتقيد فى القلب نار
رامى :قصدك ايه
روان :ها ااا..لا مقصديش انا بتكلم عن وائل وبسمة
رامى :حاسك بتكدبى
روان :وانا هكدب عليك وانت جوزى ليه
رامى :وهو انتو بتكدبو غير على اجوازكم اصلا
روان وهى بتضحك :معاك حق بس مراتك مش كده مش اخلاقى
رامى وهو بيضحك :طيب والله بتشتغلينى المهم طيب بعد كده انا هكلمك على طول مادام طلعتى عايزة تسمعى صوتى عادى
روان :انا بحب صوتك على فكرة
رامى :ده بجد بس انا صوتى مش حلو يعنى
روان :صوتك شبهك طيب وحنين
رامى :انا طيب وحنين
روان :انت احن واطيب راجل فى الدنيا بعد بابا انا اتجوزتك علشان كده اصلا
رامى :علشان طيبتى وحنيتى
روان :اه طيبتك وحنيتك خدو قلبى مقدرتش ارفضك بعد ما اتكلمنا لما جتلنا البيت بسببهم
من اول لحظة شوفتك فيها وطيبتك وحنيتك واضحين وضوح الشمس لا عرفت ارفضك وقتها ولا عرفت ابعد عنك بعدها بسببهم
رامى :وهو انتى فكرتى تبعدى عنى قبل كده
بسمة :ايه يا روان ايه يا ماما انا هتجوز اقعدى معايا واشبعى منى طيب وحبى فى جوزك لما تروحيله
روان وهى بتضحك :خلاص طيب هقفل
بسمة :سلميلى عليه
روان :بسمة بتسلم عليك
رامى :سلميلى عليها
روان :بيسلم عليكى با بسمة انا هقفل دلوقتى ماشى
رامى :ماشى خلى بالك من نفسك
روان :وانت كمان
