فاطمة :ماما انا خلصت الاكل والغسيل كمان والصالة مسحتها والمطبخ مبقاش فيه معلقة حتى مش نضيفة تؤمرينى بحاجة تانية
امينة بغضب :انا مش مية مرة قولتلك متقوليلش ماما دى يا غبية يا بنت الغبية انتى مبتغهميش امال علام ايه وكلية ايه اللي متخرجة منها وانتى متخلفة كده
فاطمة :امال اقولك ايه بس
امينة :تقوليلي يا ست امينة طول ما مفيش حد غريب معانا تقوليلي يا ست امينة لانك في البيت ده خدامة وبس انجرى روحى صحى منى علشان اخواتها قربو يجو علشان نتغدى كلنا
وبعدها تعالي دلكيلي رجلى لحسن بتوجعنى
فاطمة :حاضر
فى اوضة منى
منى بغضب :انتى ازاى متخبطيش قبل ما تفتحى عليا باب اوضتى
فاطمة :ما انتى بتفتحى شقتى من غير ما تخبطى
منى :انا اعمل كده براحتى دى شقة اخويا وده بيتنا انما انتى تخبطى ومتدخليش غير لما انا اسمحلك فاهمة يا حمارة انتى
فاطمة :فاهمة
منى :انتى جاية ليه
فاطمة :كنت جاية اصحيكى
منى :وانا خلاص صحيت مش هستناكى تصحينى غورى من وشي يلا
فاطمة :حاضر
بعد عشر دقايق
فاطمة وهى بتدلك رجلين امينة :بقيتى احسن يا ما...قصدى يا ست امينة
امينة :ولا بقيت احسن ولا نيلة وكل ما بتدلكيلي رجلي بحس انها بتوجعنى اكتر انتى بتحسدينى يا بت
فاطمة :والله ابدا انا حتى بدعى ربنا يشفيكى وبقرء قرءان وانا بدلكلك رجلك
امينة :وانتى يا بومة انتى اللي زيك ربنا يتقبل منها دعا كتك الهم وشك فقر انتى واهلك
فاطمة :ليه بس بتقولي كده عن اهلي
امينة :وهو انتى اللي هتقوليلي اقول ايه ومقولش ايه قومى يا بت انجرى حطى الاكل زمانهم علي وصول كتك القرف وشك يغم
على الاكل
على :عارف يا سالم حسين صاحبي نسايبه جابوله توكتوك ده غير الشاشة اللي جابوها لامه هدية واخته جابولها طقم الصينى هدية فى جهازها
امينة :ادى النسب اللي يشرف بصحيح مش البلوة اللي اتبليت بيها يبنى
سالم :هعمل ايه يا ياما حظى وحش وقعنى في واحدة لا مال ولا جمال وقال ايه خريجة جامعة وهى حمارة ولا بتفهم حاجة
منى :دى غبية ده انا اللي معايا ابتدائية بغهم عنها كان فادها بايه العلام ام مخ تخين دى
امينة :رايحة فين يا هبابة انتى
فاطمة :شبعت هقوم اعملكم الشاى
سالم :غورى اعمليه علي الله يطلع كويس مش صايص زى كل مرة كتك القرف في غباءك كان يوم اغبر يوم ما اتجوزتك واتبليت بيكى انتى واهلك
بعد ربع ساعة
فاطمة :اتفضلو الشاى وانا هطلع شقتى
منى :ليه السفيرة عزيزة ميشرفهاش تقعد معانا
فاطمة :لا والله انا بس تعبانة شوية
امينة :تعبانة من ايه هو انتى بتعملي ايه اصلا ده انتى زى قلتك في البيت بلوة واتبلينا بيكى
فاطمة :معلش يا ست امينة انتى عارفة الحمل تاعبنى
امينة :وهو انتى اول ولا اخر واحدة تحملى انتى مفكرة انك عملتى اللي متعملش يا بت
راضى :خلاص يا امينة سيبيها تطلع انتى عايزة منها ايه
امينة :وانا هعوذ منها ايه بنت الغبية دى هى بتعرف تعمل حاجة
فاطمة :عن اذنكم
امينة :غسلتى المواعين
فاطمة :اه
امينة :خلاص غورى
