#أحلام_يعرُب ((بين الحب والحرب))
#الحلقة_20 (( الفصل الثالث عشر نهاية أزمة))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
«اللهم أخرجني من حولي إلى حولك ومن عزمي إلى عزمك ومن ضعفي إلى قوتك ومن آنكساري إلى عزتك ومن ضيق اختياري إلى براح إرادتك»
.
.
.
نزل من السيارة.. وخش للحوش،.. والتليفون على وذنه : نعم سيف وينك
سيف : في المكتب.. خيرك؟
يعرب : فايزة مرت عمك سعد خوها توفى الفجر في بنغازي.. وأني توا مروح للحوش بناخد امك والبنات وطالعين لطبرق
سيف : لا اله الا الله محمد رسول الله.. لاحول ولاقوة الا بالله
يعرب : سيف أني ممكن نتاخر.. بتشوف صدام وتتفق معاه.. يمر على الحوازة.. وأنتا دير بالك من الحوش
سيف وقف وشاف لساعته : اي تمام... اني ساعة ساعة ونص ونطلع انجيب الصغار من المدارس.. والعشية بنخلي صدام يوقف في المحلات وانا بنفسي بنمشي للحوازة ما تخممش في شي.. كون هاني
بلل شفته : تمام.. هيا بالسلامة
صكر تليفونه وخش للحوش.. لدار المعيشة كانت فطيمة مقمعزة : السلام عليكم
فطيمة : وعليكم السلام ورحمة الله
طلعت من داخل الحوش : اوبا باهي جيت ارفعني على طريقك للمدرسة عندي حصة توا
زم فمه وشاف لاخته : شوفي صدام عروبة .. أنا طالع لطبرق
عقدت حواجبها : خير إن شالله... علاش ماشي لطبرق
قرب من أمه : عمتي فايزة مرت عمي سعد.. خوها توفى في بنغازي
صفقت بيديها : ياحليلي عليها.. امتى صار الكلام هادا؟
يعرب : الفجر يأم... وعيت عمي طلعوا لطبرق من الصبح بكري.. كان بتمشي تعزي هيا توا معايا
عروبة بحزن : لا حول ولاقوة الا بالله...بنمشي معاكم اوبا
تنهد وشاف لتليفونه : اللي يبي يمشي يسقد روحه.. أني ربع ساعة وطالع
فطيمة وقفت : بنمشي معاك استنى اشويا نلبس بس... ياهنيوا.. هناء... وينها مرت خوك قوليلها تمشي معانا فيسع
عروبة : هيا يأم حاضر
طلعت للمطبخ.. كانت هناء وراوية فيه.. خشت عليهن : هناء.. اهنيوا... تمشي معانا
عقدت حواجبها : نمشي وين؟
عروبة : فايزة مرت عمي سعد خوها توفى وبنمشوا لطبرق نعزوا
هناء : انا لله وإنا اليه راجعون... خيره المسكين وين توفى؟
عروبة : توفى في بنغازي.. ماهو في الجيش... هيا كان بتمشي يعرب مستعجل
أنت تقرأ
أحلام يعرب (ليبية_منقولة)
Action﮼أحلام،يعرب((بين الحب وااحرب)) للكاتبة: ﮼أم،ناصر🤎. 🔥قيد الكتابة🔥.
