أحلام يعرب (ليبية_منقولة)

الحلقة 25

#أحلام_يعرُب ((بين الحب والحرب))
#الحلقة_25( ( الفصل الخامس عشر براعم الحب تفتحت)
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
(إِنْ هِيَ إِلَّا فِتْنَتكَ تضِلُّ بِهَا مَن تَشَاءُ وَتَهْدِي مَن تَشَاءُ ۖ أَنتَ وَلِيُّنَا فَاغْفِرْ لَنَا وَارْحَمْنَا ۖ وَأَنتَ خَيْر الْغَافِرِينَ)
.
.
.
حطت ايديها على رسها بتعب وتهز في جسها بعصبية.. نفخت بملل

قربت منها  :  خلاص عاد عليش قالبة وجهك

شافتلها بغل  :  تسألي فيا بجديات؟!.. عجبك اللي صار فينا يعني.. هادا غير بنخربوا ليلتها جت على رأسي أني وبس

زمت فمها  :  شن تبيني انديرلك يعني.. ماهو نساعد فيك بقيس مانقدر أنتي اللي ماتعرفيش تتصرفي

تكلم بقهر  :  بالله اسكتي ترا.. شن حصلت من مساعدتك غير الهم وقلة القيمة... تعرفي ليا قداش نعرف يعرب ماعمري سمعت منه كلمة لاي حد فيها إهانة زي اليوم ليا... بقد مايزعل مني ومهما درت ديما كلامه وحتى هزيبته ماتتخطأش احدود الادب ومش اي كلمة ايقولها...حتى لما نرفزته وعبت فيه وخليته يطلقني ماقالش اي كلمة غلط في حقي

قربت منها ودموعها نزلوا  :  شبحتي اليوم ومن تحت راسك كيف ماعقب ماقال وهزبني ويقول عني بهيمة وقريب ضربني حتى الضرب على خاطر الحقيرة هاديكا

تكلمت بأمتعاض  :  وأنا شن دخلني عليش تهزبي فيا ومحملتني المسؤلية بروحي وكأنك أنتي ملاك بريء... مش كل شي كان بالاتفاق معاك وشورتك وكنتي موافقة عليه وعاجبك... ليش توا معصبة مني وحاط اللوم عليا بروحي

نجمة  :  لاني قاعدة نشبح في نتائج عكسية لكل خططنا وتفكيرنا... وبعدين علاش دخلتي المصيبة هادي في امورنا.. مهبولة زي امها وجبانة ومرات تمشي تفسد علينا عند خالها بعد اول كفين

زمت فمها بتهكم  :  ماهو نفكر لبعدين ومش زيك.. أنا قصداً خليتها هيا ادير هكي في أحلام.. اولاً عشان نبعدوا الشبهة عنا أنا وياك.. وباااا

ابتسمت بسخرية مقاطعتها  :  والله جديات.. وعلاش واقفين هني مادام بنبعدوا الشبهة عنا يافالحة.. ماهو يعرب اول ماشك فينا طول والحكاية انقلبت وجت فينا الرعشة

تكلمت بعصبية  :  وانا شن عرفني أن سي يعرب الصبح شافنا مع نهلة...هوا غير علي سبلة راجلك

حطت يدها على بطنها بوجع  وغمضت اعيونها  :  أني هادا كله ومازلت خايفة من نهلة تفسد علينا.. والله يعرب مايرحم فينا وحدة والله

هزت رأسها  :  ماتخافيش مش حتقدر تعترف بشي.. لانها بتحصل طريحة منهم كلهم مش بس من يعرب.. وبعدين أنا كان لازم اندخلها في الخطة هذي باش انورطها وتقعد تحت رحمتي ونقدر نضغط عليها وقت مانبي

عقدت حواجبها وهيا تتحسس في ظهرها  :  كيف يعني  ؟!

رفعت حواجبها وقلبت شفتها  :  مش عارفة بالزبط... لكن أنا متاكدة في شي بين احلام ونهلة ولازم نعرف شن هوا