أحلام يعرب (ليبية_منقولة)

الحلقة 26/27

#أحلام_يعرُب ((بين الحب والحرب))
#الحلقة_26((الفصل السادس عشر الهدوء ماقبل العاصفة))
((دراما واقعية مقتبسة من أحداث حقيقية))
.
.
.
لايك قبل تقري ♥ متأسفة على التاخير بس مش فاضية بكل اليوم.. بس مانبيش انخليكم بلا حلقة وكتبتها متأخر
.
.
.
«لا إله إلّا الله العظيم الحليم ، لا إله إلّا الله رب العرش العظيم، لا إله إلّا الله ربُ السماوات وربُ الأرض وربُ العرش الكريم .. اللّهم إنّي أسألك الجنة وأستجير بكِ من النار»
.
.
.
رفع راسه بالشويا... وحط جبينه على جبينها.. مغمض اعيونه ويهمس بنفأس متقطعة  :  أنحبك أحلام أنحبك... وانموت عليك ♥

اعيونها مغمضين حست برجفة سرت مع جسمها بالكامل...وكأن قلبها بدأ يضخ في الدم لعروقها لاول مرة في حياتها

رفعت ايديها ولفتهم على رقبته وضماته بكل قوتها... حس برعشة جسمها بين ايديه.. ما كانش يحساب اعترافه ليها بيكون تأثيره عليها بالقوة هذه

زاد حضنها.. ويهمس  :  اي أنحبك أحلام.. أنحبك ونبيك بقربي توا وبعدين ولباقي عمري... نبيك زي ماعرفتك وزي ماحبيتك.. نبيك وبنهبل عليك معاش تبعديني عنك

ابتسمت وخذت نفس كبير من ريحته وحضنه... وخرت عنه اشويا ورفعت اعيونها لعيونه   :  وأنا معادش نبي شي غير قربك وحبك ليا... مستعدة انكون بقربك وليك طول العمر

حرك يده من كتفها ليدها.. شدها زين ويشوف لعيونها  :  اوعديني اتخليك معايا مهما صار بينا... اوعديني ماتخليش حد يفرق بينا... نبيك تعطيني وعد لو شني ايصير بيني وبينك ومهما الناس دارت وحاولت اتخرب بينا وتفتن بتكوني اقوى من كل كلامهم وخبثهم.. نبيك تصبري وتحاربي معايا لاخر نفس

رفعت ايديها لوجهه وشدته  :  نوعدك يعرب بنكون ديما في جنبك ومستحيل انخليك مهما صار...نوعدك بنكون معاك في الضيق قبل الوسع..بنكون معاك في الحزن قبل الفرح  بنكون معاك في المرض قبل الصحة... نوعدك مافيش غير الموت يقدر ايفرقني عنك

خذاها لحضنه طول وغمض اعيونه  :  لا بالله عليك ماتقوليش هكي تاني...الموت خدت مني هلبا.. بعيد الشر عنك
.
.
.
***************(( روايات أم ناصر))
.
.
.
نزلت ولدها في السرير بالشويا وغطاته... وتلفت على خوه  :  اسمع.. بعد تبدل حوايجك طفي الضي على خوك

خيري  :  باهي يام باه

طلعت من غرفة الاولاد.. وفتحت باب دار البنات  :  اسمعي أنتي وياها بدلوا حوايجكم ونضموا حوستكم على طول

بيسان  :  باهي يا ماما

هناء  :  بسنت ارفعي البلي اللي تحتك راهو تعفسي عليهم وتكسريهم... وفيسع كملوا مش تقعدوا تهدرزوا والدنيا حايسة بحداكم.. أني بنطلع انشوف عمك جمال شن يبي ونرجع نلقى كل شي في مكانه ومضموم.

طلعت وبعدين تلفتت على بيسان  :  لحوايج متاعكم ومتاع اخواتك ارفعيهم للغسالة كلهم

بيسان تفك في شعرها  :  هيا ماما باهي لحظة بس اصبري