أحلام يعرب (ليبية_منقولة)

الحلقة 112

#أحلام_يعرُب ((بين الحب والحرب))
#الحلقة_112((الفصل الثاني والخمسون_حرب شرسة 4))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
«اللهم اجعل لي من كل ما أهمني وكربني من أمر دنياي وآخرتي فرجاً ومخرجاً، وارزقني من حيث لا أحتسب، واغفر لي ذنوبي، وثبت رجاك في قلبي، واقطعه ممن سواك حتى لا أرجو أحداً غيرك، أغثني يا عزيز يا حميد يا ذا العرش المجيد، واصرف عني شر كل جبار عنيد
اللهم نجّني ممّا أنا فيه من كرب بفرج عاجل وغير آجل وبرحمتك يا أرحم الراحمين»
.
.
.
ويمر يوم الاربعاء... وتمر بعده ثلاث ايام... بدون احداث... كانت احلام تطلع مع حمواتها وسلفتها للسوق... يمشوا بعد الصلاة يروحوا متاخر... احلام تختار في اثاث شقتها بالكامل بما فيهم حاجات المطبخ

والبنات وهناء يشروا في دبش العيد ليهم وللاطفال... مسرة طلعت معاهم مرة وحدة شرت لروحها ولولدها كسوة العيد... اما خاطيها قاعدة مع عمتها في الحوش

بعد اخر موقف مع صدام بدت تتحاشى فيه بقد ماتقدر وتهرب من القعدة معاه في مكان واحد

اما هوا مش مدورها... ولكن لو شاف محمد مع الاطفال ضروري يلعب معاه ويرفعه كان بكى... تعلق بيه لدرجة لازم ياخذله شكلاطة او اي شي قبل يروح للحوش

خديجة مرة مرة تتواصل مع الطاهر... وهوا قاعد على نار يجهز في حوشه... عشان بعد رمضان يمشي للبيضاء مع اهله ويرد مراته

جمال وهناء رجع الجو بينهم للهدوء والتفاهم اكثر... وجمال بدا يتعود على الاطفال وحتى للسوق هوا اللي ياخذ فيهم

سيف واسماء عايشين احلى ايامهم... وخاصة لما اسماء قالتله أن بوها موافق... وفعلا أماني اتصلت بعروبة وبلغتها بالموافقة مبدائياً

يعرب ماكذبش خبر زي مايقولوا... ودق الحديد وهوا حامي... كلم عمه سعد وحدد يوم ومشوا معاه هوا وجمال للحوش عمهم فتحي عشان يتكلموا في اسماء رسمي ويشوفوا شروط بوها

اليوم هذا كان يوم الاحد 5 / 7 / 2015

أحلام وهناء وعروبة طلعوا للسوق مع صدام... احلام اليوم بتشري لابسة العيد... وكذلك هناء اليومين اللي فاتوا خذت لابس الاطفال واليوم بتشري لروحها

اما عروبة كانت بتشري لروحها ولامها وفطيمة طلبت منها تشري قفطان حوش للمسرة وبدلة لمحمد هدية منها

.
.
في الحوش كانت خديجة ومسرة والاطفال مقمعزين في دار المعيشة ويشربوا في شاهي والاطفال يلعبوا في جنبهم

خشوا يعرب وجمال مع بعض : السلام عليكم

ردوا عليهم : وعليكم السلام

فطيمة : ها يما... شن صار معاكم

يعرب : لا باذن الله كل شي تمام... تكلمنا معاه واتفقنا على كل شي