#أحلام_يعرُب ((بين الحب والحرب))
#الحلقة_30(( الفصل الثامن عشر نهاية عام وبداية جديدة))
((دراما واقعية مقتبسة من أحداث حقيقية))
.
.
.
لايك قبل تقري ♥ التفاعل مهم جداً .. لو قعد ضعيف بنوقف لعند ينفك الحظر على القروب
.
.
.
«اللهم إنك لا تحمل نفساً فوق طاقتها، فلا تحملني من كرب الحياة مالا طاقة لي به، وباعد بيني وبين مصائب الدنيا وتقلب حوادثها كما باعدت بين المشرق والمغرب»
.
.
.
الله يربحك ويرضى عليك.. ويعطيك مافي بالك ويفرح قلبك ياولد بطني
ابتسم واستقام : إن شالله يأم
تنهدت وقمعزت بتعب .. وصدام يساعد فيها لعند وصلت لارض
مسحت وجهها وساوت محرمتها وشافت حولها : كيف حالكم ياحبايب عيني
ابتسمت بيسان وفي حضنها أحمد مقمعز ويبان نعسان : بخير ياحناي
بسنت بضحكة : شن جبتيلنا معاك
ابتسمت فطيمة لحفيدتها وحطت يدها في داخل الردي وطلعت كيس شكلاطة فتحاته وشافلتهم : تعالوا
ابتسمت بسعادة وقربت من جدتها وخذت منها.. وفطيمة حذفت طروف لبسيان وأحمد.. واطفال خديجة نهلة وعبد المهيمن وعبد المعز قربوا منها كلهم والتفوا حولها
ابتسمت وحذفت طرفين لبنت اختها مقمعزة مقابلتها : خودي منها بالك خاطرك فيها حتى انتي
خذتهم وابتسمت : سلمك خالتي... اي والله انحب الحلو والشكلاطة
عقدت حواجبها : هادي منهم؟!
فطيمة : شني؟!
خديجة : قصدي الناس اللي كنتي عندهم
زمت فمها : توا تتكلمي من جدك... شنو الناس بيوزعوا علينا اكياس شكلاطة... هادي جابهالي صدام واحني مروحين منهم.. قلت الصغار يحسابوني كنت في عرس وبيقيموا اعيونهم ليا واني خاشة عليهم
رفع يده ومسح لحيته : بالله عليك نهلة جيبيلي طاسة امية
وقفت بدون نية ومشت للمطبخ
قربت من امها : شني يأم... البنت اقنينة والا شني طلعت؟
تنهدت وتمسح في وجهها بمنديل : باهية اهو.. زي البنات عادي
عقدت حواجبها : خيرك.. امالا ماعجباتكش البنت
فطيمة : البنت اقنينة وماشاءلله عليها... غير أني.... تنهدت وسكتت
هزت راسها بتساؤل : خيرها... شنو في
فطيمة بقل صبر : مافيها شي وباهية... غير مش زي اهنيوا...عقل وهداوة هادي مازال صغيرة هلبا
خشت من المطبخ ومدت طاسة لامية لخالها ... خذا منها وشرب
خديجة بابتسامة مكر : اممممم... واجعاتك هناء هادا لاش مش عاجباتك
أنت تقرأ
أحلام يعرب (ليبية_منقولة)
Action﮼أحلام،يعرب((بين الحب وااحرب)) للكاتبة: ﮼أم،ناصر🤎. 🔥قيد الكتابة🔥.
