# وطحت بحبك يا ام العيون السود ..!!!

البا( 3 )رت

هيا : اوووه بنيتي نجلاء لوين رايحه ان شاء الله .
نجلاء : بروح بيت صديقتي الريم .
هيا : مجنونة انتي اليوم ملكتتس و انتي تزورين ريم .
نجلاء : يمه ترا ملكتي البارح و اليوم العزيمه و تراها في الليل و نحن الحين في العصر يعني يمديني أودع صدقتي قبل ما يقتلني آسر .
هيا ضحكت : هههههههههه اي بيقتلتس و الله انتس تعرفي تنكتي .
نجلاء بحده و بهمس : لا يمه ذا بيشنقني شنق منجد .
هيا : هاه قلتي شيء ؟
نجلاء ابتسمت : لا سلامتس .

بدر بملل : جميله جميله وش تبين اخلصي .
جميله و هي تدور في دولابها : قلت لك استنى شوي .
بدر زفر بملل : ياليل الغثى بس .
جميله لفت له و قالت : الحين مستعدة .
بدر من الفجعه سقط من فوق السرير و قال : يمه جميله وش تبين بالحزام ذا ؟
جميله و هي تعدل الحزام : اربي به التسلب الواقف قدامي .
و ناظرته بحده و غضب ...
بدر : و ليه وش سويت أنا ليكون ذبحت احد و انا مدري .
جميله : يب ذبحت اعز صديقاتي .
بدر انفجع : زينه ايش فيها ؟؟
جميله : و الله مدري ايش فيها اقول امسح رقمها الحين و لا تعاود تكلمها البنت اكتفت من لعبك عليها .
بدر : أنا ألعب عليها اقول جميله بتتكلمي عدل و لا بكف يسطر وجهتس .
جميله : مابي اتكلم عدل و زينه شيلها من رأسك و حط بدالها غاده اللي سحرت بقلبك الوسخ .
و خرجت من الغرفة و سكرت الباب بقوة و مشت لغرفتها تاركه بدر المستغرب و المنصدم .

زينه و هي تأكل حلا : هيله لوين رايحه ؟
هيله : لبيت عمي محمد .
زينه : بروح معتس .
هيله بأستغراب : لبيت عمي ؟ تراه عمي محمد مو عمي مبارك .
زينه : اي و ابيتس توصليني لبيت عمي مبارك ابغى جميله تيجي معانا .
هيله بأستغراب : طيب ألبسي عباتتس و يلا .
زينه ركضت لغرفتها تدور على عباتها شافت ان جوالها يرن بنغمه مجهول قربت وشافت رقم ما تعرفه فتحت المكالمة و سكتت ...
بدر : الو زينه أنا بدر ردي .
زينه تجمع الدموع و الكره في عيونها و سكرت المكالمه  و حظرت رقمه للمره الثانيه و اخدت عباتها و مشت بغضب لعند هيله و قالت بصوت غاضب : يلا مشينا .
هيله : بسم الله قبيل كنتي تطيرين من الفرح و الحين تقول كأنتس ذبحتي احد .
زينه : يعني ماتبينا نروح ؟
هيله : إلا إلا .

مزنه : مطلقوه اوووو مطلقوه وينك .
مطلق كان متخبي تحت سريره ...
مزنه وقفت أمام سريره و بحركه سريعه نزلت رأسها و شافته و ناظرته بنظرات مخيفه و هي تقول : مطيلق ليه تتخبي ؟
مطلق بلع ريقه و قال : منتس .
مزنه : لييييه و انا اختك .
مطلق : انتي دايم لو تشوفيني تقولين تعال مشيني بسيارتك ابغى استانس .
مزنه : و المشكله .
مطلق : انها قفلت معاي اليوم معاي مواعيد كثار .
مزنه : و انا برضو معاي مواعيد كثار منها انك تعطيني فلوس .
مطلق : يااهوو في عندنا اب ترا .
مزنه : ابوي اعطاني و انت تعطيني .
مطلق : ابغى اعرف ايش تشترين بالفلوس ذي .
مزنه : شادن دايم توصيني تقول انه لو في بيتها جمعه أنا اشتري الفصفص و العصاير .
مطلق : و انتي بقره تسمعين كلامها ؟
مزنه : اخاف من شادن دايم تهددني بأشياء أحبها أو اخفيها .
مطلق : طيب طيب خذي ريال و انقلعي .
مزنه : عشاني و عشان شادن اعطيني عشر ريالات .
مطلق : طيب خذي ذي عشان شادن بس .
مزنه : احبك يا اخوي .
مطلق : حشى ماني اخوتس انا البنك اللي انتي قاعده عليه .
كان في احد يطرق الباب بقوة ...
مزنه و هي تحسب الفلوس : روح افتح ترا البيت فاضي مافيه إلا أنا و انت و صيته نايمه .
مطلق راح يفتح و هو يتحلطم .
مطلق : طيب طيب لا تكسره .
زاد طرق الباب اكثر .
مطلق فتح و هو معصب و قال بحده : انتيييي .
شادن و هو تتلفت و بعدها أشرت على نفسها : مين أنا انت تعرفني ؟
مطلق : و مين مايعرفتس كل اهل الديره يعرفوتس .
شادن : بالله ماني مشهوره لذي الدرجه اوووهههههه .
مطلق : استني اوريتس .
كان يمشي جنب البيت واحد من عيال الديره .
مطلق : يا صالح .
شادن من شافته صدت بقرف .
صالح لف و قال : هلا مطلق بغيت شيء .
مطلق و هو يأشر على شادن : هذي النتفه تعرفها صح؟
صالح ابتسم و قال : و هل يخفى القمر هذي شادن بنت صديق ابوي محمد .
مطلق : اشوفك قاعد تتغزل مو ؟
صالح : اي .
مطلق : يا بوي احسك ناسي تراها بنت عمي و انت واقف قدام ولد عمها و تتغزل و لا تعترف بعد .
صالح : يالاخ مع اني مابي اخرب علاقتي فيك و فيها ترا ابوها كان بيخطبها لي بس مدري ليه تأجلت الخطبه .
شادن : بسيطه يالاخ لاني رفضتك مابي اضيع عمري و اتزوج واحد كبر جدتي .
مطلق : و هي الصادزه ههههههههههههههههههه انقلع قبل لا اهفك بكف يطيرك للقمر الحقيقي .
صالح صد بقهر وراح في طريقه .
شادن لفت على مطلق بعصبيه و قالت : يعني مالقيت غير ذا الواطي تسأله ؟
مطلق : شسوي هو أول واحد ظهر قدامي .
شادن : سالفة و عدت المهم وين مزنه نادها لي .
مطلق : لحظة تعالي لهنا .
شادن : أنا وجنبك وين تبيني اروح يعني .
مطلق : ورابوتس قاعده تهددي اختي حبيبتي .
شادن انفجعت و شهقت : صيته التسلبه قالت لك .
مطلق : صيته ؟
شادن توهقت : ااااا مزنه ؟
مطلق : ايوا مزنه جات تشتكي لي و تقول شادن مهددتني اسرق منك فلوس .
شادن انفجعت : يا الله نفاق .
مطلق : تعالي لهنا ابغى اقاضيتس .
شادن ضحكت بهستيريه : اقول ورني شهادتك بعدها تعال يالفاشل دراسيا و اجتماعيا واقتصاديا وسياسيا و....
مطلق قاطعها : خلاص يكفي يالسارقه .
شادن : اقوول ورا ماتنادي مزنه .
مطلق : مابي اناديها ناديها انتي .
و حط يده قدام الباب .
شادن : طيب ، وخر خلني ادخل .
مطلق : و اذا قلت لا وش بتسوين .
شادن : ياخي انت كريه .
مطلق هز رأسه بمدري .
شادن و هي تصارخ : مزنه يا مزنه يا حماره اعرفتس تبين تتهربين .
مزنه جات تركض و هي تلبس برقعها .
مطلق : مزنه لا تروحي مع ذي اخاف تعلمتس السرقه .
مزنه : لا تخاف متعلمه من زينه و جميله .
مطلق : المهم لا تروحي معاها .
شادن : اقول مزنه يا تجين الحين معي أو لا تجين طول عمرتس دامتس بتفضلين ذا القرد علي .
مطلق شهق : أنا القرد ؟؟
شادن : ايوا يعني ما تشوف نفسك بالمنظره؟
مزنه غمزت لشادن و قالت : لا شكلي ما بروح .
مطلق : اي هذا هو الكلام الصاحي .
شادن شهقت : مزنه !!!! .
مطلق : خلاص ما ابي اشوف دراما الحين ادلفي .
شادن و هي ترجع خطوة خطوة للخلف و حاطه يدها على فمها و تحرك رأسها ب لا .
مطلق سكر الباب و زفر براحه ... و بعدها تلفت و ما لقى مزنه ناداها مرة عشر مافي رد ركض للمطبخ لقى الباب يتسكر .
مطلق : مزننننننهه .
عض طرف ثوبه و ركض وراها و هو يشوفها تطب من السور ركض للباب و صار يلحقها و هي تركض مع شادن متجهين للدكان .
كانت مزنه أسرع وحده وسبقت شادن اللي كانت قرييييبه جدا من مطلق اللي كان شوي و يمسكها بس صنم لما شاف فهد جالس على باب الدكان و مزنه تأشر عليها .
فهد : يا حمار ايش تبي من اختي هااا؟
مطلق توهق و قال : اختك هي اللي وش تبي من اختي
فهد : و لعنه يا مطلق حريم وش تبي منهم .
مطلق : لا بس اختك تخلي اختي تسرق فلوس مني .
فهد : ابك يا حمار اختي الفلوس تقطر منها وما تبي من اختك اي ريال صح شادن .
شادن تمثل الخوف : اي صح كلامك يا فهيد تراه يقول عني سارقه و كلام جارح و يهددني .
فهد : يا تسلب تعال اوريك .
مطلق عض طرف ثوبه و ركض بسرعه و ركض فهد اللي كان يلحقه .
شادن و هي تنفض يدينها : و خلصنا من مشكله مطلق.
مزنه : تهقين فهد يقتله .
شادن و هي تدخل الدكان : اكيد طبعا .
لحقتها مزنه و هي خايفه على أخوها .
شادن بصوت رجولي : هلا بالربع .
حمد : ماننا ربعتس .
مزنه : هلا بالتوأم الكريه .
حامد : كلي تبن يا مزنه اخلصوا ايش تبون .
شادن تكتفت : نبي نسولف مع الربع .
حمد : الطلب المعتاد صح ؟
شادن : اي عاد افهمها .
حامد حط عشر اكياس فصفص و تسع علب عصير و قال : هذا طلبكم المعتاد و كيس فصفص زياده مني عشان تنقلعون بسرعه .
مزنه : لا لا مو تسع اكي...
قاطعتها شادن و هي تخزها و تقول : طيب الحساب المعتاد صح صح .
حمد : لا هذي المره نحن زدنا لكم كيس فصفص عشان كذا ما بنقص لكم الحساب .
مزنه : و لعنة و كأنك ما زدت اي كيس فصفص .
حمد ابتسم على جنب و قال : و هذا الاحسن .
شادن : مزنه هاتي الكراسي شكلنا بنطول .
حامد سحب كيس الفصفص الزائد وقال : ذا انسحب .
حمد : اقول خلاص هاتوا الحساب المعتاد .
أعطته مزنه الحساب و راحوا و هم يضحكون .
حامد مسح على وجهه بتعب : متى نقفل الدكان .
حمد : لو تزوجنا .
حامد : مين بيتزوجنا و نحن صورتنا خايسه عند بنات الديره .
حمد : كله من مزنه و شادن و هيله و زينه و جميله دايم يتحاكون و يقولون للحريم انهم مستقويات علينا و نحن نخاف منهن و نسوي اللي يبونه .
حامد : اللي مايدرونه هو اننا نسوي كذا عشاننا مانبي وجع رأس و عشان ينقلعون بسرعه .