# وطحت بحبك يا ام العيون السود ..!!!

البا( 16 )رت

------------------------------------------------------------

بعد أيام في السوق ...
فاطمه : انتن اجلسن هنا عند فهد و انا بروح مع حصة و نشتري من ذاك المحل زين ؟
هيله خزت زين و قالت : ايش بها تناديك ذي ؟
زين تنهد و حرك رأسه بعدم رضى .
شادن : لا تأخذن وقتكن .
فاطمه و حصة تجاهلوها و دخلوا المحل .
لطيفة : فهد تعال نروح نشتري لي كتب .
فهد بقلة حيله : طيب .
و راحوا اثنينهم و ما بقا غير زين و هيله و شادن .
شادن : اقول هيله اتهني برمضان ذا .
هيله : خيرر ليكون بموت بعيد الشر عني .
شادن : لا لا قصدي انتس بتتزوجين قريب و بيكون آخر رمضان لتس كعانس زينا بعدها بتقضين كل رمضان مع متعب هههههههههههههه .
هيله : طيب وش فيها متعب بيدلعني فديته و ما بتعب زي الحين و انا عانس قاعدة طول النهار بالمطبخ و مدري وش بتصير حياتي رفاهيه خارج المطبخ و انتوا اقعدوا و تعفنوا في المطبخ يالعوانس .
شادن : خيررر يالعجوز انتي .
زين : خلاص بنات يكفي .
هيله : اشش انت مالك شغل .
شادن : شغلوتس بالمقبرة .
و بدأ هواش بين شادن و هيله و زين ما قدر يوقفهم .

في مكان آخر ...
فهد : طيب الحين اشتري لتس اللي تبينه .
لطيفة : متحمسه مررره .
و كانت تمشي و فهد يلحقها لين ما جاء اتصال على فهد و رفع جواله و قعد يتكلم و نسى لطيفة اللي كانت تحسبه يمشي وراها .
كانت تناظر الكتب اللي تحتها و تمشي فجأة اصطدمت بشيء رفعت رأسه و هي معصبه و مقطبه حواجبها .
معاذ : خيرر ما تشوفين انتي ؟
لطيفة تنهدت تمسك أعصابها و قالت : اسفة ما شفتك اعذرني .
و مشت تاركتهم .
فارس : و كأني اعرف هذي البنت .
سعد : اي هذي هي اخت الاسطورة فهد .
معاذ : و لعنة خل نمسكها و نهدد فهد بها .
كانت تمشي و تدور على فهد و هي مخلصه و ناويه تحاسب بس وقفتها مسكت احد ليدها .
لفت تشوف و استغربت انه نفس الشاب اللي اصطدمت به .
كانت تفكر في نفسها و تقول : ايش يبي ذا ليكون خاق علي وع صح انه ولد مدن بس شكله يقرف مع تسريحة الشعر اللي كنها ديك .
لطيفة ناظرته من فوق لتحت و قالت و هي تناظره بقرف : خيررر مضيع شيء ؟
معاذ : انتي اخت فهد محمد آل.....
لطيفة استغربت و قالت : ما اقول للغريب شيء كمل طريقك اخوي .
الشاب شد قبضته عليها و قال : لما اسألك تجاوبين .
لطيفة : خير و مين انت ان شاء الله ليكون ابوي و انا مدري .
معاذ عصب من طريقة كلامها و مسك أعصابه و هو يطلع لها جواله و يوريها مقطع فيديو .
لطيفة : هيييييه مين ذا و ليه يقلد اخوي .
معاذ : ذا اخوك بشحمه و لحمه و يشهد الله اني ما اكذب .
لطيفة شهقت : بس اخوي ما يشرب و لا يجلس مع قحاب شكلكم غلطانين .
معاذ : و الله مو غلطانين و الحين اخوك محد صح ؟
لطيفة : اي مختفي لي سنة ادوره .
معاذ : أنا أعرف مكانه تعالي أدلك عليه و بتشوفين انه الفيديو جد و اخوك يسوي هذي الحاجات .
لطيفة : يعني لما فهد يختفي فجأة يروح يسوي كذا ؟ و لما ما يجي إلا آخر الليل كان جاي من هذي الاماكن ؟
معاذ : اي تعالي معي و بوصلك لاخوك .
لطيفة : بس بسرعه .
معاذ : اي دقيقة وحده بس .