# وطحت بحبك يا ام العيون السود ..!!!

البا( 8 )رت

مزنه : يا جد مفلح يالشايب .
مفلح : هاه مزنه عجبتس التلفزيون ؟
مزنه : توني ما اشتريته جايتك لهنا عشان اعطيك الفلوس و تعطيني التلفزيون مثل ما اتفقنا عليه .
مفلح : مو انتي اخذتيه قبل شوي .
مزنه : ما اخذت شيء توني ما اعطيتك الفلوس .
مفلح : و الله يا مزنه ان مافيه تلفزيون عندي .
مزنه شهقت : كيف قدرت تسوي كذا و انت حالف انك تعطيني اياه أنا .
مفلح : و انا ما اعطيته احد إلا و انا احسب انتس انتي
مزنه : كيف ؟
مفلح : جاني صهيب و قال انتس موصيته يجيبه لتس لان فيتس الدوره و ما تقدري تشيليه .
مزنه نطت برا البيت و ركضت تدورهم .

و هم يجرجرونه ...
صهيب : لوين تأخذه ؟
مشعل : لبيت عبد العزيز فاضي .
عبد العزيز : ماعندي مشكله .
صهيب و هو يمسك رأسه : اح من الحمار اللي رماني بحجارة .
عبد العزيز يتلفت .
مشعل : الجن .
عبد العزيز : خلونا نمشي بس قبل لاحد يشوفنا .
صهيب و هو يمسك رأسه و يتلفت و شافها ترميهم بالحصى و لما قربت منهم قالت : اجل انا فيني دوره و الله لا أخلي الدوره تجيكم انتم .
عبد العزيز : كيف ذا ؟
مشعل : وش تبون منها خل نمشي بس .
صهيب : مزنه الله يقلع وجهتس وش جايبتس لهنيه .
مزنه : هذا تلفزيوني .
صهيب : انقلعي بس نحن شاريينه بفلوسنا .
مزنه ركضت و نطت فوق صهيب و هي تحاول تمنعه .
صهيب دفها بكل قوته لين طاحت على الأرض تبكي .
مزنه و هي تناظر للأرض بنظرات حقد  و الدم ينزل من يدينها و ركبها قالت و هي توقف : و الله ما اخليكم تأخذونه .
ركضت و نطت فوقه مره ثانيه بس هذي المره اعطاها كف قوي و دفها بكل قوته لين طاحت على صخرة كبيرة في الأرض و كأن الدم مسوي بركة حولها .
مشعل خاف على حياته و قال : امشوا ننحاش قبل لا احد يشوفنا .
صهيب ركض و هو خايف و ركض معه مشعل .
عبد العزيز مدري من وين جاته القوة و حمل التلفزيون لوحده و ركض بقوة معاهم .
بعد دقائق ...
مشى و شاف وحده نيمه بنص الشارع و الدم بركة حولها ركض يشوف من هي و شهق لما شاف مزنه .
شالها و صار يصارخ و يقول : الحقوا احد يجي يا ناس تكفون ساعدوني .
شال شماغه من على كتفه و نزل شيلتها و برقعها و ربط شماغه حول رأسها و غطى به الجرح و منع الدم . 
ركض بقوة من شافهم و قال : سلطان هذي مزنه صح .
سلطان : اي بسرعه روح شغل السيارة .
مطلق بعصبيه : وش سويت بها .
سلطان بعصبيه : ما عندنا وقت يلا على السيارة و بعدها بحكي لك اللي صار .
مطلق سحب مزنه و قال : انت روح شغل السيارة و انا بحملها .
و ركض مطلق و لحقه سلطان متجهين لورا بيت محمد اللي في آخر الديره .

بحكم ان بعض البيوت اللي في الديرة بس معاهم سيارات و هم سياراتهم وراء بيت محمد .

و صلوا و دخلها وراء و سلطان دخل للسيارة و شغلها بس ما اشتغلت و حاول مره مرتين ثلاث بس مافيه فايده .
مطلق : وش تسوي البنت بتموت و انت جالس تستظرف .
سلطان : السيارة مو راضية تشتغل .
مطلق دف سلطان و حاول يشغلها بس ما اشتغلت و حاول مره مرتين عشر بس مافيه فايده .
سلطان : خل نروح نجرب السيارات الباقيه .
و جربوا كل السيارات بس و لا وحده اشتغلت .
مطلق ضرب رأسه في السيارة بقوة و هو يقول : خلاص مافي فايده مزنه ماتت و نحن حتى السيارة ما قدرنا نشغلها .
و ضرب رأسه في السيارة بقوة مره ثانيه .
سلطان : خلاص توقف و خل عندك امل بالله .
مطلق تنهد بضيق و ضرب رأسه مره ثالثه .
سلطان بتفكير : مافي سيارة ثانيه ؟
مطلق : الديره اكثرهم بدون سيارات بس اعرف احد معه سيارة ..
سلطان : أبو صالح روح جيب سيارتهم .
مطلق : لا لا لا لا إلا بيت ابو صالح اكره خلقتهم .
سلطان : يلا بس مافيه وقت .
مطلق راح جري لبيت ابو صالح حتى بدون ما يرد عليه