# وطحت بحبك يا ام العيون السود ..!!!

البا( 21 )رت

------------------------------------------------------------

في وسط لعبهم فتح باب الحوش و دخل عليهم الحلوين .
الكل لف من سمع صوت الباب و صرخوا من شافوا مزنه و سلطان .
هيله و زين ركضوا و حضنوا سلطان و زينه صافحته بس .
سلطان من شافهم حضنوا تقرف و قال : وع وخروا عني بس ليه مانتوا زي زينه .
هيله : كيف ما تبينا نحضنك و انت مختفي فاجأة بدون ما تعلم احد حتى .
سلطان : برضو مو سبب مقنع وخروا عن الطريق .
جلس في الجلسة اللي كانوا مسويينها قبل شوي و قال : احد منكم يفز و يجيب لي ماي حدي تعبان .
صيته ركضت تحضن اختها و هي تبكي .
مزنه : ليش تبكين هذي أنا مافيني شيء .
صيته : خفت عليتس كثير و تمنيت ازورتس بس ما قدرت .
مشعل كان يناظر صيته بحب و هو يشوفها كاملة و الكمال لله كل شيء فيها كويس حتى اسلوبها و تصرفاتها هي اعقل وحده من بنات عمه و اسنعهم .
صهيب دف مطلق و قال : تراها اختك يا ورع .
مطلق : اختي ؟ وشلون .
صهيب رفسه لعند مزنه .
مزنه حضنت مطلق و قالت : هلا بأخوي الحبيب اشتقت لك مره عساك اشتقت لي .
مطلق : اي اي انا اخوتس و انتي اختي ههه لا ما اشتقت ابد ما ادري انتس موجوده لهذي اللحظة توي ادري ان عندي أخت ثانيه الصراحه استغربت واجد .
مزنه وخرت عنه و قالت : هيه وش فيك قاعد تخرف عساك نسيتني بس هااا مالك نصيب من الهدايا اللي جبتها .
مطلق : هدايا !! احلفي خلاص أنا اخوك و اشتقت لك كثير .
مزنه : على تبن .
و راحت لعند البنات اللي حضنوها و هم مبسوطين لسلامتها و شفائها من البلاء .
جلست مزنه و فتحت الشناط و صارت توزع هدايا على الكل .
زينه صرخت : اااااااااااااااا الله هذي الكاميرا حقتيييي .
مزنه بفرحه : اييييييييييه .
زينه : ااااااااااااااااااااا .
و صارت تناقز و تصارخ .
العيال حاطين اصابعهم في اذانهم بعصبيه .
بدر في داخله يقول : الله يعينني عليها بس وش اسوي هي خطفت قلبي قبل لا الاحظ حتى .
و جلس يناظرها بحب و هيام .
جميلة : لا لا لا لا لا لا لا لااااااااااااااااااا هذا حقي متأكدة و لا غلطانه ؟
مزنه بفرحه : اييييه حقتس وش فيتس مترددة خذيه .
جميلة دمعت و صارت تمسح دموعها إللي ما نزلوا حتى عشان لا يخرب مكياجها و قالت : لو سويت اي شيء لتي ما بقدر اردها ابددد .
مزنه : لا ما ابيتس ترديها عادي عادي .
جميلة قامت تناقز جنب زينه و تصارخ معاها و هي كل ما تناظر للجوال اللي جابته مزنه لها تدمع عيونها بفرح .
صبحيه : وش ذا ؟ .
مزنه : استشوار لأن ما عندتس مثله .
صبحيه دمعت عيونها بفرح و هي خلاص الحين ما بتروح على بيت زينه كل ما بغت تستشور شعرها .
صبحيه : و الله ما قصرتي .
صيته : أفضل هديه و الله ما تقصرين يالاخت .
مزنه : اي اعرفتس تحتاجين المقلاة لان حقتنا ثقيلة عليتس .
صيته ابتسمت برضى و هي تناظر لمزنه .
شادن بصراخ حماسي : الحين دوووووووريييي افسحوا الطريق .
مزنه : خذي يالخويه .
شادن : الله الله الله جوااااااااااااااال اعرف ابوي لو شافه بيأخذه بس نعتبرها سرقة لانه مو بفلوسه .
لطيفة دفت شادن و قالت : وخري بس الحين دوري .
مزنه : خذي يالحضريه انتي .
لطيفة ابتسمت و ناظرت نظرة سريعه لعبد العزيز بنصر و انجنت من شافت وش جابت لها مزنه .
لطيفه : وش هذا ؟؟ هو نفسه اللي افكر فيه و لا انا غلطانه .
مزنه : لا لا نفسه هذه سماعه فيها اغاني تحبيها لاني اعرفك تحبين ترقصين و راديو ابوتس خربان .
لطيفة : اوووه ثانكيو مزنه و الله انتس أطلق خويه .
صيته : الله جحدتينا بدون تردد .
عبد العزيز بنفسيه : وقت المصالح تجيك الكلاب تنابح .
مشعل أعطاه كف : وش اللي تقوله انت فشلتنا الكلام مو في وقته و لا له معنى الحين يا بقره .
عبد العزيز : حبيت اقولها بمزاجي .
هيله : و خرن بس هذا دوري .
لطيفة حضنت السماعه و هي تزوع ابتسامات نصر لعبد العزيز .
هيله بملل : جوال؟؟؟؟
مزنه : اي جوال اخوتس قال انتس تبينه .
هيله ابتسمت لمزنه تجبر خاطرها و قالت : لا بس ما توقعت الصراحه بموت من الوناسه .
شادن : لحظه ليه سلطانوه مسافر معتس بالذات؟
مزنه : سالفة طويلة .
سلطان : وش دخلتس يالحشريه خليتس بنفستس بس .
شادن صدت و هي تحرك رأسها بعدم رضى و هي ما تحب تحارش سلطان لان ماعنده مزح و كل شيء عنده جدي و لو غلطت بدون قصد يغسل شراعك غسل .
مطلق بضحك : هيه اشفيك على البنت تراها تتكلم مع مزنه مو معك يا الحشري انت .
سلطان لف يناظره بحده و حقد و غضب .
مطلق بلع ريقه و كان خايف بس ما بين لأحد و ابتسم ابتسامه شاقه الحلق .
سلطان صد بعيونه بقرف .
متعب خز مطلق بتشمت و قال : هذي آخرة الدفاع حقك .
مطلق : ااصصه بغيت اموت من الخوف حشى جني مهو بأنسان .
متعب : طالع على اخته تراني يالله متحملها و لو كان بودي طلبت الطلاق .
مطلق : مو علينا يالمنافق انت اعرفك لو تشوفها تطير من الحب و تقول حبي حياتي و مدري وش اعرفك أنا .
متعب : اصصص خلها مستوره بس .
مزنه وقفت و قالت : وين امي و ابوي صاحيين ؟؟
صيته سحبتها تجلسها و هي تقول : هذول نيوم من الساعة ٧ كيف تبينهم صاحيين و الحين الساعة ١٢ .
مزنه : نسيت بس مشتاقه لهم مره .
هيله : و انت يالمنفس مانك مشتاق لأمي و ابوي هاا؟
سلطان : بالعقال اذا ما وقفتي ميانه معي .
هيله صدت و هي تقول : اخس كلام والله .
بدر : هييييييييييه مزنه ماني مسامحك انتي و سلطان اجل جايبين هدايا للبنات و نحن لنا الله .
مزنه : أنتم سلطان جاب لكم عاد هو و ذوقه هههههههههه .
سلطان ابتسم لكلام مزنه و الكل فتح فمه بدهشه .
سلطان : تعالوا و انا ابوكم اوزع لكم هدايا .
سلطان أعطى كل العيال عطر و هو يبتسم .
العيال ناظروا لبعض بغير رضى بس ما بينوا لسلطان ذا بالعكس جالسين يمدوحون فيه و في عطره .
مطلق قرب من مزنه و قال : مو قلتي اني اخوتس يعني ما جبتي لي هديه غير هااه ؟
مزنه : إلا جبت لك بس حاطتها بالسيارة بعدين اوريك اياها الحين خلني استريح شوي .
مطلق انشق حلقه من البسمه و جلس يوزع إبتسامات تشمت للشباب .
صيته : و انا اختسسسسس .
مزنه : اي انتي غير بعدين اعطيتس ، الحين تعالوا معاي لكم هديه و خبر صاحي .
الكل وقف وراح معها حتى الشباب بس توقفوا من شافوا سلطان واقف قدامهم و هو ماد يده اليسرى و يناظرهم بإستغراب .
فهد : كنا نبي نقوم و ننفض هدومنا من التراب .
الشباب كلهم حركوا رأسهم و هم يقولوا : ايه ايه ايه .
سلطان : اجل اقعدوا ما وراكم شيء .
ماهي إلا دقايق و مطلق ينط و هو مفجوع و يصارخ : اااااااااااااااااااااع .
الكل لف عليهم بإستغراب .
سلطان : بسم الله وش فيك قاعد تناقز زي الجني .
متعب بهمس محد سمعه : انت و اختك جن بس لا تدخلوا مطيلق حبيبي المسكين .
مطلق و هو مفجوع يأشر بسبابته على المكان اللي بينه و بين متعب و يقال بخوف و هو رافع صوته : ام اربعه و اربعين .
متعب فز و تمسك بمطلق و هو خايف و يتلفت و يقول : وينهاااااااا .
مطلق و هو بعده يأشر : في كتف بدر .
بدر لف بخوف يناظر كتفه و ابعدها و هو يصارخ و نقفز و تمسك بمطلق و متعب .
لما بدر أبعدها طارت و و حطت على وجهه زين اللي اغمى عليه .
فهد ابعدها من وجهه زين و هو متقرف و يصارخ بإستهبال و يضحك .
كانوا مشعل و صهيب و عبد العزيز يتقهووا و يتفرجوا و هم يضحكون .
طاحت على حضن سلطان اللي كان يناظر ببرود .
مطلق بإستهبال : ااااااااااااااع سلطان الحق .
متعب : اششش خلها تقتله و نفتك .
سلطان مسكها بيده و اليد الثانيه كان ماسك بها صخره كبيرة شوي و قتل ام اربعه و اربعين .
بدر : فل ترقدي بسلام .
آسر جاء من داخل و قال : هيه هيه هيه وش فيها أصواتكم واصله لأمريكا معاد عرفنا من البنات .
فهد و هو بعده يضحك : فاتك قيل شوي زارتنا ام اربعه و اربعين و سلطان قبرها .
آسر : و الله انكم بقر .
بدر حس انه الوقت المناسب اللي يفتح فيه الموضوع مع آسر و قال : هيه آسر تعال معاي شوي ابغاك بكلام .
آسر هز كتوفه بقلة حيله و راح معه .

وراء البيت ****
آسر : هاه اخلص وش تبغى .
بدر : بخصوص اختي نجلاء .
آسر توتر من طرى طاريها و قال : وش فيها نجلاء عسى ما شر .
بدر : اسمع هنا وش سالفة الجروح و الكدمات اللي مغطيتها " رفع صوته بعصبية و هو يقول " قول الصدق يا آسر وش سويت بأختي قول !!!
آسر صار يتنفس بسرعه و يتلفت بعيونه يمين يسار .
بدر دف آسر للجدار و هو يهزه و يقول : هاه ليه ساكت تكلم وش سويت بها .
آسر ما قدر يتحمل و نط فوق بدر و طيحه على الأرض و هو يضربه بوجهه و يضرب و يضرب و يضرب بيديه الثنتين و طارت الدماء على وجهه آسر و على ثوبه و على الأرض و تعرفون انتم آسر قوي و ضخم و طويل محد قده المهم انه كان يضرب في بدر و يضرب لين ما تعب .
ما احاكيكم عن المنظر لانه يقرف بس ما بانت ملامح بدر من الضرب حتى انه أغمى عليه .
وقف آسر و هو يناظر لبدر اللي تحته و يتنفس بسرعه و صار يتلفت برأسه و طاحت عيونه على السور .
ركض و طب منه و اختفى .

------------------------------------------------------------