# وطحت بحبك يا ام العيون السود ..!!!

البا( 26 )رت

------------------------------------------------------------

لطيفة بحده : ليكون جالسة تتجسسين علي .
شادن : و انتي وش تسوين هنا طيب ؟
لطيفة : اتفقد الزرع ، و انتي ؟
شادن : و انا كنت ادور على خواتمي .
لطيفة : جد ؟ المهم خل ننقلع من هنا قبل لاحد يشوفنا .

متعب : ايش فيتس .
هيله : وش تبي الحين خلصني !!!
متعب : ابي نسولف مع بعض شوي .
هيله : تخسي ما عندك سوالف اصلا .
متعب توه بيتكلم و إلا يشوف سلطان جاي .
متعب مسك يد هيله و ركض بسرعه و لحقه سلطان و هيله اللي تناظرهم بإستغراب .
بعد دقايق ...
هيله : خير ليه انحشنا لما جاء سلطان ؟
متعب : اششش لا يسمعنا بس .
هيله : اها اجل وش تبي كنت تقول ؟
متعب لف بجسمه عليها و مسك يدينها و هو يقول : ليه ما نستعجل بالزواج أنا خلاص تعبت بدونتس ، و ابغاتس تكونين جنبي بكل الوقت .
هيله ناظرته بإستغراب و قالت : تخسي الزواج بيكون رابعة العيد و انتهى وش اللي تستعجله مجنون انت !!!
متعب : بس امتس تق...
مالحق يكمل كلامه و إلا بسلطان اللي ناط فوقه .
هيله بخوف : سلطان خير قتلت الولد !!!
سلطان مسك بيد هيله و مشى و هو يقول : تعالي ابغاتس بموضوع .
هيله هزت رأسها بطيب و راحت معه بدون ما تلتفت لوراء .
متعب و هو منسدح في الأرض يناظر مقفاهم بعصبيه و حقد ، غرز اصابعه تحت التراب و غرفه بيده و صار يرميه عليهم و هو بعده منسدح .

مشى و هو سرحان و يفكر فيها و هو كل شوي يتنهد بحب ما حس بنفسه إلا و هو طايح بالأرض .
متعب : ظهري خلاص راح فيها ترا .
مطلق : كل زق وش اللي منيمك هنا ؟
متعب : سلطان الحمار فرشني فرش بالأرض .
مطلق استغرب : ليه ؟
متعب : عشانه كان يبيني استعجل بزواجي مع هيله بس انا رفضت و قلت له البنت تبي ترتاح و تتجهز زين .
مطلق نزل من على ظهر متعب و قال : اي و الله صح كلامك هذا سلطان شايب عقله متحجر .
متعب : خلنا منه و تعال نروح نتسحر الظاهر انهم يوزعون السحور .
مطلق : اي و الله اني متت من الجوع .
و راحوا ركض بعد ما نفضوا نفسهم .

انتهى العرس و كل واحد راح لبيته و مزنه و سلطان راحوا لفندق بطلب من سلطان ...

كان يناظره بنظرات غريبه طول الوقت .
و اخيرا تكلم و قال : ايش فيك قاعد تناظرني من اول العرس ؟
بدر : مدري .
و صد بقرف .
آسر حرك رأسه بعدم رضى و وقف .
بدر : على وين رايح ؟
آسر : اخذ نجلاء لبيتنا ؟!
بدر : اصبر اناديها لك .
آسر هز كتوفه و قال : اخلص .
مر وقت طويل و تأخر بدر على آسر اللي كان جالس عند الشياب ينتظر بدر .
قرب منه و قال : هاه وش تسوي هنا ليه ما سريت مع مرتك ؟
آسر : بدر راح يناديها لي بس مدري ليه تأخر .
مبارك : الواطي ذاك ، اسمع انتظرني في الحوش و أنا جايك و معاي نجلاء .
آسر بإستغراب : طيب .
مبارك كان بيدخل الغرفة بس سمعهم يتكلمون و نجلاء صوتها يبين البكي .

و سمع هذا الحوار ...

بدر : كيف بعدتس تبين تروحين معاه و هو يسوي كل ذا فيتس .
نجلاء : ما اقدر أنا احبه ما ابي احد غيره .
بدر : تحبيه بعد ما سوى كل ذا فيني وداني للمستشفى و أنا ما سويت له شيء بس اشتكيت له عن الجروح اللي فيتس !!!!
نجلاء : بس انت قلت انه يمكن يكون مريض خل نصبر عليه شوي .
بدر : لا لا خلاص لا تروحين معاه .
نجلاء : و الخطه اللي ابتدينا فيها .
بدر : في داهيه المهم لا تروحين معه .
نجلاء : بروح .
بدر : انتي كيف تفكيرتس ذا بالله كيف تبين تعيشين مع شخص يكفخلتس كلما تقض عليه بالله يعني و عيالتس كيف بتمنعيه انه ما يمد يده عليهم ؟
نجلاء : تكفى بدر أنا احبه و ابيه تكفى خليه يتعالج لاني ما اقدر احب احد غيره او اعيش مع شخص غيره .
بدر : كيف اقدر اعالجه و أنا ما اعرف وش فيه .