# وطحت بحبك يا ام العيون السود ..!!!

البا( 20 )رت

------------------------------------------------------------

ببيت مبارك ....
زينه و هي متكتفه : هاه وش مقرر .
بدر : بكرة إن ما صار شيء بخطبك .
زينه : حلو و الحين تبي شيء و لا اروح .
بدر : طيب اجلسي نسولف شوي .
زينه : لا لا لا عندي أشغال كثيرة .
بدر تنهد بحزن و قال : اللتي تبينه .
زينه ابتسمت و راحت و هي تقول : بباي حبي .
بدر بهمس : يجعلك تطيحي قدام المعازيم .
رفع صوته و قال : باي حبيبتي بشتاق لك كثير .

هيله : ما اقدر أنا احس واو .
شادن : واو اجل واو .
زينه : هيله تبين الصدق ؟ محد مهتم بعرستس .
هيله : على تبن و كأني ابيتس تهتمين و بعدين بعرسي تعالي و قولي ابي احضر عرستس و مدري وش .
زينه : بنشوف .
صيته : اي جميلة وش سبب العزيمة ذي ؟
جميلة : مدري يمكن لان رمضان قرب .
لطيفة : متى نجلاء تيجي احس اشتقت .
شادن : حتى انا اشتقت لآسر بس .
هيله زفرت براحه و هي تقول : احسبتس بتقولين انتس اشتقتي لنجلاء قلت بضربتس ألين يرجع عقلتس .
شادن : بموت و لا اشتاق لها ههههههه .

مشعل : احلا طبخه و الله .
صهيب : اي ما كنت ادري اننا بنطبخ ارنب .
عبد العزيز : متى يجهز الغذاء بموووت من الجوع .
مشعل : شوي و يجهز .
صهيب : مين عزم ذول ؟
عبد العزيز : شافوني و انا ارمي الاشياء اللي ما نبيها بالزبالة و جبتهم معي عشان لا يعلمون احد .
متعب : احسن شيء احد يعزمك و انت تحتاج لهذي العزيمة .
مطلق : وش طعمه لحم الارنب ؟
مشعل : بيخليك تأكل أصابعك عقبه .
مطلق بإستغراب : آكل أصابعي ؟ .
متعب : بطني العزيز لا يستطيع التحمل اكثر .
صهيب : قصدك كرشتك .
مشعل : كرشتك صاحت بوقتها يلا اغسلوا يديكم و تعالوا .
بعد نص ساعة ....
مشعل : غصب تأكلوه كله .
متعب : خلاص ما اقدر .
مطلق : ليش أنا و جاسم بس .
صهيب : عشانكم جيتوا بالغصب الحين خلوا فضولكم يشفع لكم .
عبد العزيز : جد انتم وش كنتوا تسوون عند الزبالة .
متعب : عاد هذا مالك صلاح فيه .
مطلق : زي ما قال جاسم .
متعب : ماني جاسم أنا متعب كم مره تبيني افهمك .
مطلق هز كتوفه بمدري .
مشعل : يلا ابلعوا كل اللي في الصحن مانبي اي بقايا تزيد .
صهيب : بروح أنام .
مشعل : و انا معك ، عبد العزيز اجلس راقبهم .
عبد العزيز و هو فيه النوم : اي اي .
ماهي إلا دقايق و الكل منخمد .
متعب : الحين وش نسوي بالصحن و اللي فيه .
مطلق : معاي فكرة .

لطيفة : وجع احد يفتح الباب .
شادن راحت تفتح و مالقت احد عصبت و بعدها ناظرت لتحت و شافت كرتون و اخذته لداخل عند البنات .
هيله : وش ذا افتحيه .
صبحيه : لا بنات يمكن شيء خطير .
صيته : اعتقد انه لازم نوريه اهل البيت يمكن يكون حق واحد منهم .
لطيفة : خليتس من الخرابيط ذي و يلا نفتحه .
فتحوا الكرتون و استغربوا من اللي فيه .

صحت من النوم و نفسيتها زفت معاد تبي تتمشى معاه مره ثانيه خلاص تعبت من ضربه لها ماعد تقدر تتحمله اكثر ...
سوت العشاء و انحاشت من سمعته رجع للبيت هي ما تبي تشوفه أو تلمحه ابد .
دخل المطبخ و مالقاها عصب و راح يدورها و جرجرها غصب عشان تأكل معاه .
جلست مقابلته و هي تناظر لتحت و تأكل بصمت و هي نفسيتها منسدة من جاء .
آسر : إسمعي يا مره بكرة ارجع من الشغل اشوفتس جاهزة عشان بنزور الاهل و نعيش هناك بالديره لأن بيتنا جاهز و بما ان شهر العسل خلص فهمتي .
نجلاء حركت رأسها بطيب و راحت تغسل يديها و دخلت الغرفة و جهزت شنطتها هي و آسر و رجعت تغسل المواعين .

فتحوا الكرتون لقوا صحن فيه رز و لحم استغربوا و ناظروا لصيته .
صيته اكلت شوي و قالت : واو الطعم روعه احسن من غذاء العزيمه .
شادن : تهقون مين جابها لنا و لمين مننا .
هيله : مدري خل آكل و احكم على الطعم .
جلسوا يأكلون ألين شبعوا و حطوا الصحن داخل الكرتون و رجعوه مكانه و هم ناويين يراقبوا مين يأخذه .
زينه : غريبة احس ان اللحم غير عن كل مره .
صيته : اي لان ذا لحم ارنب حتى انا استغربت من وين جاء .
زينه فتحت عيونها لآخر درجه و صرخت : ارنبيييييييي .
جميلة : مو بعتي ارنبك ؟
زينه : مدري بتصل على زين و احاكيه .
شادن : وع لحم ارنب .
هيله اقشعر جسمها و هي تقول : ليه ما قلتوا لي .
لطيفة : احسن خل يستاهل ذا الارنب .
صبحيه : زمان من اكلت لحم ارنب .
جميلة : جد قرف الحمد لله اني أكلت لقمة بس .
شادن شهقت : و لعنة نسينا سالفة الصحن .
كل البنات ركضوا و فتحوا الباب و لقوا الصحن مختفي كل وحده طلعت صوت من القهر .
زينه رجعت و هي تقول : فلوسي راحت هبائا منثورا .
هيله : وش صار علمينا علمينا .
زينه علمتهم السالفة و نطت هيله و هي تقول : زيي ذيك المره لما متعب اعطاني ألف جاوا نفس العيال و أخذوها مني .
شادن : اخخ شفتي كيف كان اعطيتيني شوي منها .

صحوا من النوم و لقوا الصحن فاضي ضحكوا و راحوا يصلوا العصر .

بعد ست ايام من التمشي و شراء هدايا و ملابس الخ ....
ركبوا طائرات للسعودية ...

يوم السبت ليلة رمضان كانوا كلهم متجمعين ببيت أكبرهم اللي هو محمد و جات نجلاء و آسر يعني العزيمة كانت عشانهم و عشان رمضان .
كان الكل مبسوط و الرجال مسويين جلسة و الحريم بجلسة و العيال يلعبون بالحوش و البنات يناظروهم و كل وحده تشجع أخوها الهطف .
طبعا محد درى بسالفة لطيفة و تستروا عليها .
مطلق جالس متربع على الأرض و هو يقول : طفش .
متعب و هو جالس عنده : ايوا طفش .
فهد : ايوا مو كل مره نلعب كوره ياخي طفشنا منها .
مشعل : اجل طسوا ما عندنا غيرها .
عبد العزيز : تعالوا نشب نار و نلعب اونو .
نجلاء : اي حماس .
زينه : اي شيء يأخذ الطفش .
جميله : اي عادي يلا شبوها و نحن البنات بنروح ندور على الاونو و بعض الفعاليات الأخرى .
شادن : انتن روحن وحدكن أنا مالي خلق .
هيله : أنا أعرف مكان الاونو .
متعب : و كيف تعرفينه مو هذا بيت هذي الغبية اللي مالها خلق ؟
شادن و هي حاطة يدها على خدها بملل رفعت اليد الثانية و صارت تأشر بها و هي تناظره و تقول : هيه انت يابو كرشه تراني سمعتك .
متعب : مين ابو كرشه هاه ؟؟ تراني اسوي رياضة كل صباح .
هيله : شطور وليدي .
جميلة : يلا كل وحده تدلف تدور على اي شيء .
و راحوا جميلة و زينه و هيله و صيته و قعدوا البقية عند العيال .
عبد العزيز و صهيب و مشعل شبوا النار و هم يتذكرون سالفة الارنب و يضحكون و يتمنون انها تشتري غيره .
ماهي إلا دقايق و يرجعون و بدأوا ليلة من الالعاب الامتناهيه و هم ناويين يلعبوا ألين الصباح دامه رمضان و اول يوم يكون سهره .

------------------------------------------------------------