# وطحت بحبك يا ام العيون السود ..!!!

البا( 29 )رت

طبعاً محمد وافق على مطلق و خطبه لبنته و حددوا الملكه بعد ايام .

في المجلس ...
عبد العزيز : ابغى اقول شيء .
محمد و حلقه انشق من البسمة : قول يا وليدي .
عبد العزيز بتوتر : خلاص بطلت معاد اسافر .
الشياب فتحوا عيونهم لآخر درجه من زود الصدمه و هجموا عليه قايلين بعصبيه : لييييش !!!
عبد العزيز بغى يتكلم بس قاطعه مبارك و هو يقول : وش اللي مابسافر مجنون انت ترا غصبا عن خشمك .
عبد العزيز استغرب و قال : ليه انتي تبوني اسافر لذي الدرجه يعني وش بتستفيدون ؟
الشياب توتروا و كل واحد ناظر للثاني و بعدها تدارك الوضع عبد التواب و قال : يا وليدي وش اللي خلاك تغير رأيك من كنت صاجنا ابي اسافر ابي اسافر؟
محمد : يا ولد روح سافر و تعلم و حصل لك شغل وش تبي بالقعده هنا .
عبد العزيز : لو سافرت برجع شايب و انا ابي اتزوج .
فطسوا الشياب من الضحك .
محمد : استغفر الله هههههههههه يالبقرّه .
عبد التواب : كل تبن و سافر ترا نحن رجال و لو شيبنا ما يأثر علينا بعدنا نقدر نجيب عيال .
مبارك : صح كلام عبد التواب و لو ترجع تزوج لك وحده صغيره و خلصت السالفة .
سالم : ايه سافر و توكل ترا الزواج ما بيطير .
عبد العزيز : بس البنت اللي ابيها بتطير .
محمد : بنت وش استغفر الله خلها تولي و تزوج غيرها .
عبد العزيز : أنا ما ابي غيرها .
سالم بهمس : خل نطقطق عليه شوي .
عبد التواب : و من هذه الفتاة التي لا تستطيع الزواج من غيرها ؟
عبد العزيز بفهاوه : بنت عمي محمد .
محمد شرق و هو يشرب القهوة و فز عبد العزيز و صار يضرب ظهره بقوه .
محمد دفه و قال : ابد يا بقرّه ، ظهري انكسر فوق ما هو مكسْوَر الله يأخذك يالبقرّه .
فطس الشياب ضحك بدون محمد طبعا لانه كان جالس يسب عبد العزيز .
سالم : يا بقرّه ذا بناته و خطبنا شادن لمطلق ما بقى احد .
مبارك : ايه توكل و تزوج بعد ما ترجع من السفر .
عبد العزيز : لا باقي لطيفة !!!
الشياب ناظروا لمحمد و محمد ناظر لهم بعدها ناظروا كلهم لعبد العزيز و انفجروا ضحك .
سالم و هو يضحك : وراه قال لطيفة ؟؟؟
عبد التواب و هو زيه يضحك : لا ماظنتي الظاهر إنا نتخيل .
عبد العزيز و تلفت أعصابه من استهبال الشياب : اي قلت لطيفة ما تسمعون يعني ؟؟
محمد : لطيفة وش الله يهديك ذي تموت و لا تتزوجك صاجتني من تنقبت و هي إلا تبي حضري .
عبد العزيز : هي تبيني لا تخاف .
مبارك : جد؟
سالم : شكله مات يهودي .
مبارك : ايه اكيد ههههههههههههه .
محمد قلب جدّي اخيراً و قال : وراء ما تذلف يالبقرّه .
عبد العزيز تكتف و قال : طيب بذلف بس ما بسافر إلا بشرط .
سالم بسخرية : وش هو الشرط يالبقرّه الحالمه .
عبد العزيز : إنك يا محمد ما تزوج لطيفة لأحد غيري و لو ارجع تزوجها لي .
محمد و هو يعرف أن لطيفة بترفض عبد العزيز : و الله ان الشور شور البنت انا مالي اي صلاح .
عبد العزيز : اجل أسألها قبل لا اسافر .
الشياب فطسوا ضحك و محمد قال بإستهبال : مستعجل هاه ؟ اصبر اصبر يا وليدي .
و قام محمد و طل من باب المجلس و شاف مطلق و متعب يلعبون مع البزران أو بالأصح يتنمروا و يطقطقوا عليهم .
محمد : يا متعب اوووه يا متعب .
متعب لف على محمد بعدها لف لمطلق و ناظره بإشمئزاز .
مطلق : وش يبي ذا الشايب الحين ؟
متعب : و الله مدري بروح اشوفه و انت امسك البزارين لا يشرذوا .
مطلق : لا تخاف اذلف بس .