# وطحت بحبك يا ام العيون السود ..!!!

البا( 9 )رت

بعد يومين ...
حامد : ايش بتس اليوم ما قلتي نقص السعر و لا جلستي بالكراسي .
حمد : ايه و ليه جايه وحدتس كنت اتوقع ان هيله و مزنه معتس .
شادن : تكفون لا تقلبون المواجع ما بي احد يطريهم .
حامد : طيب طيب .
حمد حط طلبها على الطاولة و كانت بتطلع الفلوس بس وقفها حمد و هو يقول : لا اليوم خذيه كله مجاني.
شادن ابتسمت بحزن و قالت : شكرا .
و خرجت من الدكان و ابتسمت بخبث و نصر و هي تقول بنفسها : اجل دايم بكون حزينه عشان آخذه بالمجان .
.... بعد ماراحت ...
حامد : اظن ان ذي وحده ثانيه .
حمد : اي شكله مات يهودي كيف شادن تقول شكرا .
حامد : عاد مدري يمكن صار شيء لأهلها .
حمد : ناس يوميا عندهم مشاكل .
حامد : خل اليوم اخذ الأخبار من ضاري و اشوف ايش جاهم .
حمد : اي في صلاة المغرب دايم يقعد جنبنا .

هيله : اقول متعب طفشت .
متعب : وش اسوي لتس .
هيله : امممم خل نخرج من هنا و نرجع للبيت .
متعب : تراها يومين و الدكتور قايل اسبوعين .
هيله : انت ساكت ما تسولف .
متعب : وش اقول .
هيله : اي شيء .

مشعل : هيييييه اشوف في جن قاعدين عند شبك الغنم .
شادن : مشعل و الله ترا مالي خلق اتهاوش معك .
مشعل : و انا بعد ، انقلعي دوري لتس مكان ثاني انشري فيه كئابتتس .
شادن قامت و نفضت نفسها و راحت .

جالس عند غرفتها ينتظر يدخل ..
جاء من خلفه و قال : هلا مطلق .
مطلق ناظره و سلم عليه و قال : وش تسوي هنا .
سلطان : جاي اشوف مزنه .
مطلق : انا ابغى اعرف وش يهمك بمزنه ليه كل يوم جاي تزورها ؟
سلطان ناظر لباب غرفتها و قال : شيء انت ما تفهمه .
مطلق : قول أنا افهم كل شيء .
سلطان : تفهم شعور انك تتعلق بشخص و هالشخص بعيد عنك ؟
مطلق : انت تحبها ؟! ياويلي ايش حصل لك من متى و عندك هالمشاعر .
سلطان صد بقرف و أعطاه ظهره و راح ...
مطلق هز كتوفه و دخل لعندها بالغرفة ...
مطلق : مزنه جيييتتس .
مزنه صدت عنه و سكتت .
مطلق : شوفي جبت لتس كل شيء تحبينه .
مزنه ما تحركت و لا تكلمت .
مطلق : شادن و هيله يسلمو عليتس .
مزنه : وينهم الحين ؟
مطلق : هيله هنا بالمستشفى عند متعب و شادن مدري عنها .
مزنه : متى بخرج .
مطلق : اممم مدري انتي بس خلي عندتس أمل بالله .
مزنه ضحكت .
مطلق : اي ضحكتي لانها كلمات سلطان .
مزنه : وش دخلك .
مطلق : جد جد وش بينتس انتي و سلطان ؟
مزنه : بيننا؟؟؟ ما بيننا شيء .
مطلق : مو علي تكذبين قولي اللي بينكم يمكن اساعدكم .
مزنه : مدري عنه بس انا احس اني مدري كيف اقولها بس يعني اااا .
مطلق : تحبينه ؟؟!
مزنه : اي !!! يمكن .
مطلق : هو بعد الواضح أنه يحبتس .
مزنه : جد !!! .
مطلق : اي كل يوم يجي يزورتس بالله يعني دامه يزورتس فأكيد يهتم لتس .
مزنه : يزورني ؟! ماقد زارني ابد .
مطلق ضحك و قال : المهم اعرفتس كاذبه .
مزنه فطست ضحك و قالت : كيف ما صدقتني .
مطلق : سر المهنه المهم ما ينفع يظل كذا لازم اسوي شيء .
مزنه : سوي اللي تبيه فأنا اعرف اني بموت قريب يعني ما يهم اللي تسويه اصلا .
مطلق عصب  قال : لا تقولي كذا و لا ترا اعطيتس كف يرجعلتس عقلتس .
مزنه سكتت و ناظرت الأرض .
خرج مطلق و هو مهموم و مشى لسيارته و حرك للبيت و بنص الطريق كان يفكر بأخته و بسلطان فجأة ظهرت في عقله صورتها تنهد بضيق و تذكر اللي صار معهم قبل لا يجي يزور اخته ...