# وطحت بحبك يا ام العيون السود ..!!!

البا( 5 )رت

في المطبخ ...
جلسوا البنات عند هيله و الحريم راحوا يشوفوا الأوضاع عند الرجال ...
لطيفه بإستغراب : انتي ليه تبكين كذا ترا السالفة عاديه و انا ما اعرفتس كذا ام دميعه .
هيله و هي تمسح دموعها : مو هذا السبب أنا أبكي على حظي الزفت بالله عليكم متعب ؟؟!! الدلوع الكريه حبيب اخته و امه بيحسبون ان بيننا شيء و انا ما اعرفه حتى يييععع .
شادن : جد يييييععع متعب احسه اممم مدري كيف اوصفه .
نجلاء : خليتس من كل ذا ليه انتي بالأساس رحتي معه هل جد جرجرتس؟
هيله : لا يخسى ذا الهطف يجرجرني انا رحت معه برضاي .
لطيفه : قولي السبب ترا محد هنا غيري أنا و شادن و نجلاء اما البقيه الفضول قتلهم و راحوا مع الحريم الفضوليات .
هيله : رحت عشان زينه .
شادن : زينه ؟؟ وش مدخل جدها .
نجلاء حطت يدها على فمها و شهقت : ليكون هي تحب متعب و لما سمعت مني الخبر راحت معصبه .
لطيفه : لا خيال زايد اتوقع انها تبي تكفخ له لانه كسر علبة مكياجها الجديد .
الكل لف عليها بقوة ....
هيله : وش ؟؟ كسر مكياجها !!!
لطيفه : اي لما أحلام جات و خرجت من سيارة زوجها متعب كان جالس قدامهم من الفضاوه المهم ان زوج أحلام قال له ساعدني و شيل هذي الاغراض و متعب وقف و حمل المكياج و سقط من يدينه الضعيفات بعدها ناظر لعلبة المكياج اللي في الأرض و كأنه يقول خاربه خاربه و صار ينطنط ( يناقز ) فوقه ألين فتته قطعه قطعه .
شادن : الحمد لله انه ماشال فستاني .
هيله : لا لا انتوا رحتوا بعيد .
نجلاء : خليتس منهم و قولي ايش صار .
هيله : زينه تحب بدر .
الكل شهق بس نجلاء سكرت فم شادن و لطيفه اللي لازم على كل شيء يعلقوا .
هيله : و زينه اكتئبت من عرفت ان بدر يحب غاده و انه كل ذا الوقت يكذب عليها و يعطيها و عود كاذبه فأنا لما شفت متعب جالس جنب الباب رحت اكلمه بس خفت يشوفني احد من اخواني عشان كذا قلت له تعال وراء البيت المهجور و هو وافق و مشى معي بعدين عصب من اسئلتي و كيف اني قلت له ان اختك سرقت شيء غالي من اختي و قال اختي مو سارقه و لصق فيني يبي يخنقني أو مدري وش المهم ان نيته يكفخلي بس بعدها جاو العيال و صار اللي صار .
شادن بعدت يد نجلاء و قالت : و زينه طلعت تحب الرخمه بدر .
نجلاء : هيه هيه تراه اخوي .
لطيفه : اخوتس منافق كذاب و بعدتس تفتخرين به .
نجلاء بلعت ريقها و سكتت .
هيله : بس اوعدوني أنكم ما تقولوا لأحد أو تعرف زينه اني قلت لكم بسالفتها .
الكل : وعد وعد .
شادن : يعني انتي بكيتي من ظنونهم ان لتس علاقه بمتعب .
هيله : اي .
شادن : يعني ما بكيتي من الكفوف ؟
هيله : لا كل يوم و انا اسوي مصارعه مع اخوي زين .
شادن : اهااا احسبتس صايره ناعمه .
هيله : عن الخطأ .

في وقت سابق عند زينه ...
زينه كانت تدور عليها و لقتها جالسه في الصاله وحدها و تناظر لجوالها ابتسمت و راحت تجلس عندها .
غاده رفعت رأسها و ابتسمت : هلا ؟ زينه صح ؟؟
زينه : اي و انتي غاده بنت عمتي .
غاده : اي كيفك اخبارك .
زينه : فوق النخل .
غاده هزت كتوفها و ناظرت لجوالها .
زينه : بغيت اسالتس .
غاده : هاه ؟
زينه : ابغى اسألك .
غاده ابتسمت : تفضلي .
زينه : تعرفين واحد اسمه بدر ؟
غاده ابتسمت بإرتباك : اي ؟ طيب ليه السؤال .
زينه بحده : هل تربطك اي علاقه به ؟
غاده بإستغراب : اي حبيبي قريب جاي يخطبني تعرفيه انتي ؟
زينه قلب وجهها و راحت بدون ما ترد عليها .
غاده رفعت صوتها عشان زينه تسمعها : لا تخافي اوعدك اني راح اعزمك على ملكتي .
زينه كشت عليه بدون ما تلتفت .
غاده هزت كتوفها بمدري و رجعت تناظر لجوالها .