# وطحت بحبك يا ام العيون السود ..!!!

البا( 14 )رت

اليوم المنشود انه يوم زواج اسوء ثنائي
           نجلاء & آسر    --------------------------------

زينه : ااااااح ظهري انكسر .
جميله : توك بالاولى .
زينه : اي الاولى هي العروس و حقها كثير .
جميله : أنا خلصت من لطيفه و الحين امكيج صبحيه أما صيته قالت إنها ماتبي مكياج كالعاده بس حطت حكل و حطيت لها روج بالغصب و شادن حطت روج و مسكره و ايلاينر بس .
زينه : و هيله ؟
جميله : الحين بيجي دورها .
زينه : الفكه اليوم مالي غير نجلاء امكيجها .

عند الحريم ...
صوت الطقاقه مالي المكان و الحريم نصهم يرقصون و الجو حماس و وناسه و نزلوا البنات و كملوا رقص .
هيله و هي تسحبها : شادن قومي ارقصي ما ابي ارقص وحدي زي الجنيه .
شادن : لا تكفين ما احب و لا أعرف ارقص و وين البنات عنتس ؟
هيله : جميله مدري عنها و زينه عند العروس و صيته ترقص بدوي كأنها عجوز و صبحيه معها .
شادن : خذيلتس شوق .
هيله : لا لا هذي اكرهها .
شادن : اي صح وين لطيفه .
هيله : لطيفه رقصت و راحت تريح .
شادن : اجل لا ترقصين و فكي جدي .
هيله : اوفف خويات آخر زمن .
شادن : اي توتس تدرين ؟
هيله جلست و هي معصبه .
شادن : احلاموو وين دحومي حبيبي .
أحلام : عاد مدري عنه ذا القرد روحي دوريه .
شادن قامت و راحت المطبخ و جلست تناظر من الباب .
شافت صهيب و مشعل و فهد يضحكون و متعب و مطلق يناظرون .
مشعل : طراطيع تطرطع بوجهك يا متعب .
متعب : شدخلني طيب .
صهيب : انقلع انت و مطلق نحن ما نبي احد يشوفنا و نحن نطرطع لانها تعتبر سرقة .
مطلق : سرقة وش يا ولد .
فهد : انت بالذات اسكت يا مريض .
مطلق صد بلامبالاة و سحب متعب معه و راحوا .

شادن تنادي من وراء الباب : يا فهيد ياااا فهيد .
فهد زفر بعصبية و قال : وش تبي ذي .
مشعل : انقلع شوف ايش تبي .

فهد دخل للمطبخ و قال : هاه ايش تبين ؟ ماتبين شيء !!! خلاص بروح سلام .
شادن سحبته قبل لا يخرج و قالت : اصبر دقيقة .
فهد : يلا خلصيني .
شادن : شفت عبد الرحمن ؟
فهد : و من ذا ؟
شادن : ابن أحلام .
فهد : اي شفته كان هنا قبل قليل ، وش تبين منه انتي ؟
شادن : ابغى العب معه بس .
فهد : ادخلي و انتي ساكته وش اللي العب معه لاحول...
و سكر الباب في وجهها و راح يلعب مع اخوياه .
شادن بهمس : غريبة محد عبد العزيز معهم ، لحظة وين لطيفة ذي ؟
و راحت تدورها بالبيت .

لطيفة : يا ولد اخلص علي و قول وش عندك اليوم .
عبد العزيز : بس حاب اشوفتس .
لطيفة : حبتك جرادة .
عبد العزيز : بتغيرين قرارتس و لا بعدتس معانده القدر .
لطيفة : قدر وش انت و كشتك ذي أنا ما افكر و لا انوي و لا جاء عبالي اني اغير قراري .
عبد العزيز : تكفين لطيفة أنا احبتس و اعشقتس و ابيتس على سنة الله و رسوله .
لطيفة : طيب انا اكرهك و لا أفكر فيك و لا تهمني مشاعرك هذي و الأهم من ذا ما ابيك لا زوج و لا حبيب .
عبد العزيز نزل رأسه بحزن .
لطيفة جلست قدامه و رفعت رأسه بيدينها و هي تقول : يا ولد افهم الله مو كاتب لنا نحب أو نعيش مع بعض هذا هو قدر الله و النصيب محد يقدر يغيره أنا مو لك و انت مو لي ما ابيك تضيع حياتك و انت تترجاني احبك .
عبد العزيز جلس يناظرها بحب و قال : قلتيها انتي احبك.
لطيفة : لا وش تخربط انت .
عبد العزيز : آخر كلمه قلتيها هي احبك ما تمشي علي هالحركات .
لطيفة ضربت جبهتها بقهر من غباء عبد العزيز و قالت : ياخي متى تعرف انك بقره ما تفهم .
عبد العزيز : اذا تزوجنا .
لطيفه حركت رأسها بعدم رضى تام و وقفت و وقف عبد العزيز معها .
مسك يدها و قال : ابغاتس تعرفي اني بظل احبتس لو كثر رفضتس لي بحاول ألين توافقي .
لطيفة بقرف سحبت يدها منه و طلعت منديل و جلست تمسحها و تفركها و هي تقول : وع كم مره قلت لك لا تلمسني ااعع كمية من القذارة لو اني لامسه زبالة ابرك لي من لمست يدك لي و احلم اني أوافق .
صدت بقرف و دخلت للداخل .
عبد العزيز جلس يتأملها و هي يبتسم لين ما اختفت عن ناظريه صد و مشى عند العيال .