# وطحت بحبك يا ام العيون السود ..!!!

البا( 6 )رت

بعد اسبوع حددوا ملكت الهيله و متعب اللي كان جالس داخل الملحق طوال الاسبوع  مو راضي يخرج بس يأكل و يجلس لحاله .

هيله و هي جالسه على الكرسي : الحين انتوا من بيضه وحده و لا شنو ؟
حامد : عسانا من دجاجة وحده انتي شعليتس .
هيله : ما اعرف افرق بينكم .
حمد : مو لازم تفرفي .
شادن : و الله جد جيبوا حل لهذي المشكله مثلا واحد يقص شعره و الثاني يخليه .
حامد و هو يرجع شعره لوراء : شعري كذا عاجبني .
حمد : و لا انا ابي أقص شعري .
حامد : اي شعورنا حلوه .
مزنه : و الله من بول النياق اللي اشتريتوه مني .
شادن و هيله لفوا على مزنه بصدمه .
هيله : بالله سويتيها ؟؟
مزنه حطت رجل على رجل و قالت بفخر : اي و انشرت كل العلب .
شادن : هههههههههههههه و من اشتراها .
مزنه : ما بتصدقون عيال الديره اشتروها و هذول الاثنين منهم .
و هي تناظر لحمد و حامد .
شادن و هيله فطسوا ضحك و هم يناظرون لشعور حمد و حامد .
حمد : ترا لولا فلوس سلطان اللي اعطانا اياها كان ماشترينا و لا حتى ناظرنا لعلبتس الخايسه .
مزنه : ما يهم المهم اني ربحت فلوس .
هيله : الله يعني بتشترينه؟؟؟؟
مزنه بفرح و حماس : اي بشتريه قريب باقي بس عشرين ريال .
شادن : خليها علي .
هيله : ترا كلنا مشتركين فيه يعني انا دفعت 50 ريال و شادن دفعت 50 ريال و انتي دفعتي 100 ريال .
مزنه : بس ترا لو انتوا تزوجتوا أنا باخذه و بيقعد عندي في بيتنا مو في بيتكم .
شادن : طيب طيب اتفقنا و العشرين مو علي وحدي أنا بس علي عشره و هيله عليها العشره الثانيه .
هيله : اتفقنا .
حامد و هو حاط يده على خده بملل : يعني مو ناويين تشتروا ؟
مزنه : إلا هات ثلاث اكياس فصفص و ثلاث عصاير بالثمن المعتاد .
حمد : و الله شحاته و تتشرط .
حامد حط الاكياس و العصاير على طاولته و قال : هاتوا الفلوس .
شادن : خذ و انقلع و ان شاء الله اشوفك بعرس نجلاء و انت قاص شعرك .
حامد : تخسين مو أنا اللي اقص شعري عشانكم .
حمد : عن نفسي كنت بفكر بس دامه عشانكم فما بقصه و انتوا اللي انقلعوا ذا دكاننا .
مزنه : بنات امشوا امشوا قبل لا انط عليه .

في حوش بيت محمد ...
هيله : وع ما احب هذا العصير أنا ليه ما نتبادل .
شادن : لا شكرا أنا أكره هذا النوع .
مزنه : و انا احبه بس ترا خلص عصيري ما بتلقين شيء تبادليه معي .
هيله : شكلي برميه .
شادن : اعطيه متعب .
هيله : متعب ؟
شادن : اي تلقينه بالملحق .
هيله : متأكده انه يحبه ؟
شادن : اي متأكده .

كان باب الملحق مفتوح دخلت بدون ما تستأذن و لقته نايم و متلحف و معطيها ظهره .
هيله حركته برجلها : هييه متعب .
متعب لف عليها بقوة و جلس و ناظرها واقفه قدامه نزل رأسه و ناظر للأرض .
هيله تأففت منه و جلست قدامه و رفعت رأسه بيدها و يدها الثانيه رفعت بها علبة العصير و قالت : خذ هذا العصير مني هديه .
متعب صد بعيونه للجهه الثانيه و قال : ليه .
هيله : تبي الحقيقة ما احب هذا النوع و كنت برميه بالزبالة أو بسكبه بزرع صهيب بس شادن قالت ان متعب يحب ذا النوع و جيت اعطيك اياه .
متعب ناظر ليدها و اخذ العلبه منها و شرب منه شوي تغيرت ملامح وجهه و كأنه متقرف و ما يبيه .
هيله كانت تضحك و هي تشوف ملامح وجهه كيف قلبت من شرب من العصير .
متعب اخيرا ناظر لها و لعيونها و ابتسم و شرب العصير كامل عشانها و هو يسوي حركات بوجهه عشان ما تنمحي ضحكتها اللي عشقها من هذي اللحظه .
خلص من العصير و أعطى العلبة الفارغه لهيله و قال و هو صاد بعيونه : ارميها عني .
هيله : ليه انت حابس نفسك هنا ؟
متعب : بس مللت من الحياة .
هيله : تراهم حددوا موعد ملكتنا الخايسه .
متعب : ادري بكرة .
هيله ابتسمت : زين احسبك عايش بكهف حتى الأخبار ما تجيك .
متعب ما رد عليها و انسدح و تلحف و اعطاها ظهره .
هيله قامت و خرجت من الملحق و رمت العلبة بالزباله و ناظرت الملحق اللي كان خلفها و ابتسمت و رجعت لعند البنات .
مزنه : هيه هيله ترا قررنا بعد بكرة تجين و فلوستس بيدتس و ما بغيت اي اعتراض .
هيله : طيب بس شادن زيي صح ؟
شادن : اي عادي أنا الفلوس تقطر مني زي ما قال فهيد حبيبي .
مزنه : طيب انا رايحه أعلم الشايب .
شادن : اشوفتس بالملكه .
هيله : و انا بعد بروح أختار لي فستان يناسب ملكتي.
شادن : اشوفتس مبسوطه .
هيله : اقنع نفسي انه القدر و ما بيتغير لو شو سويت .
شادن هزت كتوفها بمدري و راحت مع هيله ألين خرجت من باب الحوش و كانت بتسكر بس شافت صالح يناظرها من بيته و يبتسم و يأشر لها ب هلا .
ابتسمت من وراء نقابها و أشرت له بأنقلع طاحت عيونها ببيت الشايب مفلح و سكرت الباب و تنهدت بحب و راحت تصلي المغرب من سمعته يأذن .