# وطحت بحبك يا ام العيون السود ..!!!

البا( 7 )رت

سلطان ضحك و راح عند الرجال و أعطاهم الكتاب و جلس جنب متعب و قال له : تبي تشوفها .
متعب : لا عادي .
سلطان : و غصب عن خشمك مابي واحد يتزوج اختي قبل ما يشوفها يمكن بعدين يشتكي و يقول ما ابيها .
متعب : لا ما بشتكي .
سلطان : إلا بتشتكي شوف لو سألك ابوي اذا تبي تشوفها قول ايوا و لو رفضت بتكون نهايتك على يدي ما امزح ترا .
متعب مسك رأسه بتعب و قال : طيب طيب .
سالم و هو مبسوط : هاه يا متعب تبي تشوفها ؟
متعب : اااا ايوا ايوا .
سالم : سلطان روح قول لها .
سلطان : طيب .
و راح نادى هيله ...

هيله اول ما دخلت عن الحريم و البنات الكل صار يزغرط و يصفق و هيله تناظرهم و تبتسم بحياء .
شادن : مين قدتس اعرستي قبلنا .
نجلاء : احم احم شكلتس ناسيه اني اعرست قبلها .
شادن : انتي اكبر مننا أنا و هيله و مزنه بعمر واحد و هيله اول وحده تعرس مننا .
لطيفه و هي تطبطب على ظهر نجلاء و تقول : ما عليتس على الاقل اعرستي قبلي و انا بنفس عمرتس .
فجأة سلطان نادى هيله .
هيله زفرت بتعب : اوووف وش يبي ذا بعد .
لطيفه و هي تغمز لها : يبي شوفه شرعيه الاخ .
هيله : و الله ؟؟ شحات و يتشرط .
شادن دفتها : انقلعي بس الولد يبي يشوفتس .

هيله : هلا سلطان وش تبي .
سلطان : متعب يبي شوفه شرعيه .
هيله : مثل ما كنت اتوقع .
سلطان : ادخلي لذيك الغرفة تلقينه داخلها .
هيله زفرت بتعب : اوووف طيب .
راح سلطان و هيله تقدمت للغرفة كانت بتدخل بس شافت منظره جلست تناظر لنفسها و تعدل شعرها و فستانها و بعدها اخيرا دخلت .
شافت متعب جالس و رافع رأسه و يناظر للسقف بملل ابتسمت و جلست جنبه و حطت يدها فوق يده و قالت : كيفك يا ابني .
متعب و هو يناظر السقف بملل : بخير دامك بخير .
هيله : لا تقول دامك بالكاف احسني ولد ، قول دامتس.
متعب : بخير دامتس بخير .
هيله : اهاا و الله مشكله اذا كنت تبي شوفه شرعيه و انت طول الوقت تناظر السقف اعرف اني طويله بس مو لهذي الدرجه  .
متعب : آسف اذا ازعجتك بس سلطان اجبرني .
هيله بشر : اهااا اجل سلطان .
متعب سحب يده من تحت يدها ، و حطها فوق يدها و شد على يدها و هو يقول : آسف على كل شيء انتي بسببي عانيتي و غصبتي انك تتزو...
هيله قاطعته و هي تقول : بالأول انغصبت بس انا الحين راضيه .
متعب من الصدمه نزل رأسه و قال : جد ؟
هيله : اي جد .
متعب غمض عيونه براحه و قال : شكرا .
ووقف و راح ...
هيله تنهدت بتعب و هي تشوف حاله من ذاك اليوم كيف متغيره .
و قامت و خرجت من بعده .
و رقت عند البنات ...
نجلاء : اللي اعرفه أنا هو ان الحرمه هي اللي تخرج قبل الرجل مو العكس .
شادن : و هنا استفدنا و عرفنا أن هيله هي الرجل و متعب هو الحرمه .
هيله اعطتها كف و قالت : ابلعي لسانتس نفسيتي ما تساعد امزح معاكم .
و رمت نفسها على فراش شادن وهي تقول : الله يعين.
صيته جلست جنبها و قالت : ايش صار ؟
هيله : ما صار شيء بس ارهقني التفكير بحال متعب .
لطيفه : الله يعينتس عليه مع انه ولد مدن بس ما أتمنى واحد زيه خواف و نفسيه و طول الوقت رافع رأسه و لا يتكلم كثير و مكتئب و مو اجتماعي و متكبر و كثير صفات سلبية بعدني ما ذكرتها .
هيله : لا تغلطين عليه تراه زوجي .
لطيفه : اقول الحقيقة بس .
هيله صدت و هي تفكر كيف بتعيش مع واحد زيه طول عمرها لازم تلاقي حل بأقرب وقت .