# وطحت بحبك يا ام العيون السود ..!!!

البا( 4 )رت

حصة : يلا اخلصوا ترا اروح و اترككم .
سلطان : يمه بنروح أنا و انتي اما زين يقعد مع اخواته.
حصة : زين بالله هيله ارجل منه خلنا نروح و نتركها هي و اختها زينه .
سلطان : يلا اجل .
بعد ما خرجوا من البيت ...
زين : يا هيله وين سلطان ؟
هيله فطست ضحك و قالت : راح هو و امي و تركني ارعاك .
زين : و على زق انتي و ياه المهم وين زينه .
هيله : في غرفتها .
زين : زين .
هيله : اشبمك قاعد تنادي نفسك .
زين : هيله لو ما سكتتي بيجيتس شيء ما يعجبتس .
هيله : اقول ادلف بس و ناديها تأخرت علي .
زين يطرق باب غرفة زينه ...
زينه : زين ادخل .
زين بعد ما دخل : يمه زينه كيف عرفتي اني اللي يطرق ؟
زينه و هي تعدل مكياجها : محد يطرق بذي النعومه غيرك .
زين كشر و قال : اقول وين المشط ؟
زينه : تلقاه على التسريحه .
زين اخذه و ناظر لنفسه بالمنظره و أرسل بوسه و صار يمشط شعره و هو كل ثانيه يرسل بوسه .
زينه : الله يعين اللي بتتزوجك .
زين : ايوا الله يعينها من جمالي الآخاد .
زينه : المهم يلا اطلع بقفل غرفتي .

هيله : و اخيرا شرفتوا يلا على بيت عمي محمد .
و نزلوا و سكروا باب البيت و اخذت هيله القفل و حطته في شنطتها و مشوا متجهين لبيت محمد اللي في آخر الديره .

هيا : ما شاء الله عليتس الله يحفظتس يا بنيتي قمر .
نجلاء ابتسمت بكلافة و قالت : طالعه عليتس .
شوق : يمه و انا ايش ؟
هيا : وش دخلتس انتي هذي العروس قاعده امدحها و انتي تشطري و صيري في مكانها قريب .
شوق كشرت بس ابتسمت لما شافت حماس امها و جميله و صارت ترقص معهم و تهز .
بدر : وي وي وي بدري على الرقص ترا العزيمه في بيت محمد مو هنا .
هيا : و انت الصادز يلا نحرك و نروح لعندهم .
نجلاء : وين ابوي .
بدر : ابوي راح قبلنا و نحن الحين بنلحقه يلا البسوا عبيكم و خلصوني .

في المطبخ ...
شادن تدور و البسمه شاقه حلقها من فستانها الحلو اللي جابته لها أحلام .
شادن : كيفه بس .
آسر : يا هوووو احستس العروسه .
شادن : ادلف أنا اجمل من كل العرايس ياحظ اللي بياخذني .
لطيفه : المسكينه صدقت نفسها قال ايش قال .
آسر : عيب يا بنت ارفعي علومتس وش اللي يا حظ اللي بياخذني .
شادن : سالفة و انتهت .
و صارت تدور بقوة و من كميه السرعه و الدوار سقطت فوق لطيفه اللي كانت جالسه في جنب آسر .
لطيفه : اااااااي يا بنت قومي الله يأخذتس .
آسر : ههههههههههههه حرام عليتس كان سقطتي فوقي.
شادن : يوووه احس الدنيا تدور حولي .
لطيفه : هذا جزاتس .
شادن : اسوري حبي جيب لي شكلاته يقولون انها تروح بالدوخه .
آسر : مع نفستس يقولون الكف يروح بالدوخه .
شادن : وش فيك قلبت ترا مشتهيه شكلاته .
لطيفه : اجل بعطيتس بشرط انتي اللي توزعينها على البزارين .
شادن ضربت تحيه و قالت : و لا يهمتس حضرة الشغاله .
لطيفه : و انا اللي مستانسه انتظر آخر كلامتس و بالآخير تقولين شغااله .
آسر : ووش كنتي متوقعه .
لطيفه : حضرة الملكة حضرة القائدة و من هذي .
شادن : و الله تخسين الشغاله و كثير عليتس .
احلام : و لعنة آسر متى ناوي تروح المجلس تراك انت صاحب العزيمه .
آسر قام و هو متحلطم : طيب طيب أنا رايح اصلا .
راحوا شادن و لطيفه و أحلام و جلسوا عند الحريم بالصاله دخلوا حريم و بنات ابو صالح و ابو ضاري و توجهت الأنظار لبنتهم الريم اللي ساحره الكل بجمالها حرفيا .
شادن بهمس للطيفه : ويعه يالطيفه شوفي مين جاء .
لطيفه بهمس : غبية انتي اكيد بيجون هذولي هم حريم صاحب ابوي و الأهم ان ريم هي اعز صديقه لنجلاء يعرفوا بعضهم اكثر من الكل .
شادن و هي مقطبه حواجبها تناظر لريم : مدري احس في شيء وراء هذي البنت .
لطيفه : ليكون غرتي منها .
شادن انفجعت : و ليه اغار ؟
لطيفه بإبتسامة خبث : لأنها عشيقة صالح .
شادن : و من زينه صالح ذا .
لطيفة : مدري تصدقين أنا من زمان انتظر اللحظه اللي بتتزوج فيها ريم صالح .
شادن حست بقرف و ما تدري ليه تحس ان ودها تخنق ريم ذي بس مستغربه من نفسها ليه تكره ريم و هي ما تتكلم معها كثير حتى .
جاء لعندهم ولد أحلام دحومي شادن مدت لها يدينها تبي تحضنه بس هو تعداها و حضن لطيفه .
شادن : خيانه عيني عينك .
دحومي لف و ناظرها : اووه خاله شادن ما انتبهت لتس .
و ترك لطيفه اللي تضحك بأنتصار و قرب من شادن و حضنها .
شادن : ما يفيد حضنك ذا أنا خلاص زعلت .
دحومي : في ستين داهيه .
شادن : و لعنة شكل لسانك طول يباله قص .
دحومي : و الله اللي طول هو أنا مو زيتس هذا طولتس من و انا صغير .
شادن و هي ماسكه أعصابها بقهر : دحيم يا تسلب .
دحومي : خلي دحيم لأصغر عيالتس .
و لف للطيفه و حضنها مره ثانيه و صار يبوسها .
دحومي : لطيفه يا ألطف من خلق ربي وين الحلاوة .
لطيفه ضحكت و قالت : هذي المره مع شادن .
دحومي انفجع و بانت على ملامحه الصدمه .
شادن : اي خلك مكانك يالمصلحجي .
و وقفت ووقف معها دحومي .
شادن : خييييررر يا بوي .
دحومي : الخير فيتس يا قلبي يا عمري ياحيات..
شادن : اوه اوه بس بس من وين تعلمت الغزل .
دحومي : من لما اتجسس على ابوي و امي .
لطيفه : يا حمار و الله لا أعلم أحلام .
دحومي : لا خلاص بخرج للحوش أنا .
و لف لشادن و غمز لها و قال بهمس : لقانا هناك يا حلو.
و راح يركض .
شادن لا زالت ملامح الصدمه تعتري وجهها و صارت تضحك بأستغراب .
لطيفه و هي تخزها و تغمز لها : وش قال عشيقتس السري .
شادن : قال لقانا هناك يا حلو لا و غمز بعد .
لطيفه فطست من الضحك و قالت : و الله انه معسول.
شادن غمزت لها : اعرفه أنا المعسول الحقيقي .
لطيفه خافت انها تعرف ب عبد العزيز اللي يلاحقها و قالت و هي تصطنع الضحكه : مين ؟
شادن : خالد زوج أحلام .
لطيفه ضحكت براحه .
شادن : و الله لا أحشر أحلام و اخليها تعترف .
لطيفه و هي ماسكه بطنها من الضحك : معتس معتس.