# وطحت بحبك يا ام العيون السود ..!!!

البا( 22 )رت

------------------------------------------------------------

كانت الجلسة مليانه ضحك و صدمات ووناسه بينهم و فجأة انمحت ابتسامتها من شافت رقمه داق عليها .
رفعت جوالها و ردت بدون نفس : هاه ؟
آسر و هو يحاول مايبين الخوف اللي مجتاحه في صوته : اسمعي زين ، اتصلوا علي بالشغل و انا رايح و انتي اجلسي عند اهلتس لين ارجع .
سكر في وجهها بدون ما يسمع ردها حتى .
نجلاء ابتسمت براحه و حريه و رجعت تسولف مع البنات و البسمة شاقه حلقها .
مزنه حكت للبنات عن كل اللي صار و عن زواجها بسلطان .
زينه صرخت : ااااااااااااااااااااااااا .
مزنه سكرت فم زينه .
شادن فاتحه فمها للآخر .
مزنه سكرت فم شادن و قالت : و هذا اللي حصل .
هيله : لا لا لا لا ماني مصدقه اخوي يسوي كذا هذا و هو اخوي اخوي ما حضنا حتى و لا قد لان لنا .
زينه : و هي الصادقة كل يوم يكفخلنا بس .
مزنه : هههههههههه حتى انا تفاجأت و قلت يمكن مريض .
جميلة ابتسمت بخبث و قالت : مو علينا يالعاشقين انتوا .
لطيفه : الله يعني في عرس ثالث .
صبحيه قامت ترقص و تقول : اي تزوجوا يالبزران و خلونا نحن الكبار لين نشبع من طفولتنا .
صيته : اي طفولة انتي ووجهتس صاكين الثلاثين .
لطيفة : وشو اللي ثلاثين ترانا خمسه و عشرين .
شادن : وييه لطيفه هدي هدي مو يعني انتس لو كنتي بعمرها صرتي بعقلها .
لطيفة ناظرتها بنص عين : هاه ؟
شادن ابتسمت و هزت كتوفها .
هيله : يووووووه وش ذي الأكياس ؟
مزنه : هذي هديه مني لكن شخصيا .
شادن انشق حلقها من الابتسامة اذا الموضوع فيه هدايا .
زينه و جميلة حطوا يدينهم على افواههم بعدم تصديق .
الكل ناظرهن بإستغراب .
زينه و هي تجفف دموعها : هذي احسن ماركه ماني مصدقه من وين لك الفلوس بالله .
مزنه : مدري هذا سلطان شغال بنك قولوا ماشاء الله لأفقع عيونكم .
الكل بدون نفس : ما شاء الله .
صيته : وش هي الماركه ذي .
صبحيه : ما قد سمعت هالكلمه من قبل .
شادن : زينه و طلاسمها ما علينا منها .
هيله : وييي متى نلبس هالفساتين .
مزنه : بعرسي اكيد .
صبحيه حضنت مزنه بأمتنان و كل البنات سووا مثلها .
صيته : كان ماكلفتي على نفستس .
شادن : الساعه كم ؟
لطيفة ناظرت لساعة يدها و قالت : 1 .
شادن : اوووف بروح احصي الوالده .
دخلت غرفة الحريم و صرخت بأقوى ما عندها .
الحريم فزوا منخرشات و سارة تدور على شيلتها و هي مفجوعه و فاطمه تتلفت بسرعه و اما حصة أشرت لشادن ب حركة اندرتيكر ( تعرفوها ذيك الحركة حقت بذبحك أو مدري وش ) .
شادن بلعت ريقها و هي تناظر لحصة اللي رجعت تنام وما حست إلا بالشبشب اللي بنص جبهتها .
شادن بألم : احححح هذا جزاء اللي تتطوع و تصحيكم؟؟
هيا : ما تطوعتي هذا امر مننا .
شادن : كله واحد .
فاطمه : كم الساعه يا تيسه .
شادن ببرود : الساعة ثنتين و نصصصصصصص ااااه .
هيا و فاطمه و سارة فتحوا افواههم و حطوا يدهم على رأسهم بصدمه و حصة اللي صحت و ناظرت لشادن و هي فاتحه عيونها لآخر درجه و معها شبشب .
شادن خافت و قالت : لا و الله امزح بعدها الساعه واحد .
و انحاشت تنجي بحياتها و الشباشب تتطاير من حولها .
مسكت شبشب هيا اللي صقع بجبهتها و اخذته معها و كانت تبي تخوف العيال به ، مشت لوراء البيت و تعثرت بشيء و سقطت .
وقفت و هي تنفض هدومها بألم و ناظرت للشيء اللي تعثرت فيه و صرخت صرخه رعب تخوف و كأنها وحش .