سبحانه الي زود الزين بالزين

البارت 34

دخل ابو ذكرى دورات المياة وشاف دايل ونزل سيفه على طرف الغسالة وجالس يغسل وجهه.
ابو ذكرى: يا وليدي الله يهديك علامك تسوي بنفسك كذا؟.
دايل: وخر عني ياعم ما ابي اغلط عليك.
ابو ذكرى: دايل انا حاس فيك والله، انا مريت بكل الي انت مريت فيه، دايل يا بوك درب ما يعزك لا تجيه!.
دايل: الدرب الي يعزني ويذلني ويسعدني ويحزني هو درب ذكرى وغيرة ما ابي!.
مشى دايل وطلع من الزواج وركب سيارته وراح واما خليل فغمز لفهد اخو ذكرى بمعنى اني ابي عروستي خلاص وبعدها قام فهد ودق على خوله وقال لها وخوله راحت ركض لهنادي وقاموا الثنتين يزبطون ذكرى الي غلب العلبوس على وجهها.
خوله: ذكرى علامك!.
هنادي: يا امك ذا عيب تكشرين وانتي عروس.
خوله: كلام امك صح يا ذكرى عدلي وجهك.
قامت ذكرى ورسمت على وجهها ابتسامه مصطنعه لان مالها حيل تشاددهم في الكلام، وقامت وشالت فستانها وانزفت على المعرس الي كان ينتظرها في غرفه مجهزة لهم وسلموا على بعض وجا مد لها يده علشان تمسكها بس طنشته ذكرى ومشت من جنبه وراحت للسيارة لوحدها وهنا خليل قام يغلي غضب وراح ركب في جهته من السيارة وحرك على الفندق وهو ما يشوف قدامه.
ذكرى: خليل خفف السرعه .. خليل مو من جدك! .. خليييللل!.
لف عليها خليل بغضب: خير! نعم! ايشبو خليل؟.
ذكرى: ليش سحبت الجلنط بسرعه كذا؟ وليه طاير بالسرعه كذا؟.
خليل: ما يحق لك تفتحي فمك وتحاسبيني على اي شي الين اوريك حسابك.
ذكرى بصوت عالي: اي حساب حظرتك تبغا تحاسبني عليه!.
خليل: حلو انا طلعت متزوج خوي مو بنت! وش ذا الصووت؟.
ذكرى: والله حبيبي عند كرامتي انسى انك تكلم بنت لاني رح اقلب عليك انسان ثاني.
خليل: انا اعلمك كيف تصيرين بنت.
نزل خليل وبسرعه وفتح الباب على ذكرى وسحبها مع شعرها وراح فتح الشنطة وحط ذكرى فيها وسكر عليها.