قعدت ذكرى تحوس في البيت وتدور الين رجع ابوها من المسجد بعد انتظار طويل.
ذكرى: الله جابك يبه، تكفى فيه موضوع ضروري ابيه منك وابيك تقول تم.
ابو ذكرى: عساه خير ان شاء الله؟.
ذكرى: طيب قول تم!.
ابو ذكرى: تم تم تم بس وش الموضوع!.
ذكرى: تكفى يبه طلبتك ابي احظر زواج الهنوف.
ابو ذكرى: نعم!!.
ذكرى: يبه تكفى البنات مالهم ذنب، شف والله ما اسلم عليهم ولا اكلهم بس تكفى ابي اشوف الهنوف بفستان زواجها بس وبعدها بطلع عليك.
ابو ذكرى بغضب: يصير خير ان شاء الله.
ذكرى: لا يبه ما بيك تصرفني كذا، انا ما طلبتك الا وانا عارفه انك ما بتردني ولا بتكسر بخاطري.
ابو ذكرى: عطيني مهله افكر الين فجر بكره.
ذكرى بفرح: واللله! شكرًا يبه.
ابو ذكرى: بلاك يا بنت تراني باقي ماقد قلت ايه ولا لا.
ذكرى: حتى لو قلت بفكر اعرفك انا، اعرف انك مستحيل تكسر بخاطري.
ابو ذكرى: طيب دامني ما كسرت خاطرك ابيك حتى انتي ما تكسرين خاطري ولا تتكلمين معهم، ترا العلوم لها رجلين ومصيرها توصلني.
نطت ذكرى وتعلقت على رقبة ابوها وحضنته بقوه وبكت: شكرًا يبه، مجرد وجودك بجنبي يسعدني بشكل ما تتصوره.
ابو ذكرى: الله يخليك لي يا بنيتي ويصلحك ويعوضك دنيا واخره.
ذكرى: امين يا رب.
ابو ذكرى: يا بنيتي ترا دايل ارسل اوراق الطلاق.
ذكرى باستغباء: طلاق!.
ابو ذكرى: لعل فيها خيره يا بنتي، وان كانه صادق فان الله بيظهر حقه وان كانه كاذب فما الله بيضيع له شي.
ذكرى: واذا طلع صادق بعد ما ضيعتوا عمري وعمره؟!.
ابو ذكرى: كيف ضيعنا عمرك وعمره؟!.
ذكرى: يعني ضيعتوا عمره بانكم زوجتوه الي تبلت عليه وضيعتوا عمري لأني ما رح اتزوج رجال ماهو دايل.
مشت ذكرى من عند ابوها وتركته في ذهوله وطلعت لغرفتها ودخلت وصكت عليها الباب وهي فيها ضيقة الدين والدنيا.
وعند ابو ذكرى الي دخل الغرفه عند خوله وهو باقي مصدوم من الكلام الي سمعه.
خوله: علامك كذا تهوجس؟!.
ابو ذكرى: ذكرى!.
خوله: علامها؟.
ابو ذكرى: قالت قبل شوي انه لو عرفتوا ان دايل صادق بعد مده طويله فانتوا كذا ضيعتوا عمري وعمره ويوم سألتها ليه قالت انكم ضيعتوا عمره مع البنت الي تبلت عليه وضيعتوا عمري لاني ما رح اتزوج رجال مو دايل.
خوله: معليك انت لا تكبر الموضوع في راسك ولا تكبره في راسها حتى هي ومصيرها تنسى مهمى قصر الزمن ولا طال.
ابو ذكرى: والله اني خايف نطلع ظلمنا الولد يا خوخه.
خوله: الله وحده قادر انه يظهر الحق والمحقوق.
ابو ذكرى: ونعم بالله.
أنت تقرأ
سبحانه الي زود الزين بالزين
Roman d'amourتروي رواية ( سبحانه الي زود الزين بالزين ) عن عيال جيران ( دايل ) بطل روايتنا، طويل، طوله ١٨٨، وسيم من صغرة كانت ملامحه غير عن اخوانه، عيونه سوداء كسواد القهوة الي يشربها كل صباح، وشعرة البني الشكلاتي الي يطفي الجاذبية على بشرته السمراء. ( ذكرى ) بط...
