،،،،،،،،: زوجتك ابنتي كادي على سنة الله ورسولة.
دايل: وانا قبلت.
...مو مستوعبين صح؟
وش رايكم نرجع للماضي شوي؟.
——————————————
خوله: ذكور الضيوف وصلوا خمس دقايق وانزلي.
ذكرى: المعازيم كثير ولا قليل؟.
خوله: اهلي واهل امك وعماتك واهل دايل.
ذكرى: طيب الحين لما انزل اروح للمختصر عند دايل واوقع اول صح؟.
خوله: اي بس بعد ما تقطعين الكيكه انتي ودايل وتسولفون خلك مكانك وهو الي يخرج وانا بنادي الحريم ويدخلون عندك هناك ويشوفون الطاوله.
ذكرى: يمه مره متوتره.
نجوان: والله وصرتي عروس يا ذكرى.
ذكرى: ترا دوبنا ملكه باقي ماحول الزواج.
نجوان: وش هادي ما حول!؟.
ذكرى: يعني مو قريب.
نجوان: طيب قولي كدا من اول!.
ذكرى: المهم ماعلينا، بالله كيف طالع الفستان علي؟.
نجوان: ياخد العقل.
ذكرى: والله!.
نجوان: اقسم بالله بتطيحي دايل في شباكك.
ذكرى: نجوان بالله صوريني بالكاميرا شوفيه تحت مخدتي.
نجوان: هادي كاميراة مين؟ ما ازركر عندك كاميراه.
ذكرى: وطي صوتك!! هذي كاميرا دايل عطاني اياها ووصاني اصور فيها.
نجوان: حركاات، يله يله تعدلي علشان اصورك.
كانت ذكرى لابسة فستان زهري فاتح مرره والي كان طالع عليها يفتن بسبب بشرتها البيضاء الي كانت تناسبها ذي الألوان.
كان الفستان طويل واكمامه طويله ووسيعه بعدها ضيقه من عند الساعد والي كان شيفون ومبطنت من تحت بقماش سيتان بنفس اللون، كانت مسويه شعرها بالرولات ومتمكيجه مكياج بارد وخفيف وحاطه مناكير بيج ولابسه السواره الي شراها لها دايل.
قعدت نجوان تصور ذكرى الين قاطعهم صوت خوله الي قاعده تناديهم من اسفل الدرج.
ذكرى: يمه يمه يمه، تكفين نجوان انزلي معي!!!.
نجوان: بنزل معك لا تخافي، وبلبس عبايتي وطرحتي وبدخل معك اصورك انتي ودايل.
ذكرى: فكره حلوه!!.
نجوان: بس فين نقابك بلبسه علشان ما يعرف مين انا.
ذكرى: شوفيه هناك معلق ورا الباب.
نجوان: يله بسم الله نزلنا.
نزلوا الثنتين بسرعه ودخلوا المختصر وجلسوا الثنتين ينتضرون الكتاب يدخل عليهم وتوقعه ذكرى.
نجوان: ذكرى لا تتكلمين بسجل صوتهم، تمام؟.
ذكرى: تمام.
قربت نجوان عند الباب بالجوال وبدت تسجل الكلام التالي:
المأذون: قل زوجتك ابنتي ذكرى.
ابو ذكرى: زوجتك ابنتي ذكرى.
المأذون: على سنه الله ورسوله.
ابو ذكرى: على سنه الله ورسوله.
لف المأذون على دايل الي كان وجهه بيتشقق من الضحك: قل وانا قبلت بابنتك ذكرى.
دايل: وانا قبلت بابنتك ذكرى.
المأذون: زوجةً لي على سنه الله ورسوله.
دايل: زوجةً لي على سنة الله ورسوله.
المأذون بصوت مرفوع لذكرى الي ورا الباب: هل تقبلين بهذا الزواج يا ابنتي بدون اي ضغوط خارجية.
ذكرى: نعم قبلت.
المأذون: اللهم بارك لهما وبارك عليهما واجمع بينهما في خير، الف مبروك يابو ذكرى الف مبروك يا ديل الله يهنيكم ويوفقكم في حياتكم.
الكل: اللهم امين الله يبارك فيك يا شيخ.
المأذون: الحين ابيكم تاخذون هذا الكتاب وتعطونه للعروس وخلوها توقع هنا.
لما سمعت نجوان ذا الكلام خرجت برا المختصر علشان ما بترتاح وهي كذا قالطه معهم.
قام حمود وابو ذكرى واخذوا الكتاب حق الخطوبه ومعهم قلم وراحوا لمختصر وقربت منهم ذكرى ووقعت ووسلمت عليهم وباركوا لها بعدها طلعوا وهي وقفت وقعدت تدور لنجوان.
ذكرى بهمس: بنت نجوان!.
نجوان: بجيكم بعدين احس عيب اقط وجهي بينكم سولفوا شوي بعدها دقي علي وانا بجيك واصوركم.
ذكرى: والله اني عارفه انك بتبيعيني.
وقفت ذكرى باستقامه بعد ما حست انه فيه احد قاعد يفتح الباب وعرفت على طول انه دايل يبي يدخل.
دايل وحمود فاتح له الباب: السلام عليكم.
ذكرى بخفوت: وعليكم السلام.
حمود: يله عن اذنكم بروح واذا احتجتوا شي نادوني.
ذكرى: تمام.
طلع حمود وسكر الباب وراه وجاء دايل قرب من ذكرى ببطىء وتردد وخوف ومد يده ومسك يدها وهو الابتسامه شاقه وجهه ودموعه على طرف عينه.
ذكرى بعبره: يمه كأنه حلم.
دايل: اخيراً تحقق حلمنا وصار اجمل من الي كنا متوقعين لدرجه اننا نحسه حلم.
صارت لحضه تأمل طويله شوي وهم ماسكين يد بعض ويتأملون بعض وكأنهم اول مره يشوفون بعض.
دايل بعد تردد: احس مقدر اصبر، عادي اخمك؟.
ذكرى: اي عادي.
سحبها دايل جهته وحضنها حضن قوي من كل قلبه يعبر لذكرى كبر حبه لها، ونفس الشي لذكرى الي بادلته الحضن ودموعهم اربع اربع.
ذكرى: دايل كيف مكياجي؟ خرب صح؟.
دايل: تعالي شوي.
شال دايل طرف شماغك ومسح فيها دموعها ومسكرتها السايحه.
رجعت ذكرى لورا وشهقت بقوة: دايل!!.
دايل: عيون دايل.
ذكرى: خربت شماغك!!.
دايل: يفدونك كل اشمغتي وغتري.
ذكرى: بس بعد شوي بترجع للناس ويشوفونها!؟.
راح دايل شخص شماغه بطريقه بحيث انه ما يبان الطرف الي فيه مسكرة وبعدها لف وقعد يوري ذكرى: هاه باينه؟.
ذكرى: لا خلاص.
رجع دايل ومسك يد ذكرى وسحبها معه اللين جلسها على الكرسي وجلس على الكرسي الجنبها ونزل عكازه جنبه وجلس يسولف معها وياخذ وعطي.
دايل: الا صدق نسيت!.
ذكرى: وش؟.
دايل: ودك تفكين الحظر ولا كيف.
ذكرى: يوووووه نسيييت منه!! بس اذكر اني فكيته يوم كنت ادق عليك ايام المستشفى.
دايل: طيب اصبري بدق عليك.
دق دايل عليها وبالفعل رن جوال ذكرى الي غطت على الجوال اول ما طلع الاسم.
دايل: ليه غطيتي؟!.
ذكرى: خصوصية.
دايل: والله ان اشوفه.
ذكرى: والله ما تشوفه.
مد دايل يده بسرعه ليدها وهو يحاول يفكها من الجوال وذكرى صامله وشاده على الجوال بقوه.
دايل: ذكرى وربني.
ذكرى: ما طرى لي.
دايل: لا حبيبي يطرى لك ونص.
وقف دايل لما انتبه للشخص الي واقف عند الباب ويناظر بصدمه.
فهد: مو منجدكم!!.
دايل بتغابي: وش مو منجدنا؟.
فهد: انا جاي اتطمن عليكم خفت لا يكون مستحين بعض بغيت افك لكم جو بس اكتشفت ان المعاتيه معاتيه.
ذكرى: وش سوينا!!.
فهد: تتهاوشون في يوم خطوبتكم!!.
دايل: ما ورتني وش سمتني في جوالها.
ذكرى: ماله دخل يعرف، هذي خصوصية.
فهد وهو يسكر الباب عليهم: معاتيه!.
دايل بضحك: عجبك الحين! بنصير الحين سالفه عند اخواتي.
ذكرى: يوووه والله ان يستلمونا استلام.
استغل دايل التهاء ذكرى بالسوالف وسحب جوالها ورفعه بسرعه لعد عيونه وشاف الاسم.
ذكرى: دااييللل!!.
دايل: ابو الزوز!؟! المشكله مافيه في اسمي حرف ز!!.
ذكرى: بكيفي انا كذا ابي اسميك.
دايل: بس تصدقين الاسم منك حلو، ابيك دايم تنادين فيه.
ذكرى: عناد فيك مارح اناديك فيه.
دايل: زعلتي مني؟.
ذكرى: اجل؟.
دايل: حبيبة روحي والله اني اسف.
ذكرى بتبسم: حبيبة ايش؟.
دايل: روحي.
ذكرى بتبسم: بفكر.
دايل: في وش؟!.
ذكرى: اني اقبل اسفك.
قاطعتهم نجوان الي دقت على الباب واستأذنت تدخل.
نجوان: قد لبستوا الدبلات؟.
ذكرى: لا باقي.
نجوان: تمام الحين ابي اصوركم وانتوا تلبسون بعض.
قام دايل واخذ الدبله الي اختارها بكل عنايه وحب علشان تناسب ذوق ذكرى وقرب من ذكرى ومسك يدها الي كانت ترجف بخيف وشد عليها علشان تهدأ واخذ الدبلة ودخلها في اصبعها، وجت ذكرى نفس الشي اخذت الدبله ومسكت يده ولبسته اياها ونجوان واقفه قدامهم وتوثق كل شي.
أنت تقرأ
سبحانه الي زود الزين بالزين
Romansaتروي رواية ( سبحانه الي زود الزين بالزين ) عن عيال جيران ( دايل ) بطل روايتنا، طويل، طوله ١٨٨، وسيم من صغرة كانت ملامحه غير عن اخوانه، عيونه سوداء كسواد القهوة الي يشربها كل صباح، وشعرة البني الشكلاتي الي يطفي الجاذبية على بشرته السمراء. ( ذكرى ) بط...
