سبحانه الي زود الزين بالزين

البارت 33

طلعت ذكرى من غرفتها ركض وراحت دخلت غرفة هنادي الي طلعوها من المستشفى وصاروا يعيشون معها.
ذكرى: يمه يمه يمه نجوان جايه لجده ابي استقبلها.
هنادي: مين نجوان؟.
ذكرى: يمه ذي صديقتي من وانا في الروضة واعدها حسبه اختي.
هنادي: قولي لحمود قبل تخرجين.
ذكرى: لا لا معليك بخليه هو الي يوديني.
هنادي: لا تلهينه من دروسه.
ذكرى: معليك يمه اصله بينبسط.
سكتت هنادي وهي ماهي فاهم ليش ينبسط وهل معقوله حمود الي معتكف على دوسه ممكن يترك مذاكرته علشان يودي ذكرى تشوف صديقتها!.

..

راحت ذكرى ركض لحمود فتحت باب غرفته بسرعه: حموووودددييي.
حمود: كم مره قلت لك دقي الباب!.
ذكرى: حمود تكفو ودني المطار ابي استقبل نجوان.
حمود باتسامه يحاول يخفيها: جت نجوان.
ذكرى: اي جت وابيك اليوم يعني تسوي فيها الجنتل مان قدام ابوها علشان تكسبه قبل تخطب.
حمود بحماس: ووش اسوي طيب؟.
ذكرى: شيل الشنط من يده ويد نجوان.
حمود: وامها!.
ذكرى: انا بشيل شنطتها لا تشيل هم.
جمود: ورجلك يا المهبوله.
ذكرى: طيب خلاص انت شيلها كلها ولا تقعد في خاطرك.
حمود: انقلعي بس انقلعي.
ذكرى: الشرهه على يعطيك نصايح.
حمود: طيب بسرعه تجهزي يا ام النصايح لاني لو نزلت تحت وانتي مو معي بامشي واخليك!.
ذكرى بضحك: يا الخفيف ما اتفقنا كذا! في ذمتك وش تبي تسوي اذا تحت هناك لحالك؟.
حمود: اقول اجهزي ولا يكثر.
طلعت ذكرى من غرفه حمود وراحت غرفتها واخذت عباتها وشنطتها ويوم صارت بتطلع مرت من عند غرفة امها.
ذكرى: يمه اذا بغيتي شي اتصلي علينا وبنجيك على طول، وترانا ما بنطول.
هنادي: الله يحفظكم يمه.
حمود من ورا ذكرى: وياك.
طلعوا الاثنين وركبو السياره واتجهوا للمطار على طول.