سبحانه الي زود الزين بالزين

البارت 40

فتحت ذكرى باب البيت ببطىء وطلت براسها وتفقدت المكان وما لقت احد قدامها جو بسرعه دخلوا الاثنين وفي يدينهم الاغراض وراحوا لغرفه ذكرى وحطوا الاغراض فيها ويوم جو بيخرجون لقوا حمود داخل للغرفه.
ذكرى بصوت عالي: يله برا برا برا وربي بموت حر ابغا افك ملابسي واتروش.
كمل معها فهد وقام سحب حمود برا وهو يحاول يغطي الاغراض: اي والله انك صادقه قيض قيض، حمود تعال تكفى عطني من ملابسك ابي اتروش واغير.
حمود: طيب طيب بس..
فهد: لا بس ولا شي بموووت.
ذكرى: يله يله برا برا.
سحب حمود يده من فهد: يا ورع فكني! ابي اقول ان مافيه الا حمام واحد في الشقه يا دلخ.
فهد وذكرى في نفس الوقت: انا اول.
غمز فهد لذكرى: انا اول خلي حمود يروح معي يطلع لي ملابس من درجه!.
ذكرى: لا انا اول خلوني اغير واطلعوا الحين من الغرفه.
حمود: توم وجيري لا انت ولا انتي انا الي بروح اتروش.
ذكرى: صح عليك، انا راضيه انت تتروش اول.
فهد: حتى انا بس اهم شي ذكرى ما تتروش اول وحده.
طلع حمود من عندهم وهو حاس ان فيه شي غريب يصير بس طنش ذي الشكوك وراح اخذ ملابسه وراح للحمام واما ذكرى وفهد راحوا بسرعه للصاله وجهزوا الكيكه والمفرحات وراحوا نادوا هنادي الي وقفت بعيد بالجوال تصورهم وهم وقفوا على جوانب باب الحمام ومعهم الي يفكونها وتنفجر وتطلع الوان ( يارب فهمتوا😭 ).
وجلسوا ينتظرون حمود الين فتح الباب وفجرها الاثنين سوا في وجهه.
حمود بفجعه: وجهييي! ليش وجههي!؟.
ذكرى وهي ميته ضحك: الف مبروك الزواج الله يتمم لك.
فهد: تكفى يا خوي لا تنسى خوك اسأل نجوان يمكن معها بنات عم شي ابغا اتزوج.
حمود: انت افلح اول شي بالوظيفه الزينه بعدها فكر بالزواج.
فهد: هيه لا تنافخ تراك باقي طالب جامعي.
حمود: على القليله مستقبلي مضمون ودرجاتي زينه مو مثلك باقي ماقد قفلت على القدرات.
فهد: خلني اخلص التحصيلي اول شي بعدين اختم القدرات.
حمود: المفروض انك مختمها من الترم الأول يا تافه!.
فهد: الحين احنا نحتفل فيك ولا نناقش مستقبلي؟.
حمود: الاثنين.
ذكرى بتفاهه: الاثنين ولا الثلوث.
حمود: يا سخفككك تكفين لعاد تتكلمين!.
تقدم حمود والابتسامه شاقه وجهه وراح باس امه وباس راسها بعدها جلس يطالع للكيك.
حمود: والله اني كنت حاس ان وراكم شي.
فهد: والله وبتتزوج وتسحب علي.
حمود: يوه والله انك صادق اشم ريحة عزوبيه في جهتكم، ريحتها مره خايسه.
ذكرى: انت الخايس يلي ما تستحي. بالله فهود مو قاعد تشم صنة متزوجين؟.
فهد: الا والله الريحه قويه.
حمود: ذي ريحة النظافه حبيبي ما تعجبكم انتم يالمخانيز.
ذكرى: يمه ولدك غلط علينا.
هنادي بمزح: بس يمزح معكم! شفيكم على وليذي؟.
حمود: اي يمه حبيبي دافعي عني ذولي الاثنين متوحشين بياكلوني.
فهد بضحك: دز امها بس.
التموا الأربعه حوالين الطاوله وقطعوا الكيكه ووزعوها وجلسوا يضحكون ويسولفون.