الكاتبة: ميار
كثيرا ما {أعيننا} تفضحنا..
فبنظرة واحدة ؛
تكشف للجميع ما بداخلنا وتحدثهم...
{أسرارنا} ..
بعض المشاهد
شفته واكف وعروك ايده ضاهرة
سوران/"منو هاذا احجي لا بحق محمد اليوم اسحلج بت الكو*اد شنو فاتحين هنا مكحبه كووللي منو هاذ"
بقيت اباوع بكل مكان الا عيونه وجسمي احسه يرجف وسنوني سن يطگ بسن شيخلصني اليوم اكيد راح اموت اكيد راح ينفذ الي كاله فزيت ع صوته رج الغرفه رج
"بت الصاقطين مو جاي احاجيج جاووبي"
حجه وضغط ع سنوني حسيت فكي انكسر جوه ايديناته وره ثواني عاف فكي وجرني من شعري...........
(مشهد ثاني )
"حبيبتي ننو تعالي انطيني بوسه من خدج الحلو الي جنه العافيه "
"ما ..ما عمو مايقبل ابوثج"
"منو ميخليج تبوسيني؟؟"
حجيتها واحس ودي اسمع الجواب و يطلع الي ببالي
"عمو أثيل مايقبل"
(مشهد ثالث)
سمعت صوت يم السياره
وشفت رجلين لاربع زلم لابسين بوت اسود
صحتلهم
" ساعدونه فدوه ماجاي يكعد فدوةةة ساعدوه هوه اكيد مامات
ابجي واصيح عليهم
حطيت ايدي ع وجهة
"فدوة اروحلك اكعد مو وقت نومتك ابوس ايدك اكعد لاتعوفني شكول لامك ولابوك اكعد بداعتي انته موو...تكول احبج لعد يالله كوم وين عفتني مو كتلي احميج افتح عيونك فدوه والله رعبتني عليك
احجي وياه التفتت ع هذولي واكفين نفس وكفتهم
...............................................................................
اعرفكم عني اني نرجس من محافضه بغداد عمري 23 وهاي قصتي من قبل عشر سنوات ليومكم هاذا مريت باشياء ماعتقد مرت ع شخص ولحد الان عايش
كل قصتي من مذكراتي جنت ادون يوم بيومه ماعدا الاحداث الي محفورة براسي عبالك البارحه صارت ويايه
راح تشوفون
ظلم-فراق-انكسار-خيانة اقرب الاشخاص الك وهواي اشياء ماكدر الخصهة بكلماتت قليله
انولدت بعائله عاديه كأي عائله عراقيه بس بيها ايام هادئه قليلة وايام المشاكل هوايه......ومتنتهي.
عندي ثلاث اخوات هدى ونورس وزينب واني رابعتهن نرجس
وعندي 3 اخوان رضا ومصطفى ومحمود
ومامه وبابه
بس بابه كلش عصبي كلمته ماتصير اثنين وهوه يداوم فيروح 15يوم يصعد وينزل 10ايام نرتاح من يصعد ولو هسه تكولون مايصير اكول هيج ع أبويه بس راح تعرفون ليش هيج احجي وراح تكولون حقج تحجين هيج وأكثر
ومامه مرأه ضعيفه ويه الكل بس علينه احنه اولادها عصبيه ومتتحاجه ومتقل عن ابونه
zzzzzzz..........................bb......................zzzzzzzz
2013:/10:26a
البس بصدريتي وكدامي المرايه المكسورة ورجعتلي احداث البارحه نزلت دمعتي ع خدي تحجي عن الوجع الي بداخلي الي اذا طلعته مارتاح واذا بقيته يزيد بداخلي كمشت الكدمات الي ع وجهي اباوع على شفتي المجروحه وناشف الدم عليها وعيني الزركه من الضرب وخدي الي بيه طبع اصابع غطيت الي كدرت اغطيه بشعري اخاف احد يشوفه
